هو فيه مسلم علمانى ليبرالى ؟!!!

[AbOnOrA]

سؤال بحس ان فيه ناس بتتكسف تسأله او تجاهر برأيها فيه

هو ينفع واحد يبقى مسلم وعلمانى فى نفس الوقت !!
او مسلم واشتراكى او مسلم وليبرالى !!
هى مش الاشتراكية ديه كفر هى والعلمانية والليبرالية ؟؟
ازاى بقى تبقى عامل نفسك مسلم وانت علمانى وليبرالى وبتكره الدين !!

ده للاسف لسان حال فئه كبييييييرة من الناس دلوقتى حتى لو مصرحش بيه بيبقى ده اللى فى دماغة ..
وبيبرر ده لنفسه بحاجة من الاتنين على حسب
لو شايفك محترم وفاهم دينك تبقى عبيط ومضحوك عليك ومغرر بيك او حتى لابسك عفريت

او لو شايف شكلك مش عاجبة تبقى كذاب وبوشين وعامل فيها مسلم بس انت اصلاً ابن تيت ومش عايز تبين !!

وبالتالى هسأل تانى

ينفع تبقى مسلم بجد ومش كذاب ولا منافق وبتحب الدين ومؤمن بالحضارة الاسلامية وبتحب الشرع ومؤمن بالعقيدة ومش عبيط ومش ممول ومش لابسك عفريت ومش ابن تيت !!!!

انا مش هتعجل الاجابة ولا هصادر على فكرك بس عايزك تجاوب بصراحة ووضوح ايه رايك فى الناس اللى بيتقال عليهم علمانيين وليبراليين ؟
انت شايفهم مسلمين ولا اعداء دين ؟

[goudai]

انا هاتكلم عن نفسى يا ابونورا لان انا كنت وصلت للمرحلة دى ايام انتخابات البرلمان لدرجة من كثرة تشكيك الناس تساءلت فعلا انا وضعى ايه بالظبط ؟ وبمساعدة من الاخ المحترم اللى افتقدته بشدة ومش عارف هو مبيدخلش ليه المنتدى المهندس سمير عياد توصلت للاتى ان انا والحمد لله
مسلم سلفى ليبرالى علمانى
مسلم : لانى مؤمن بالله وبرسوله وبالكتاب المبين
سلفى : لاننا كلنا بنتبع هدى الرسول وماشيين على خطاه مع التفاوت بين الناس
ليبرالى : يعنى حر لان liberty معناها الحرية لكن فى حدود كونى مسلم سلفى وبما لا يتعارض مع ذلك يعنى مااروحش اشرب خمرة واقول حرية او ليبرالية
علمانى : لان درست علم معين اللى هو الحقوق مثلا وبطبقه وكل صاحب علم بيطبق علمه فى حدود مالا يتعارض مع الدين ، ده غير انها بتدل على اتجاه معين لدى الفرد باقتناعه بفصل الدين عن السياسة ، والشعراوى رحمه الله اتكلم فى موضوع فصل الدين عن السياسة والحوار كان عندى بس مش متذكره حاليا.
فى النهاية انا مش شايف اى تعارض بين المصطلحات السابقة مع كون المرء مسلم
وتحياتى العطرة ليك يا ابو نورا وكل الاعضاء

[أدهم صبرى]

ليبرالى : يعنى حر لان liberty معناها الحرية لكن فى حدود كونى مسلم سلفى وبما لا يتعارض مع ذلك يعنى مااروحش اشرب خمرة واقول حرية او ليبرالية

يبقى إنت كده مش ليبرالى
الليبرالية هى الحرية المطلقه.

علمانى : لان درست علم معين اللى هو الحقوق مثلا وبطبقه وكل صاحب علم بيطبق علمه فى حدود مالا يتعارض مع الدين

يبقى انت كده مش علمانى.
لإن العلمانية هى الفصل التام بين الدين والسياسة "دع ما لقيصر لقيصر وما لله لله".

مسلم : لانى مؤمن بالله وبرسوله وبالكتاب المبين سلفى : لاننا كلنا بنتبع هدى الرسول وماشيين على خطاه مع التفاوت بين الناس

كلنا هذا الرجل

[nktis]

لإن العلمانية هى الفصل التام بين الدين والسياسة

انا كدا و لله الحمد علماني صرف .,.

[goudai]

المشاركة الأصلية كتبت بواسطة أدهم صبرى يبقى إنت كده مش ليبرالى الليبرالية هى الحرية المطلقه. يبقى انت كده مش علمانى. لإن العلمانية هى الفصل التام بين الدين والسياسة "دع ما لقيصر لقيصر وما لله لله". كلنا هذا الرجل

انت اقتبست كلامى على طريقة ولا تقربوا الصلاة وعامة ده راى الشيخ الشعراوى :
الشيخ الشعراوى (رحمه الله ) لما سألوه : " لماذا لا تنتمى الى حزب دينى و لا ترشح الاحزاب الدينية فى المناصب السياسية ؟؟ "

رد و قال :
... ... ...
. لأن الانتماء الى حزب دينى او ترشيح حزب دينى ليس من ركائز الاسلام و لن ينقص اسلامى شئ اذا لم انتمى الى هذا الحزب او ادعمه.
... ...
. انا مسلم قبل ان اعرف الاخوان او غيرهم و انا مسلم قبل ان يكونوا حزبا و انا مسلم بعد زوالهم .. و لن يزول اسلامى بدونهم.. لأننا كلنا مسلمون و ليسوا هم وحدهم من اسلموا .

.اننى ارفض ان ارشح حزب يستعطفنى مستندا على وازعى الدينى قبل ان يخاطب عقلى .

.هو حزب سياسى و ليس له علاقة بالدين و هو يمثل الفكر السياسى لأصحابه و لا يمثل المسلمين .

. لأننى ارفض ان تلخيص دينى فى صندوق انتخاب .. فدينى هو صلة بينى و بين خالقى عز و جل.

. اتمنى ان يصل الدين الى اهل السياسة .. و لا يصل اهل الدين الى السياسة .

لأنكم ان كنتم اهل دين .. فلا جدارة لكم بالسياسة .

و ان كنتم اهل سياسة .. فمن حقى ألا اختاركم و لا جناح على ديني