ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

[hamaad]

هو مستر محمود زعلان مننا ليه حد عنده فكرة ياريت التوضيح

[shisho117]

الحقيقة انا مشفق علي مستر محمود علشان هو فتح موضوع بجد لا يحسد علية, وانا ليا عندة اجابة لشوية اسئلة:

1. لما تكون عربية تمنها برة 13000 دولار يعني 78000 جنية تقريبا دة متضمن مكسب البياعين برة بردة , وحوالي 50% جمارك وضرايب يعني تفريبا 115000 جنية وتتباع ب 165000 للمواطن المصري يعني مكسب حوالي 40000 جنية في العربية دة يبقي اسمة اية؟
2. لما تكون السيارة الاتنرا اللي سبق دكرها في النقطة السابقة بتنزل بمواصفات اعلي بكتير من اللي عندنا حتي الموتور بينزل GDI والناس هنا تاخدها بتكنولوجي قديمة موتور قديم MPI وتنزل با تنين اير باج بدل 8 وبدون الاوتو باركنيج بيقي دة اسمة اية؟
3. لما الوكيل يستهبل الناس ويديهم ضمان 3 سنين وبرة ضمان الهيونداي 7 سنين في اوروبا او حتي الخليج يبقي اسمة اية؟
4. لما نص شركة هيونداي التاني اللي هو KIA تنزل عربية زي السيراتو واللي اسعارهم علي النت واحدة برة وفي الخليج ويبقي سعر الهاي لاين في السيراتو 129000 جنية واختها من نفس المصنع تبقي ب 165000 جنية يبقي اسمة اية؟
5. لما الوكيل يشيل كل وسائل الامان القياسية من العربيات وطظ في امان الناس واولادهم وحياتهم, ولما تسال العربية دي فوق ال 100000 جنية لية يقولك تكييف وباور وسنتر, ههههه دة علي اساس ان دي كماليات مش اساسيات بتنزل في اي عربية بمواصفات قياسية او علي اساس اني دافع فوق ال 100000 جنية علشان اخد عربية من غير باور ومن غير تكييف, دة يا راجل بيشيل حتي حلية هيونداي الليي بتبقي علي الدركسيون علشان يوفر , بالذمة يبقي اسمة اية؟
6. لما الوكيل يغلي سعر العربية علشان فرق سعر العملة ولما تنزل العملة تاني ما ينزلش سعر العربية, يبقي اسمة اية؟
7. لما الوكيل يغلي سعر العربية 2000 جنية ويجي بعدها بشهرين ويقول فرصة تخفيضات 2000 جنية لفترة محدودة, يبقي اسمة اية؟
8. لما الوكيل ينزل عربية كوري ب 165 الف جنية ويدخل في فئة الاوروبي الخالص يعني لو زودت 10000 جنية ممكن تركب جولف 6موديل 2012, او حتي اوكتافيا فانتازيا - مع احترامي لتطور الصانع الكوري- الا انة صعب جدا المقارنة مع الصانع الالماني سواء من جودة او عمر افتراضي او امان, بجد شتان في المقارنة,حتي في اسعارهم خارج مصر, يبقي دة اسمة اية؟
9. انا بقي عايزك وعايز الاعضاء المحترمين يردو ويقولو اسمة اية؟ لاتعليق

[magdy m.s]

المشاركة الأصلية كتبت بواسطة shisho117 الحقيقة انا مشفق علي مستر محمود علشان هو فتح موضوع بجد لا يحسد علية, وانا ليا عندة اجابة لشوية اسئلة: لما تكون عربية تمنها برة 13000 دولار يعني 78000 جنية تقريبا دة متضمن مكسب البياعين برة بردة , وحوالي 50% جمارك وضرايب يعني تفريبا 115000 جنية وتتباع ب 165000 للمواطن المصري يعني مكسب حوالي 40000 جنية في العربية دة يبقي اسمة اية؟ لما تكون السيارة الاتنرا اللي سبق دكرها في النقطة السابقة بتنزل بمواصفات اعلي بكتير من اللي عندنا حتي الموتور بينزل GDI والناس هنا تاخدها بتكنولوجي قديمة موتور قديم MPI وتنزل با تنين اير باج بدل 8 وبدون الاوتو باركنيج بيقي دة اسمة اية؟ لما الوكيل يستهبل الناس ويديهم ضمان 3 سنين وبرة ضمان الهيونداي 7 سنين في اوروبا او حتي الخليج يبقي اسمة اية؟ لما نص شركة هيونداي التاني اللي هو KIA تنزل عربية زي السيراتو واللي اسعارهم علي النت واحدة برة وفي الخليج ويبقي سعر الهاي لاين في السيراتو 129000 جنية واختها من نفس المصنع تبقي ب 165000 جنية يبقي اسمة اية؟ لما الوكيل يشيل كل وسائل الامان القياسية من العربيات وطظ في امان الناس واولادهم وحياتهم, ولما تسال العربية دي فوق ال 100000 جنية لية يقولك تكييف وباور وسنتر, ههههه دة علي اساس ان دي كماليات مش اساسيات بتنزل في اي عربية بمواصفات قياسية او علي اساس اني دافع فوق ال 100000 جنية علشان اخد عربية من غير باور ومن غير تكييف, دة يا راجل بيشيل حتي حلية هيونداي الليي بتبقي علي الدركسيون علشان يوفر , بالذمة يبقي اسمة اية؟ لما الوكيل يغلي سعر العربية علشان فرق سعر العملة ولما تنزل العملة تاني ما ينزلش سعر العربية, يبقي اسمة اية؟ لما الوكيل يغلي سعر العربية 2000 جنية ويجي بعدها بشهرين ويقول فرصة تخفيضات 2000 جنية لفترة محدودة, يبقي اسمة اية؟ لما الوكيل ينزل عربية كوري ب 165 الف جنية ويدخل في فئة الاوروبي الخالص يعني لو زودت 10000 جنية ممكن تركب جولف 6موديل 2012, او حتي اوكتافيا فانتازيا - مع احترامي لتطور الصانع الكوري- الا انة صعب جدا المقارنة مع الصانع الالماني سواء من جودة او عمر افتراضي او امان, بجد شتان في المقارنة,حتي في اسعارهم خارج مصر, يبقي دة اسمة اية؟ انا بقي عايزك وعايز الاعضاء المحترمين يردو ويقولو اسمة اية؟ لاتعليق

اشكرك علي تعليقك المميز- من ناحية دا اسمه ايه: يوجد اسمين الاسم السوقي هو سرقة ونصب واحتيال - الاسم العلمي هو ممارسة سياسات احتكارية - واقترح ان ينظم اعضاء المنتدي من مالكي سيارات هونداي جروب/رابطة ويتم تجميع 500 عضو مثلا (او اكثر) ويتم تقديم شكوي لجهاز منع الممارسات الاحتكارية ويتم تجميع المستندات بمعرفة الرابطة من اسعار السيارات والكماليات واسعار قطع الغيار والخدمات ومدد الضمان ........الخ ومقارنتها بالدول الاخري خاصة المجاورة وترفق هذه المستندات بالشكوي - ويتم ارسال صورة من الشكوي والمستندات للشركة الام في كوريا

[MmFFoR]

اقولك اسمه ايه؟

اسمه ان المستهلك المصري يستاهل اللي يجراله

[dr_maged]

المشاركة الأصلية كتبت بواسطة mmffor اقولك اسمه ايه؟ اسمه ان المستهلك المصري يستاهل اللي يجراله

عندك حق لما الحاجة تبقى بنزيد بصورة استفزازية وبدون اى منطق او سبب لزيادة الاسعر غير جشع التجار ورجال الاعمال ورغبتهم فى تحقيق ارباح من جيوب المواطنين ولسة بعد كل ده ناس بتشترى وبتدفع مع ان البدائل موجودة وماليه السوق واحنا اللى بنحصر نفسنا فى منطقة واحدة وبنديهم الفرصة يعملوا فينا كدة يبقا نستاهل اللى يجرالنا لحد ما نغير نظام البيع والتعامل مع المستهلك قريبا ان شاء الله