ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

[dr.wael7yran]

طيب انا ممكن اسأل حضرتك سؤال ..
انا كنت زبون محتمل لغبور و كنت مستعد ادفع 100 الف في عربية ..
و لما رحت اتفرجت على الاربي الاتوماتيك لقيتها ب 103 الف جنيه ..
و كان معايا 3 اصحابي و احنا التلاتة كنا عايزين نشتري عربيات..
و بنظرة سريعة على امكانيتها و حجمها ..
و بمقارنة سريعة بينها و بين العربيات اللي كانت و اقفة جنبها في المعرض ..
زي البومة و الالنترا القديمة و السيراتو .. عربيات كاتجوري تاني خالص ..
احنا التلاتة اجمعنا في نفس الوقت انه سعرها غير مناسب اطلاقا ليها ..
و انه و سامحني السياسة التسعيرية في غبور استهبال رسمي ..
معتمد على اسمه و شكل العربية الحلو ..
و طنشنا الاربي في لحظة الفرجة عليها.. لاننا حسينا انه غبور بيسرقنا
احنا موش بتوع اقتصاد علشان نحلل اقتصاديا هو ليه مغليها كده ..
بس احنا 3 دكاترة بفكرنا البسيط حسينا انه غبور مستعبط و بيسرق الناس ..
حاول تفهم كلامي و تفسرلي احنا طنشنا الاربي ليه ؟

[seifmando]

اعتقد انه مش هيرد

[MmFFoR]

المشاركة الأصلية كتبت بواسطة Mr.Mamo بصو الخبر الجديد ده كده نخفضت قيمة الجنيه المصري أمام اليورو بنحو 1.6% عن مستواها في الأسبوع السابق ليبلغ سعر اليورو 8.087 جنيه مصري، وذلك حسب النشرة الأسبوعية الصادرة عن مركز المعلومات ودعم اتخاذ القرار التابع لمجلس الوزراء تحت عنوان "اتجاهات الاقتصاد". وانخفضت قيمة الجنيه أمام الدولار أيضا بنحو 0.04% عن مستواها في الأسبوع السابق ليصل سعر صرف الدولار 5.956 جنيه مصري، كما واصل أيضا الجنيه انخفاضة أمام الجنيه الاسترليني بنحو 0.8% ليصل سعر الجنيه الاسترليني إلى نحو 9.315 جنيه مصري. وتراجعت ايضا قيمة الجنية المصري مقابل المائة بحوالي ين الياباني 0. 1% ليبلغ قيمة المائة ين الياباني بنحو 7.761 جنية مصري . أما بالنسبة لأسعار صرف العملات الأجنبية، فقد انخفضت قيمة الجنية الاسترليني أمام الدولار بنحو 0.2% . بينما ارتفعت قيمة المائة ين الياباني مقابل الدولار الأمريكي بنحو 0.1% عن مستواها في الأسبوع السابق. ايه رايكوا في الكلام ده

ايه رأيي في الكلام ده؟

سعر الدولار لما غبور بيه رفع السعر بعد الثورة كان وصل 6.25 جنيه
الدولار سعره نزل الى 5.95 و بعديها غبور رفع السعر للمرة الثانية!!!!
و ثم لما سعر الدولار يرتفع 0.04% بما يعادل 4 قروش لكل مائة جنيه!!! يعني 40 جنيه لسيارة ثمنها مائة الف جنيه!!! عمرك سمعت ان غبور رفع سعر اي سيارة 40 جنيه؟

[Neo206]

المشاركة الأصلية كتبت بواسطة dr_maged برضوا مع احترامى لحضرتك هختلف معاك وممكن ما شرحتش الموضوع المشاركة اللى فاتت لكن اللى بيدفع تمن العربية هوه المواطن الغلبان محدود الدخل هتقولى ازاى اللى بيشترى العربية واحد معاه تمنها ومش مهم الكام الف الزيادة هقولك هوه مين هيشترى العربية دكتور مهندس تاجر طيب دول لما يلاقوا العربيات غلت وهما العربيات اساسية طبعا بالنسبة ليهم محدش يقولى هيركبوا ميكروباصات مثلا هيعمل اية طبعا كالعادة هنلاقى الحاجة غلت وفزيتا الدكتور غلت وكيلو السكر غلى وكيلو الطماطم غلى وتسأل ليييييييه يقولك الحاجة كلها غلت جت علينا وبكدة يبقى المواطن اللى ملهوش ضهر ولا حد بيدور عليه هيدفع الزيادة فى تمن العربيات دى بطريق غير مباشر وبردوا حتى لو مش سلعة اساسية واللى بقوله مش هيحصل بجد اللى يشترى الحاجة دى بعد الاستخفاف بينا وباعزار واهية يبقى غلطان غبور اللى مزود بيعه وعمل اسمه هوه ان فى شركات بتركب كل اللى فيها عربيات من هيونداى يعنى تعاقدات وبكدة الرقم بيزيد بصورة كبيرة ويبقى هوه رقم واحد فى السوق ودا بينعكس بقى على الباقى يعنى اللى بيخصمة للشركات الكبيرة علشان تشترى منه الف عربية فى السنة مثلا يجى للى بيشترى واحده ويدفعة زيادة علشان الاسم وانه رقم واحد زى بالظبط مثال واحد فاتح فى حتة نضيفة وديكور وبتاع تلاقى بيبيع الحاجة اغلى من نفس الحاجة لو فى محل بسيط طبعا لان الديكور وايجار المحل بيحمله للمستهلك دا حاجة معروفه بتحصل فى اغلب السلع فى مصر لان مفيش رقيب ولا حد بيحاسب بالاختلاف مع كل دول العالم اللى مهما يحصل الحاجة سرعها ثابت

بجد كلام حضرتك فى الصميم و الناس دى مش حاسه بالناس بتجيب الفلوس دى ازاى و ان زيادة الف مش الفين ولا اربعة تفرق و كمان تنسف حلم واحد بقاله زمان بيحلم بعربية جديدة ارحموا الناس بقى

[Neo206]

المشاركة الأصلية كتبت بواسطة mmffor ايه رأيي في الكلام ده؟ سعر الدولار لما غبور بيه رفع السعر بعد الثورة كان وصل 6.25 جنيه الدولار سعره نزل الى 5.95 و بعديها غبور رفع السعر للمرة الثانية!!!! و ثم لما سعر الدولار يرتفع 0.04% بما يعادل 4 قروش لكل مائة جنيه!!! يعني 40 جنيه لسيارة ثمنها مائة الف جنيه!!! عمرك سمعت ان غبور رفع سعر اي سيارة 40 جنيه؟

انا كملت قراءة تعليقات الناس بجد مصر بخير و ناسها واعيه اهوه
فين بقى الضغط على الشركات دى عشان تحس اننا اتغيرنا و بقالنا صوت
انا عايز رد من الاستاذ محمود على الاعضاء الكرم و انا منهم مستنى الرد