سؤال لغبور... ويا ريت حد يرد عليا ( أحترموا عقولنا)

[na7nology]

السلام عليكم...
الموضوع ده .... هو هو على منتدى سيارات تانى وأنا قصدت أنقله هنا هوهو للنشر والأفادة
يا جماعة أنا مهندس مصرى وشغال فى الأمارات وطبعا من ساعة ما جيت هنا من 5 سنين و انا شايف العربيات حواليا أشكال وألوان ماركات ومواتير وكل ده مقارنة بمصر ولا فارق معايا وراضى وبركب وبغير عربية الحمد لله كل سنتين فى مصر لغاية ما الأنترا الشكل الجديد نزلت مصر وقررت أنى أجيبها بعدما بعت التيريوس اللى كانت معايا وفوجئت ان سعر العربية البيزك اتوماتيك ب 124 ألف جنيه ...
السؤال : ليه ومصنع هيونداى هوهو مصنع كيا(بعد م أندمجو فى شركة واحدة) دلوقتى الفرق الكبير ف سعر السيراتو من الألنترا (نفس الموتور ونفس العفشة ونظام التعليق فى الشكل الجديد) خاصة والسيراتو الفول أبشن 2011 كانت بحوالى 133 ألف مش 154 ألف زى الأنترا ؟!!!!!!!
يا جماعة أنا سألت على تمن اللألنترا 2012 فى ابو ظبى هنا هوهو تمن السيراتو والأتنين تخيلوا بكام ؟!!! 56 ألف درهم .... مش هطرق لموضوع الجمارك ده نظام بلد ولازم نحترمه خاصة فى الظروف اللى البلد فيها دلوقتى بس أنا ذكرت السعر عشان أقولكم أن السعر يا جماعة واحدددددددددددددددددددددد ددد...

يا أستاذى العزيز غبور نرجو من سيادتك أحترامنا وأحترام عقلياتنا أكثر من هذا ويكفى ما نتعرض له من أستغلال فى مختلف المجالات الأخرى
وأنا هبدأ بنفسى أهوه وببلغ الجميع أنا مش هجيب هيونداى لا ألنترا ولا غيرها وبأذن الله شعبنا وعيه هيزيد وهنوقف الأحتقار والأحتكار اللى انتو عملينه لينا ده.....

وشكرا

[Neo206]

فين غبور يرد على الرجل و علينا
فعلا بس للحق مش غبور و بس ده كل التوكيلات كده
وده بصراحة لان احنا الى بنسمحلهم يستهبلونا

[syd]

فعلا كل التوكيلات على الحال ده ..
وربنا يهدي ..!

[crime]

اجنا اللى خليناهم بعملوا فينا كده

[mesho70]

- الاكسنت الشكل القديم ( بداية الاكسنت )
- ومن عاملين بالشركة كانت تكلفتها لا تتجاوز 8 الاف جنية
- فى حين ان سعرها اقترب من 60 الف وهى تجميع محلى لا جمارك ولا غيرة
- ولية نروح بعيد اريال الفيرنا الكهرباء ثمنة فالتوكيل 1000 جنية ( الف جنية )
- فى حين ان انظف اريال لا يتجاوز 200 جنية خارج التوكيل
- فعلا ً مبالغات غير عادية
- واى رد من العاملين بالشركة هو دفاع عن عملة