العودة   مصر موتورز مجتمع السيارات > سوق السيارات فى مصر موتورز > سوق السيارات المصرية > المرور والشهر العقارى

المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور


إضافة رد
 
أدوات الموضوع
  #1  
قديم 02-05-2015, 08:36 PM
mohamed spark mohamed spark غير متواجد حالياً
 
تاريخ التسجيل: May 2015
المشاركات: 7
mohamed spark is on a distinguished road
تقرير نقل ملكية السيارة من الالف للياء

السلام عليكم
انا حبيت انقلكم تجربتى مع الشهر العقارى والمرور لاول مرة فى حياتى وذلك للافادة والاستفادة
الموضوع كلة خد معايا 3 ايام
اول يوم طلعت على الشهر العقارى ومعايا كل توكيلات العربية والرخصة والبطاقة وبعدين اشتريت عقد بيع سيارة ودخلت عالموظف راجع على الورق وكتب البيانات وقالى روح للتقدير روحت لموظف التقدير فتح الجدول اللى عندة وكتب المبلغ وختم العقد وقالى روح الخزنة ادفع روحت دفعت وخدت الايصال وبعد كده رجعت للموظف الاولانى راح كمل التسجيل وقالى روح اختم العقد من مدير المكتب ختم النسر طبعا وخلص اول يوم
تانى يوم روحت المرور الجديد اللى تابع لمنطقتى السكنية اشتريت ورق من الشباك اسمه ورق نقل ملكية وطلعت على الضابط راجع على الورق وراح ادانى التاشيرة على الورق وبعد كده دخلت على مهندس الفحص لسه بيقولى ياباشا الستارة الخلفية شغالة روحت رزعتة 20 جنية راح قال لواحد معاه ارفع البصمة الفنى لاقيته بيقولى يابيه الماتور سخن مش عارف ارفع البصمة روحت حطيت العشرة جنية فى جيبة لاقيتة اتشقلب ونام تحت العربية وراح مدخل ايده من ورا الاكصدام وخد البصمة زى القرد ورجعت تانى للمهندس راح ختم الورق وكتبلى فية للمرور القديم عشان اطابق البصمة روحت للضابط راح خاتملى بختم النسر وطيران على المرور القديم دخلت على شباك مطابقة البصمة رزعته الورق وقالى اقعد شوية لغاية الدوسية ينزل شوية ولاقيتة بينده عليا روحت لاقيتة شغال فى الورق بتاعى خلص مطابقة البصمة وقالى اختم من الضابط روحت ختمت تانى بختم النسر ورحت طالع على نيابة المرور ودفعت المخالفات وجبت الشهادة وعملت الاستعلام الامنى ونزلت تانى للضابط عشان ختم النسر تالت مرة وبكده خلص اليوم التانى والحمد لله
تالت يوم طلعت عالمرور بتاعى ومعايا كل الورق روحت للمهندس اللى فحص راح كتب شوية كلام وختم بالختم بتاعه وكلاكيت رابع مرة ختم النسر روحت خارج بعد كده على بتوع التامين الاجبارى دفعت واخدت الاستمارة وروحت على شباك المعاناه قصدى شباك نقل الملكية وصلت للشباك بعد ساعة ونصف طبعا عشان الطابور وطول ماانا واقف فى الطابور سامع الناس بتقول للموظف ياابو حمادة اتاريها كلمة السر قولتله صباح الخير يابو حمادة راح ضحك وقالى فين رشا افتكرت ساعتها فيلم عسل اسود روحت رزعة 20 جنية قالى صباح الفل روحت اديتة الورق وادانى وصل الضريبة رحت دفعت فى الخزنة ورجعتلة قالى فك النمر وروح على شباك الرخص فكيت النمر وشوية لاقيت الموظف بتاع الرخص بينده عليا ادانى امر صرف وامر استلام وقالى روح سلم النمر روحت شباك النمر خد منى امر الاستلام ومضى علية وختمة وادانى صورة منه رجعت على شباك الرخص ادانى الرخصة الجديدة ورجعت تانى على شباك النمر خد الرخصة وراح طلع بالنمر الجديدة مضيت على اذن الصرف وخدت النمر والرخصة وطيران على البيت عشان انام وبكده بقت العربية بتاعتى رسمى فهمى نظمى وعقبال المرة الجاية
رد مع اقتباس
  #2  
قديم 02-05-2015, 11:54 PM
khaled_k21 khaled_k21 غير متواجد حالياً
 
تاريخ التسجيل: Apr 2011
المشاركات: 70
khaled_k21 is just really nicekhaled_k21 is just really nicekhaled_k21 is just really nicekhaled_k21 is just really nicekhaled_k21 is just really nice
افتراضي رد: نقل ملكية السيارة من الالف للياء

مبروك يا باشا
بس العربيه نوعها ايه ؟
رد مع اقتباس
  #3  
قديم 03-05-2015, 12:20 AM
mohamed spark mohamed spark غير متواجد حالياً
 
تاريخ التسجيل: May 2015
المشاركات: 7
mohamed spark is on a distinguished road
افتراضي رد: نقل ملكية السيارة من الالف للياء

شيفروليه سبارك
رد مع اقتباس
  #4  
قديم 03-05-2015, 02:08 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: نقل ملكية السيارة من الالف للياء

ده انا نهجت من القرايه ربنا يكون فى عونك وحمد لله على السلامة كده انت اخدتلك 3 - 4 ايام تقريبا صح ؟
وياريت تقولنا نقلت من مرور ايه لايه ؟
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #5  
قديم 03-05-2015, 08:31 PM
mohamed spark mohamed spark غير متواجد حالياً
 
تاريخ التسجيل: May 2015
المشاركات: 7
mohamed spark is on a distinguished road
افتراضي رد: نقل ملكية السيارة من الالف للياء

الله يسلمك ياباشا الموضوع كله خد 3 ايام يوم فى الشهر العقارى ويومين فى المرور
وكنت بنقل من مرور النزهة بالقاهرة الى مرور الوراق بالجيزة
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
بعض المعلومات الهامة ... ريـــنو ميـــجان II sharky رينو ميجان Mégane 23 27-12-2014 11:22 AM
جميع إجراءات البيع و الشراء للمستعمل ahmedromance سوق السيارات المصرية 17 10-06-2013 07:44 PM
رفع السيارة لمدة ... samirsaid1 Hyundai هيونداى 0 01-12-2011 01:20 PM
53 نصيحة لقائدى السيارات ومالكيها Ala'a Eldin المنتدى التعليمى والمكتبة الفنية 3 31-08-2011 01:26 PM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:09 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017