#1
|
|||
|
|||
اشتريت بومه 2010 ,, و عندي استفسارات رجاء عاجل
السلام عليكم ,,
انا لسه شاري بومه 2010 كلاسيك 1600 ضمان الوكيل ,, انا كملت 1000 كم ,, - عاوز اعرف اقرب مركز خدمه معتمد ممكن اعمل فيه صيانه 1000 انا ساكن في التجمع الخامس ,, و اعمل في المهندسين - ش البطل احمد عبد العزيز ,, سمعت ان في مركز في الرحاب هل ده صحيح و هل هو معتمد و كويس في الصيانات العاديه ,, - ليه بيتغير الزيت في صيانه الالف مع انه لسه جديد ؟؟ و زيت موبيل 1 بيتغير كل قد ايه بعد كده ,, - هل في مشكله من استعمال بنزين 92 ؟؟ - انا بركن العربيه في الشغل مايله يعني الكاوتش الخلفي بيطلع على رصيف ارتفاع 15 سم تقريبا ,, هل ده يضر بالعربيه و لا عادي ,,؟؟؟ - بالنسبه للعنايه بالنظافه الداخليه للتابلوه و الخارجيه للصاج ,, هل هناك اي نصائح مع العلم ان السياره سوداء ,,؟؟ |
#2
|
|||
|
|||
رد: اشتريت بومه 2010 ,, و عندي استفسارات رجاء عاجل
فين الردود يا رجاله ؟؟؟؟؟؟؟؟؟؟؟؟؟
|
#3
|
|||
|
|||
رد: اشتريت بومه 2010 ,, و عندي استفسارات رجاء عاجل
- الف مبروك السيارة وربنا يبارك لك فيها ان شاء الله - صيانة الالف مهمة علشان الضمان يتختم والوكيل بيصر على استمرار عمل الصيانة لدية ( بأى فرع ) كل 10 الاف كم 1 - عنوان اقرب مركز صيانة لك تلاقية فى كتيب الضمان الازرق ( العناوين والتليفونات ) 2 - الزيت بيتغير على الالف الاولى - على حد قولهم - انة بيكون زيت تلين ويتم تغيرة مع الفلتر وسعر الزيت 225 ج + الفلتر 50 ج + 10% ضريبة والسرفيس مجانا ً اول 1000 كم وبيقولوا ان سبب التغير تلافى احتمال وجود رايش من الموتور فى اول الف كم * وبعد كدة يتم تغير الزيت والفلتر كل 10 كم 3 - بالنسبة للبنزين ( بالرغم ان غطاء التنك من الداخل مكتوب علية " 95 " ) الا انى بمون فى الغالب بنزين 92 واحيانا ً 90 لما مش بلاقية ومفيش اى مشاكل والعربية لانسر 1600 موديل 2010 4 - ركن العربية مايلة ممكن على المدى البعيد يأثر على المساعدين ويفضل تبقى عدلة ويفضل تضعها على N وتشد فرامل اليد بدل من وضعها على P لو اتوماتيك 5 -بالنسبة للنظافة الخارجية بيكون فى الاول العربية عليها طبقة شمع وبتلاقى مشكلة فى ظهور الاتربة عليها خاصة اللون الغامق ولكن دة محتاج نظافة مستمرة *اما النظافة من الداخل وخاصة الجلد الطبيعى بعد مسحة من الاتربة توجد ملمعات تابلوة ممتاز خاصة المستورد وهنا بالمنتدى مواضيع كثيرة خاصة بهذا الموضوع ولكن يفضل تكون معاك فرشاة صغيرة لتنظيف مخارج التكييف و حول مفاتيح التكييف وغيرها واى استفسار انا فالخدمة مع العلم انى عملت صيانة الف و 10 و 20 الف حتى الان فالتوكيل |
#4
|
|||
|
|||
رد: اشتريت بومه 2010 ,, و عندي استفسارات رجاء عاجل
الف مبروك السيارة وربنا يبارك لك فيها ان شاء الله
انا ساكن فى التجمع و بعمل الصيانة فى الرحاب الناس هناك فيفهموا و اسعارهم كويسة و دة مركز معتمد انا معيا بومة 2008 لو عاوز حاجة كلمنة انا اعرفهم كويس جدا 0127433644 انا اسمى رامى |
|
|