تقيم مرور السلام ( خاص لمصر موتورز )

[Saif eldien]

تقيم مرور السلام
هقول لكم اية ال تم فى المرور دة خطوة خطوة ومبالغ المدفوعة لترخيص عربية لانسر 1600 موديل 2008 وان شاء الله هقولكم على تقيمات اخرى لوحدات مرور اخرى ودة من الان وهتابعكم بالجديد ودة لطبيعة شغلى وتعاملة فى ترخيص سيارت ودة بنفسى يعنى مش سمع كلام من حد ولا تجارب لناس غيرى
نبداء
السيارة كانت ماشية برخيص موقت يجدد كل 3 اشهر وعدة اول سنة على السيارة وكان لازم تجدد وبعد مجبت بوليصة التامين للبنك وانهيت اجرائات البنك بدا التعامل مع مرور السلام وعايز اقولكم انة بجد اسواء مرور موجود فى مصر
ذهب الى المرور علشان اجيب مخلفات العربية وبعد متقف فى طبور عبارة عن 75 فرد يرد عليك بتاع الشباك يقولك انت ترخيص موقت اطلع على مرور الدراسة هات مخلفات وتذهب الى مرور الدراسة وفى اقل من ربع ساعة بطريقة محترمة وانت جالس بعد تسليم الرخصة تسمع واحد ينادى عليك ويقولك مبلغ المخالفات ولان فى اغلب الاحوال لا تجد مخلفات على السيارة الجديدة فى اول سنة فيقولك 10 جنية بتوع اية بتوع الاعانة والدمغات ومعندكش مخالفات ترجع على مرور السلام تجد الطبور اصبح على كل شباك اكثر من 150 واحد والجو حر جدا وفى مراوح بس مش شغالة وتتمنى تشرب اى شى ساقع وهتجد لان ماشاء الله كمية باعة جائلين يحملون صناديق الساقع كبيرة جدا لدرجة انك يجيلك صداع من الازعاج بتعهم وتكرة تشرف اى شى ساقع ولا مياة حتى منهم المهم تذهب تشترى ملف ولان حتى الراجل بتاع بيع الملفات معندوش استعدا يساعد الناس فتطر تروحلة 3 او 4 مرات لية علشان اول مرة تشترى ملف وبعدين تروح تجيب ورق لتسليم النمر وعلشان يقدر دمغات علية وامر صرف لوحات جديدة وبعدين ترجعلة علشان تصور صورة البطاقة مرتين وصورة الرخصة تانى وطبعا الكلام دة مبتعرفوش من الراجل بتاع الشباك لانك مش ممكن توصلة ابدا ابدا غير بعد 5 او 6 سعات على الاقل المعلومات دة بتعرفها من الناس ال وقفة فى الطابور وانت بتراجع مع ناس سباوق بخطوة وكمان من كثرة ممارستك فى الموضوع دة وتستغرف ان الراجل بتاع كشك التصورير عارف الكلام دة بس ميقولوش ليك تحس انة بيستخصر يتكلم معاك بعد كدة تيجى خطورة تامين اجبارى سنة ولان القانون واضح فى النقطة دة فالعربية مفروض تدفع 75 جنية للسيارة دة بس بحد حسبة الدمغات وغيرة تجدة يقولك الحساب 86 جنية ومفيش فكة وخد بالك من موضوع مفيش فكة دة علشان هتجدة كثير وبتالى راحت اول 100 جنية تامين غير عند التصور تدفع لك حوالى 15 تصوير صورة اى شى بجنية وملف فاضى وكام ورقة طبعا لا تنسى انك تكون فاكك النمر للسيارة وتكتشف ان الشباك قفل او بلغة ادق الراجل تعب ومش عايز ياخد ملفات ودة هيكون الساعة 4 ونصف وتسال مش فى فترة مسائية يقولك محدش جة وبتالى احنا كام مفروض نمشى من الساعة 3 وكدة كفاية اول يوم
يجى اليوم الثانى ونصيحة منى اذهب على الساعة 8 او 8 ونصف تكون واقف اما الشباك مش هتلاقى موظفين مش مهم المهم انك اخذت دور واصبحت رقم 9 فى الطابور ودة معجزة ولانك مش لوحدك ال بتفكر فطبعا فى اقل من نصف ساعة اصبح عدد الموجودين بعدك اكثر من 30 واحد ويجى الموظف ونبدا المرحلة التانية دفع الضريبة واحضار الملف ولانة زية زى باقى الناس ميقولش على كل شى مرة وحدة ويخليك تروح وتيجى رغم انك لازم متنساش وانت بتقدم الملف والبطاقة تحت تحتهم الاصطباحة او الاكرامية ودة شى عادى ال ربنا يقدرك علية تفتكر دة هيفيدك لا عادى بردة انت جى تتمرمت اليوم وبرضة تدفع فلوس يجب الملف ويراجع الورق ويشوف الملف ال معاك ويراجع ورق ويتلكك ليك على اى شى علشان يجيبك بكرة او يمرمتك شويةويقولك صورت البطاقة تقول نعم يتغاظ طيب جبت ورق الضريبة تقولة نعم يتغاظ اكثر لما ميلقيش حل امامة يبدا يقدر ليك الضريبة ولانك هتسلم نمر وتحصل على النمر الجديدة وتحمل نمر كمبيوتر فلازم تشرب المقلب وتدفع يقدر الحساب بمبلغ 374 جنية سنة واحد وانت مش فاهم شى وتروح تدفع وتاخد ورقة طلبات من البية عبارة عن نموزج من الخزنة وشوية طوابع متنوعة ودمغات تروح هناك متلقيش فكة فى الخزنة مع ترتيباتك تدفع حوالى 380 جنية ودة لانك رتبنت وانت واقف وطلعت فكرة وبعدين تروح على شباك تانى تجيب النموذج والطوابع بحوالى 18 ومتنساش كل خطوة من دول شباك مختلف وطبور مختلف ترجع للطبور الاول بتاعك ولانك عشرة فى الطبور ومر عليك حوالى 3 سعات فالناس تدخلك على الشباك سريعا لانك دفعت ودة العرف ولانة كمان بيقولك هات الورق بتاع الدفع نجى للخطوة الثانية يقولك اية دة دة عربية لانسر تقولة نعم يقولك اطلع فوق على المباحث وهات تحريات عن السيارة تقلق انت وتحس ان العربية اتعمل بيها مصيبة او انك سرقها المهم تطلع فوق وتجد واحد عسكرى وتقدم صورة البطاقة وصورة الرخصة يغيب شوية ويرجع بيهم مختومين وتكتشب ان اغلب السيارت نفس الحال مش النوع بتاع وبس لا اغلبهم تنزل تانى للطبور بتاعك وتقف شوية يراجع ويمضيك وياخد منك النمر ويقولك مبروك انتظر تحت التندة هنادى عليك تستلم الرخصة والنمر الجديدة تطلع تحت التندة تجد كل الناس العشرة ال كانت قبلك فى الطبور منتظرة تقول عادى شوية ونمشى تمر اول ساعة متجدش حد مشى والعدد بيذيد تقلق تبدا تقوم تتفحص الامور تكتشف بعد مرو الساعة الثانية ان الكمبيوتر عطلان وان مفيش تسليم رخص وان فى مهندس هيجى من المدرية يصلك الجهاز وان السستم واقع وان الطابعة عطلانة وانك احتمال تاخد الملف بتاعك تانى واحتمال تمشى بترخيص تانى وحجات غريبة وتمر السعات ودة شى عادى جدا واحد يقولى كانك بتقول بتمر الدقائق عايز اقولة دة اسود سعات تمر عليك وسعات تشيلك وسعات تحطك وتمشى شوية وتسمع اقويل بيقول نمشى ونيجى الساعة 8 مساء علشان الكمبيوتر بتصلح على الساعة 7 وانت مش عارف تعمل اية تمشى بلعربية من غير نمر ولا رخصة ازاى ومش عربية جديدة باين عليها مفيش عليها ورق ابيض انها جديدة تعمل اية
تفضل اعد تتمشى شوية وتجلس شوية وتموت من الحر شويتين وتبقى مش قادر ومش طايق نفسك وتلعن المرور وتتمشى شوية وتتفحص الوحدة بتاعت المرور وفين وفين على الساعة 4 ونصف الكمبيوتر اتصلح وتسمع الجملة المعتادة ربع ساعة والناس كلها تمشى وانت جالس تسمع ناس تقولك انا روحت امبارك الساعة 9 ونصف ليلا وناس تقولك يا راجل دة بدرى انا ماشى الساعة 10 ومع ذلك محدش منهم خلص اى شى
وفين وفين تجد الرخصة طلعة وتستلمها بعد رحلة كفاك وتقول الحمد لله وتروح لا طبعا تروح طابور تستلم فى اللوحات الجديدة ودة اخر طبور اقولك لا طبعا مش عايز الشنطة والمثلث تنتظر الباشا رئيس الوحدة يئشرلك على ورقة علشان تروح تستلم المجان وتدفع الرسوم بتعتهم تفكر تعمل كدة يقولك انتظر يسلم الرخص الباقة ونبدا فى موضوع المثلث والشنطة تلعن وتكرة وتقرر تسيب المجان وتروح وتنتهى الرحلة الساعة 6 مساء بعد محصل فى راسك خرم كبير جد من الشمس وانت خارج تجد ناس متعونة تركب النمر الجديدة مش ببلاش طبعا

نهاية الموضوع
تامين اجبارى 100 جنية
ضريبة 380 جنية
ورق وتصوير وملف 15 جنية
اكراميات ومبالغ نسرية 100 جنية
مخلفات 10 وانت معندكش مخالفات
ملحوظة الشنطة والمثلث يتم بيعهم ب 40 جنية شنطة ومثلث 30 جنية
وتجد حد تانى بيبعهم ب 45 جنية شنطة ومثلث 25 جنية
وتجد حد ثالث بيبعهم ب 40 جنية ومثلث ب 35جنية

راى فى الوحدة مرور يفتقد التنظيم عن غيرة من وحدات اخرى يحتاج الاهتمام اكثر ولازم يتم تقسيمة لانة يشمل مناطق كثيرة ودة مينفعش او يتم زيادة ععد الموظفين الى 3 اضعاف الموجودين على الاقل
تابعونا فى وحدات مرور اخرى

[alref]

يا ساتر يا رب

دي رحلة عذاب
ربنا يكون في عونك
و عوننا كلنا علشان اكيد في يوم هنضطر نتعامل مع المرور

[Ahmed Anwer]

يوووووووووووووووووووووه


أنتا لازم تفكرني ،، بالمرور الزفت ده ،،

للأسف انا تبعه ،،

و هاغير رخصي من عليه في اقرب فرصة ، إن شاء الله

مرور السلام بيخدم مناطق عدد سكانها يمكن اكثر من عدد سكان ليبيا

مش عارف يعني مرور مصر الجديدة الفاضي اساسا قسموه النزهة و مصر الجديدة

و مرور مدينة نصر قسموه التجمع الخامس و مدينة نصر

و المرور الظريف ده محدهش ابدا بيفكر يقسمه

رغم انها حاجة بديهية

[د0تامر محمد]

انا اتبهدلت من كام يوم فى مرور آخر هو الجزيرة وكنت اسمع انه من احسن مرورات القاهرة ولكنى اكتشفت ان مرور الشرقيه اعظم مرور فى مصر
انا رحت المرور الساعة 11 صباحا 00فحص وبصمة واشتريت دوسية ب63 جنية(ورق ونمر ومثلث وشوية حاجات)
دفعت التأمين وكان 82 جنية فى كشك داخل المرور وبعدين دفعت الضرية 253 لسيارة 1500وبعدين طلعت الرخصة واستلمت شنطه ومثلث ببلاش وركبت النمر بعد ماسلمت القديمة والساعة 12 ونص كنت مروح والحمد لله ولم ادفع مليما واحدا لاى انسان رشوة مع العلم انى لا اعرف موظف واحد بالمرور والضابط المسئول محترم وبتتعامل معاه فى مكتبة مباشرة

[AbOnOrA]

تسلم ايدك يا سيف باشا

انا دايماً بسمع قصص مشابهه عن مرور السلام ويمكن اكتر كمان

الحمد لله على نعمة مرور الوايلى