ظبط رجلاش الثلاثة دواسات + فرملة اليد ( بالصور )

[luckyman]

الوقت يمر ولقا قريب ان شاء الله تعالى

[عصام غنايم]

الوقت يمر ولقا قريب ان شاء الله تعالى

بأذن الله

ألقاك على خير

[haninatoon]

لو تسمح ليا سؤال فى موضوع رجلاش الدبرياج؟؟؟؟؟؟؟؟؟؟؟؟

النظرية
مش انى لما اطول زراع المسافة بين الدواسة والبيستم بتاع الدبرياج كدة النقل يتم افضل لان الفصل تم تماما
طيب يبقى المفروض انى الصامولة الفها عكس اتجاة عقارب الساعة
وكمان لاقيت ان الصامولة فى الربط حتوصل لغاية الحديدة اللى شكل حرف U وبس يبقى المفروض انى افك الحديدة دية والفها لفتيين وارجعها تانى واربط بعديين الصامولة " يعنى اطول مشوار الصامولة 12"

وبكدة يبقى المشوار طول الدواسة عليت اضغط المشوار بقى اطول يبقى الفصل تم تماما

اللى انا بقولة دة صح ولا غلط

[haninatoon]

المشاركة الأصلية كتبت بواسطة haninatoon لو تسمح ليا سؤال فى موضوع رجلاش الدبرياج؟؟؟؟؟؟؟؟؟؟؟؟ النظرية مش انى لما اطول زراع المسافة بين الدواسة والبيستم بتاع الدبرياج كدة النقل يتم افضل لان الفصل تم تماما طيب يبقى المفروض انى الصامولة الفها عكس اتجاة عقارب الساعة وكمان لاقيت ان الصامولة فى الربط حتوصل لغاية الحديدة اللى شكل حرف U وبس يبقى المفروض انى افك الحديدة دية والفها لفتيين وارجعها تانى واربط بعديين الصامولة " يعنى اطول مشوار الصامولة 12" وبكدة يبقى المشوار طول الدواسة عليت اضغط المشوار بقى اطول يبقى الفصل تم تماما اللى انا بقولة دة صح ولا غلط

انا فهمتك ياكبير انا الفكرة ماكنتش فاهم موضوع مفتاح 9 دة
بس لما شفت على الطبيعة فهمتك
انت صح صح صح
1000 شكر يا برنس

[ابو منه]

المشاركة الأصلية كتبت بواسطة عصام غنايم بسم الله موضوع رجلاش الدواسات من المواضيع الهامه اوى فى قيادة اى عربيه ليه ؟ لان تحكمك فى قيادة العربيه اجمالاٌ بيتم عن طريق 6 مكونات الثلاثة دواسات ( بنزين + فرامل + دبرياش )+ الفتيس+ فرملة اليد + الدركسيون لذلك اهتممت بعمل موضوع منفرد لظبط اداء هذه المكونات طبعاٌ ما عدا الدركسيون والفتيس ( دول موضوعين لوحدهم ) الموضوع ده انا بهديه للاستاذ مهدى ( mahdyez ) وطبعاٌ قبل ما نبدأ موضوعنا اتمنى منكم الدعاء ( بالشفاء لى ولزوجتى ولاولادى وبالستر وسعة الرزق ) بسم الله نبدأ فى العربيات اللى فراملها ورا ديسكات او سكينه بترجلش نفسها اوتوماتيك يعنى مبتحتجش كل فتره ان يتعملها رجلاش ولذلك ( ارتفاع دواسة الفرامل ثابت ) اما العربيات اللى فراملها ورا طبل زى اغلب العربيات فظبط رجلاش فرملة اليد مهم اوى فى التحكم فى ارتفاع دواسة الفرامل وبالتالى تقليل زمن التوقف وايضاٌ ارتفاع مستوى منظومة الفرامل فى السياره ككل ازاى ؟ وايه اللى دخل فرملة اليد فى فرملة الرجل ؟ الموضوع بسيط التيل فى العربيات اللى ورا الطبل اللى بيتحكم فى ارتفاعه ومدى ملامسته للطنبوره هو مدى شدة وير فرملة اليد وبالتالى كل ما كان وير اليد مشدود كويس كل ما كان التيل مرفوع وملامس لسطح الطنبوره مما يقلل من كمية الزيت المطلوبه لتحقيق الفرمله وبالتالى مسافة الدوسه من رجلك مما يقلل من زمن التوقف ومسافة التوقف اذاٌ فحاجه بسيطه اوى ( رجلاش فرملة اليد ) بيفرق فى رفع مستوى امان السياره حاجه عجيبه طيب سيبنا بقى من الكلام النظرى ونخش على العملى مش هنفك الكونسول الوسطى علشان نوصل لرجلاش فرملة اليد لا عندى طريقه سهله اوى هنقعد على الكنبه اللى ورا ونخلع درج الطفايه اللى فى الكنسول الوسطى ونجيب مفك عاده وندخله فى علبة الطفايه من فوق ونزق بشويش لبره .. هنلاقى علبة الطفايه طلعت فى ايدنا هنجيب مفتاح عشره مشنشر وندق على طرفه بشاكوش لحد ميبقى شكله كده [IMG]..[/IMG] هندخل المفتاح داخل العلبه ونركبه على الصاموله بتاعت رجلاش دراع اليد ذى كده [IMG]..[/IMG] هنبدأ نربط بأتجاه عقارب الساعه لفه بلفه ونجرب نشد الدراع لفوق ونشوف مقاومته زادت اد ايه وطبعاٌ ننزله تانى المفروض لما نشد الدراع لفوق بدون ما ندوس على زرار التحرير نسمع 5 تكات ممكن اقل ممكن ازيد حسب ما انت تحب ( بالنسبه للناس بتوع التخميس والدريفتات ) بعد ما نظبط مدى حركه الدراع هنزله على الآخر ونحرك العربيه حركه بسيطه بأيدينا ( زق يعنى ) علشان نتأكد ان الفرامل مش مشدوده اوى ( قافشه ) تمام كده هنركب العلبه كبس وبعدين نركب الدرج تانى وندخل السنتين اللى تحت بتوع الدرج اول كده فرملة اليد تمام اللى بعده دواسة البنزين ناس كتير بتتشكى من ان العربيه السرعه القصوى بتاعتها قلت وتلف وتدور فى دايرة ( بوجيهات , موبينه , طرمبة بنزين ,,,,,,,, )* والموضوع اسهل من كده بكتير الدواسه لما بندوس عليها للآخر متفتحش بوابة المانفوليد كويس ليه ؟ لان مع الوقت وير الاكسراتير بيهوى ويبقى محتاج يتعاير تانى طيب نعايره منين ؟ من جوه العربيه من الدواسه يعنى ؟ لا طيب ازاى هندور العربيه ونفتح الكابوت ونبص على الوير اللى ماشى اعلى المانفولد قدامنا [IMG]..[/IMG] هنلاقى زى ورده مشقوقه ماسكه على الجراب بتاع الوير هنشدها لبره [IMG]..[/IMG] ونشد الجراب لورا لحد ما الوير يتشد معانا بس من غير ما يعلى سلانسيه الموتور ( علشان كده قولت ندور العربيه فى الأول ) هنلاقى الجراب عليه فتحات مدرجه لتركيب الكلبس هنرجع الكلبس او الورده ضغط تانى بس على آخر فتحه من ناحية الحامل كده تمام بالمره هنرش WD - 40 على الوير والبكره واحنا بنحركها علشان نزيتها [IMG]..[/IMG] نقفل الكبوت ونطفى العربيه وندخل للدواسات نرجع كرسى السائق للخلف على الآخر ونبص على الدواسات وده شكلها [IMG]..[/IMG] هنرش WD - 40 على مفصلات دواسة البنزين وعل الوير من جوه مع التحريك للدواسه [IMG]..[/IMG] كده يبقى خلصنا رجلاش دواسة البنزين نخش على رجلاش دواسة الفرامل علشان نظبط ارتفاع دواسة الفرامل لازم نعمل حاجتين مهمين اوى 1 رجلاش فرملة اليد ( تم شرحه بالتفصيل فى اول الموضوع ) 2 نأخد هواء الدوره بالكامل ( وده انا شارحه فى موضوع سابق ) http://www.masrmotors.com/vb/showthread.php?t=27375 طيب لما نعمل 1 و 2 يبقى لسه فاضل ايه فى ظبط دواسة الفرامل ؟ هنرش WD - 40 على مفصلات دواسة الفرامل وعلى السوسته بتاعتها للتزييت وتسهيل الحركه ومنع التزييق ونجيب لصق دبل فيس ونلزقه على صدادة الدواسه من فوق علشان ما نسمعش صوت الخبطه ( حديد فى حديد ) لما الدواسه بترجع مكانها بعد الدوسه [IMG]..[/IMG] بعد ما نعمل كل اللى فات هندور العربيه ونكارك فرامل كام مره ونطفى العربيه تانى وكده خلصنا رجلاش دواسة الفرامل تمام ندخل بقى على آخر حاجه وموضع الكثير من الاسئله رجلاش الدبرياش الدبرياش له ثلاثة اماكن للرجلاش 1 اخد هواء زيت الباكم الخاص بالدبرياش ( مشروح بالتفصيل هنا ) http://www.masrmotors.com/vb/showthread.php?t=27375 وده مهم اوى نعمله قبل ما نظبط الرجلاش 2 صدادة الدبرياش ودى مسئوله عن ارتفاع الدواسه اجمالاٌ وظبط الخلوص الخاص بالدواسه ودى صورتها [IMG]..[/IMG] وهى عباره عن مسمار رجلاش تحته صامولة رباط فى طرفه كاوتش لصد الدواسه عند رجوعها هنفك صامولة الرباط بمفتاح 13 ثم نربط المسمار سنه بسنه حتى نلغى الخلوص ( مسافة التحرك الحر ) من الدواسه ثم نعيد رباط صامولة الربط تانى [IMG]..[/IMG] بعد ما ظبطنا خلوص دواسة الدبرياش نظبط المدى الحركى للدواسه وده مهم اوى لان الدايو والاوبل بصفه خاصه فتيسهم فيه خشونه شويه فى حركة النقل وبخاصه غيارين الاول والمارشيدير فيهم صعوبه وممكن نسمع اصوات احتكاك التروس عند التعشيق بس انا عندى الحل الشافى ان شاء الله هنبص على دواسة الدبرياش هنلاقى الدواسه متصله بعمود عليه رجلاش متصل من ناحيه بكاوتشة خزنة بستم الدبرياش ومن ناحيه بصامولة رباط مقاس 12 هندور العربيه ونفك صامولة الرباط بمفتاح 12 [IMG]..[/IMG] هنمسك عمود التوصيل من الفتحتين على جانبيه بمفتاح مقاس 9 [IMG]..[/IMG] و نبدأ نربط نص لفه فى اتجاه عقارب الساعه وندوس دواسة الدبرياش للآخر وندى للعربيه غيار اول ومارشدير ونشوف النقل بقى اريح , الاصوات بتاعت الخبطه مع النقل اختفت لو لسه نربط كمان نص لفه لو تمام خلاص ونخلى بالنا اوى من ان الرباط الكتير غلط لان لو ربطنا كتير اوى والدواسه عليت اوى ممكن يأثر بالسلب على اسطوانة الدبرياش خلصنا كده جربنا النقل بقى سلس تمام هنربط صامولة الرباط تانى ونجيب ال WD - 40 ونرش على مفصلات الدواسه وفى قلب الكاوتشه اللى داخل فيها عمود نقل الحركد للتزييت وتسهيل الحركه [IMG]..[/IMG] ان شاء الله كده كله تمام نطلع نجرب العربيه ونخلى بالنا لان الاداء اختلف كتير عن الاول فنجرب براحتنا علشان البرجله بتاعت احساسك بالدواسات فى الاول الفرامل كده عليت وحساسيتها زادت معاك وبقت بتمسك بسرعه البنزين بقى باللمس والعربيه تطير الدبرياش بقى لين تحت رجلك الفتيس بقل سهل فى تغيير النقلات ومبقالوش صوت فرملة اليد بقت حديد يبقى كده احنا نجحنا الف مبروك طبعاٌ اى استفسار تحت امركم رقمى فى التوقيع ومتنسوش اللى اتفقنا عليه اول الموضوع وسلام مؤقت

بارك الله لك وجزاكم الله خيرا وربنا يشفيك انت واولادك وزوجتك وربنا يرزقك من حيث لا تحتسب وتسلم ايدك يا باشا