تشغيل المكيف في أول 1000 كم

[ahmedelseyed]

كلام غير مقنع بالمرة مفيش على فكرة اي ماتور قبل ما يركب بيكون ملين الكلام للجديد وشكرا

[luckyman]

المشاركة الأصلية كتبت بواسطة hazem_khidr هو طبعا موضوع الالف كيلو دا مش قرآن ولا فرض علشان نمشي عليه هو المفروض في اول استعمال العربيه تحاول انك تكون هادي عليها شويه لكن لو شغلت التكييف مش حيحصل اي شئ و علي ضمانتي و انا متأكد من اللي بقوله اهم حاجه ما تشدش بالعربيه اوي او تقرص في النقلات بتاعها انما شغل تكييفك و ما تقلقش من حاجه نهائي و علي فكره انا ايام ما جبت الياريس زيرو جاي بيها علي الطريق و فاتح 130 و 140 و كانت العربيه لسه ما عملتش 40 كم !!! و شغلت التكييف عادي جدا و اخدتها مشوار الطور من المحله يعني حوالي 505 كيلو بعد ال 700 كم و ماشي علي الطريق بجري و بقرص و لا فيه اي حاجه و كمان و انا راجع مشغل التكييف و الحمد لله العربيه عامله معايا انهارده 42 الف كيلو و بسم الله ما شاء الله ولا فيها اي حاجه.. لا تقلق و شغل تكييفك و استمتع بعربيتك بس من غير قرص علي الموتور

كلام جميل وصحيح
احب كمان اعمل مداخله بسيطة ان محركات تويوتا بتنزل بفنش عالى وسوبر سوبر فنس واحب اشدد على موضوع تشطيب مواد ومعادن الاجزاء المختلفة للمحرك ودة سمه معظم الصانعيين السيارات اليابانية خاصة التويوتا والهوندا لدرجة انك ممكن تكون خارج السيارة ومتعرفش العربية شغاله او لا وبتنزل زيرةو شبة ملينة من التشطيب العالى ومش ممكن حد ينافس فية اليابانيين حتى لو لاقيت عربية قديمة وتاكسة كمان تلاقيها مريحة السائق وناعمة ومن هنا تاتى سهوله القيادة والراحة وهى احد الاسباب اللى بنحسها ومش عارقفين سببها ودة سر كمان العمر المديد فى التشغيل لمعظم محركات الصانعيين اليابانيين خاصة تويوتا تحس كان مفيش حركة حديد داخلى زى الحلاوة ودة سر اعتماد معظم شركات البترول على سيارات التويوتا العمر الطويل والاعتمادية العالية الخ بالضبط زى تصنيع تربينات الطائرات يعتمد فيها معادن عالية الجودة باساليب تصنيع بالغة الدقة وتقبل تحياتى

[luckyman]

المشاركة الأصلية كتبت بواسطة ahmedelseyed كلام غير مقنع بالمرة مفيش على فكرة اي ماتور قبل ما يركب بيكون ملين الكلام للجديد وشكرا

تعتمد يا باشا على جودة التصنيع طبعا مش 100 فى 100 لكن نسبيا

[krim71]

على فكرة كان من زمان نظام مدرسة الامريكية في العربيات و الاوروبي و اليباني و الكلام ده لكن دلوقتي فيه حاجة اسمها عولمة يعني ممكن تلاقي شركات من بلاد و قرات مختلفة تبع بعض و داخلين في بعض و بيبقى ليهم مواتير واحدة و شاسيهات مشتركة .. دلوقتي مينفعش تقارن بين بلد و بلد .. او حتى شركة بشركة.. لكن تقدر تقارن بين عربية و عربية و ده على ضمنتي