مشكاح وريما 2009

[Dr. Bolbolan]

أنا كرهت الآكل و سيرته من مشكاح ده ! ptmnlo123per1106

هناك ناس بتاكل علشان تعيش و ناس بتعيش علشان تأكل !

Dr. Bolbolan

[mahmoudnada80]

احلي حاجه مشكوحتي ديptmnlo123per145
الحكايه باين عليها هتحلوا اوي يا دكتور ptmnlo123per112

[د0تامر محمد]

-10-
الكونيسة ريمة وجدت ضالتها أخيرا
اثناء بحثها فى الشارع كقطة ضالة تبحث عن بغيتها
أعادت تراث أمها فى الندب واللطم!!
عندما شمت مأتم فى الحى الراقى الذى لا يبعد كثيرا عن حيهم
وجدت الصمت يخيم على المكان وهذا شىء مستفز جدا لها
واثناء خروج النعش للمقابر القريبة 00اندست بين النسوة
وأطلقت لصوتها الجهورى العنان فانطلق بالنشاز الذى يخلع
القلوب وكان صوتها بمثابة الشرارة التى انطلقت من بعدها
النسوة وانتشر الصراخ كالنار فى الهشيم!!
وبعيون النمرة المفترسة 00
تفحصت الوجوه00
وانطلقت كلماتها الموجعة تقطع فى القلوب الحزينة:
-يا حبيبتى00
مين يعطف عليا من بعدك
يا غالية يا أحن الناس
كانت بلسم للجروح
وعون للمحتاج
يا أم الكرم الجود
يا حبيبتى يا غالية
مين يحن عليا من بعدك
أروح لمين
اهىء اهىء اهىء

سخنت الجنازة00
ذهبت واحتضنت أكثرهن لوعة وأسى
أنسابت دموع التماسيح الباردة

بعد انتهاء الجنازة ذهبت للمأتم الحريمى تكمل المسيرة
توزع القهوة وتسكب الدمع من الحنفية التى فتحتها على
البحرى!!
وفى آخر الليلة أنزوت فى الركن تبكى!!
اقتربت منها ابنه المتوفية تتساءل:

-انتى مين؟

-أنا ريما ياستى

-ريما مين؟


-أنا ست غلبانة الهانم الله يرحمها كانت بتعطف عليا


-بس أنا مشفتكيش هنا قبل كدة


-الهانم الله يرحمهم كانت بتشيّع لى شهرية


-صحيح؟!


-الله يرحمك يا ستى يا ست الكل


-غريبة جدا 00 معقول الكلام ده؟


-أروح لمين من بعدك يا غالية


-هوه أنتى عارفة مين اللى مات؟


-الهانم والدتك يا هانم


-والدتى !!
انتى بتقولى أيه؟
والدتى ماتت من عشر سنين

تفاجئت ريما00

-أمال مين اللى مات؟


-دى المربية بتاعتنا

ونزلت العبارة كالصدمة واللطمة والركلة على ريما

قالت السيدة:

-على اى حال انتى عملت اللى عليكى

ومدت يدها وأعطت ريما ورقة بعشرين جنية


-مع السلامة يا ست ريما متشكرين

قلبت ريما الورقة فى يدها
أختها وانصرفت بالخيبة وسواد الوجه00
يا خسارة تعبك يا ريما
ماذا تحضر لفحلها على العشاء؟
ينام خفيف00
ح تعملى أيه يا ريما
يالهوى!!
ده ممكن ياكلنى وأنا نايمة

أشترت 2كيلو عدس و5 ربطات بصل
دخلت عليه00
نظر اليها متفرسا00
قال غاضبا:

-العشا فين يا وليه؟

-ساعة والعدس يجهز يا مشكوحتى


-عدس؟!
ليه هوه أنتى جايه من السجن ولا أنا رايح الجيش!!


-على قد لحافك مد رجليك


-طلعتى من الصبح عشان ترجعى بعدس


-نصيبى كده


-لا الكلام ده مينفعش
انتى عايزه ضرة تربيكى


-أنا يا مشكاح الكلب


-طب روحى وأنتى طا0000


-دقيقة يا مشكوحتى
أجيب جوز عتاقى من سطح الجيران وربنا يستر

ذهبت فى خفة كالحية الرقطاء وعادت بجوز العتاقى
تكتم على انفاسهما
أخذ مشكاح يذرع البيت ذهابا وجيئة وريما تستعجل الطعام

لم يهدأ الا بعد أن لهف حلة العدس بعشرة أرغفة وقضى على أربع صدور وأوراك
وترك لريما الهياكل تمصمص فيها

تتبع

[د0تامر محمد]

-11-
صرخت ريما فى وجه مشكاح:
-يا راجل اتلحلح أخرج شوف لنا لقمة عيش ح نموت م الجوع

-يعنى أعمل أيه يعنى

-انت بتسألنى يا جبلة؟!
شحاته وأشتغلت واتحبست وندابة وأشتغلت
وسرقة من الجيران وسرقت00أعمل لك أيه تانى؟!

-أنتى اللى فاشلة مبتسديش فى شغلانة

-سبت لك النجاح والشطارة 00ورينا

هرش مشكاح فى رأسه:
-معندكيش اى فوكيرة يا رمرومتى

-آه يا أخويا وفى الآخر تقول شورتك السودة وعملتى فيا وسويتى 00لا ياعم

ضحك مشكاح مداعبا:
-يعنى مفيش حاجة فى دماغ أبليس

-لاياعم

-يابت بس قولى

-شوف يا سيدى احنا نقلب لنا جوز موبايلات ونبعهم يمشونا كام يوم

-ازاى ازاى؟؟

-نطلع على المحطة 00تشوف لك واحد معاه موبايل غالى وتلزق جنبه

-انتى اتهبلتى يا ولية!!
عايزانى اشتغل حرامى على آخر الزمن وكده عينى عينك!!

-يا عم حد قالك انك ح تسرق

-موش فاهم

-أصبر عليا شوية00
بص يا سيدى00 انت ح تنقى الزبون اللى موبايله يستاهل

-ودى أعرفها ازاى؟

-يا خيبتك 00 أستفخم يا شيخ

-يعنى الموبايل الكبير

-لأ 00اللى شكله فخم كده من أبو كاميرا

-ودى أعرفها ازاى؟

-بص00 اختار اللى تختاره00
أنا بقى ح أخش عليك00
أسألك عن موبايل عشان أتكلم دقيقة لحاجة مهمة00!!

-قوم أنا أديلك الموبايل

-يالهووى
هوه أنت معاك موبايل؟

-لأ

-ياراجل أنت ح تقول ممعكش بعدين آخده أنا من الراجل اللى جنبك00
أعمل نفسى بتكلم
قوم أنت تتبلى عليه وتمسك ف خناقه ينشغل هوه والناس معاك ازوغ أنا بالموبايل

-يا بنت الشياطين

-أيه رأيك؟

-ده لو أبليس ميسبكهاش كده!!

-بينا ياسبع

خرج مشكاح وريما لتنفيذ الخطة

وقف مشكاح لجوار الرجل00بينما دخلت ريما تسأل مشكاح:
-والنبى يا أستاذ ممكن دقيقة من موبايلك 00
دقيقة واحدة عندى مشكلة ومش لاقيه محل اتصالات

مد مشكاح يده فى جيبه وقال:
-معلش يا ست الظاهر انى نسيت الموبايل

وطبعا اتجهت الى الذى بجواره00
أعطاها الموبايل وعينه عليها!!

صرخ مشكاح:
-مش تحاسب يا أستاذ

-فيه أيه يا عم؟

-دست على رجلى وأنا راجل صاحب عيا

قالها وهو يدفع الرجل فى صدره

قال الرجل:
-أنت راجل قليل الادب

ألتفت حولهما الناس00 وأنفضت الخناقة وذهب مشكاح والناس تراضيه وكانت ريما قد خلعت بالموبايل

فعلوها مرة أخرى فى مكان آخر وذهبت ريما لتبيع الموبايل الاول فى مكان والآخر فى مكان

جمعت ألف جنيه وعادت الى البيت محملة بمالذ وطاب ومشكاح فى انتظار الوليمة00
كان مشكاح فى أوج سعادته فانقض على الديك الرومى والبطة البكينى وحلّى بحلة الكرشة والمنبار وناما على الاريكة كالجثة وشخيرة يرج جدران الشقة

تتبع

[فاطومه المصريه]

طب يعنى دى الجريمه على اصولهاptmnlo123per1127
وهما صحيح هيوفرو ازاى والاخ اللى عمال ياكل على بطال دة موجود
فى انتظار الباقيه ptmnlo123per122