|
#16
22-10-2009, 10:29 PM
|
||||
|
||||
رد: حزب كارهى الماتريكس
علماً بان العربية نالت انتقادات عالميه كتير بسبب شكلها وبنينفرينا (المصمم الايطالى للسياره) نال نقد لاذع عليها بلغت لحد وصفه بانه " اسواء مصمم لارخص سيارات " لاسيما وانه وهو صاحب بيت تصميم تميز باخراج تصاميم لسيارات اوروبيه فاخره لكن دولقتى الطليان بقو شغالين على الكوريين والصينين اكتر من الاوبيين كمان بل ان مجله انجليزيه حطيت الماتيركس من ضمن 6 سيارات لمصمين طليان مشهورين تحت اسم (كوارث التصميم) والقائمه ضمت من تصميمات بنينفرينا الهيونداى ماتيركس والبيجو 1007 بالاضافة الى الدايو ماتيز اللى صممها جيوجاريو الايطالى ايضا مش بس كده وعملت لعبه لتنافس على تكسير العربيات ديه رابط اللعبة 
|
|
#17
22-10-2009, 10:49 PM
|
|||
|
|||
|
رد: حزب كارهى الماتريكس
أنا ياجماعة شايف الراجل مغلطش
المنتدي ده منتدي سيارات, يعني واحد يقول ده حلو أو وحش فالناس تناقشه و أنتقاد سلعة بيبقي أنتقاد للمصنعين مش للمستخدمين طبعا ده باستثناء الجملة دي وكل كوم والمصريين بيركبوا دفيفدر وعتب ليه راكب باجيرو ولا لاند كروزر العربية جنوطها 14 مش 20 ولا22 هي دي الحاجة الوحيدة اللي تؤخذ عليه
|
|
#18
22-10-2009, 11:08 PM
|
|||
|
|||
|
رد: حزب كارهى الماتريكس
ههههههههههه
حلوه ... ملعوبه يا بدر باشا معتقدش إن في حد يقدر يقول ان الماتريكس شكلها حلو ودي مشكله اي عربيه MPV لأن ابعاد العربيه و طبيعه الاستخدام بينتج عنها شكل صندوقي اقرب للتلاجه سقف عالي - مسطحات ازاز كبيره و منخفضه كبوت صغير جدا و طبعا شنطه رأسيه تماما علشان كده هيونداي خلت بينن فارينا pininfarina هو اللي يتولى عمليه تصميم الماتريكس ومتهيألي اي حد مهتم بالعربيات او عنده ادنى فكره حيبقى عارف اسم اشهر مصمم في العالم للسيارات The biggest car styling studio in the world. Famous of designing nearly all Ferraris since the ‘50s Autozine وبالرغم من كده بينن فارينا مقدرش يعمل من ماتريكس عربيه جميله او حلوه .. خصوصا انها موجوده من 2001 وبالتالي تعتبر من اول العربيات ال MPV ودي نقطه تحتسب لهيونداي اللي سبق الماتريكس في الفئه دي الفيات مالتيبلا Fiat Multipla ودي ابتدت تنزل من سنه 98 ولو شفنا شكلها حنقول الماتريكس دي شمعه منوره   لكن سنه 2004 تطور تصميم المالتيبلا بشكل كبير و تفوق على شكل الماتريكس اللي للأسف بدل ما يطوروه قربوه الي شكل الميكروباص اللي موجود في صور بدر باشا  والغريبه ان المالتيبلا اول ما ظهرت اخدت جوائز متناقضه جدا the car being voted 'Ugliest Car' in the Top Gear awards 1999 as well as 'Car of the Year' in the Top Gear Awards in 2000 and 'Family Car of the Year' in the Top Gear awards for 2000, 2001 and 2002. سنه 99 توب جير ادوها جايزه اقبح سياره والسنه اللي بعدها ادوها جايزه سياره العام وفضلت تاخد سياره العام لحد 2002 وطبعا كانت طفره و حديث الساعه ان اقبح سياره تكون سياره العام للسنه اللي بعدها !!!!! متهيألي التناقض ده هو اللي بيخلي الناس اللي بتشتري الماتريكس تتغاضى عن الشكل الصندوقي للماتريكس و تبص لجوهر العربيه وبرضو مش حقول انها دره مكنونه و جوهره مصقوله ... لكنها صفقه رابحه بجميع المقاييس للي محتاج عربيه MPV وحاليا في عربيات كتيره MPV وتصميماتها بتندرج بين تصميمات غريبه زي الماتيريا او تصميمات جميله فعلا زي السيات التيا اللي ابتدت تظهر من 2004 وعموما لو حد بيكره الماتريكس علشان شكلها فانا بحكم كوني من مالكيها مقدرش ازعل منه او الومه ده غير انه من حق أي حد يكره شكل اي عربيه لأنها مسأله اذواق وبحكم تخصصي كمهندس معماري و مع كامل احترامي لبينن فارينا مقدرش اقول ان الماتريكس عربيه جميله او نسبها متناسقه حتى لكن اي حد بيكره الماتريكس لاسباب تانيه غير الشكل ( فيما عدا مهندس فادي اللي بيكره اي حاجه اسيوي لدرجه مينفعش معاها الا فقدان ذاكره او تدخل جراحي ) فانا على استعداد على الرد على تساؤلاته يعني مثلا بخصوص الشنطه المعجزه فهي و الحمد لله شالت تلاجه اطباق من الحجم الكبير وبتشيل شنط بالعبيط و ده لأن التصميم الخلوزعي للماتريكس بيخليك تقدر تشيل الرف البلاستك و تقدم الكنبه لقدام زي الكراسي بالظبط و حمل ما شئت من المتاع العفشه ناشفه شويه لأن العربيه سقفها عالي ولازم العربيه متميلش جامد في الملفات وبالتالي عفشتها انشف من العربيات السيدان لكن انعم من ال 4×4 بخصوص الديفندرات قليل دلوقتي لما اشوف حد مركبها مع اني بشوف الناس ابتدت تركب ديفندرات على اي نوع عربيه بسبب طبيعه السواقه في بلدنا وبعد ما خلصنا الكلام الجد نهزر شويه ويا ريت تقولي يا بدر باشا عربيتك نوعها ايه علشان ارزعلك فيها قصيده معلقه تطلع من شكمانها وحسمي القصيده العربيه البزرميط .... في السواقه و التنطيط
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 22-10-2009 الساعة 11:20 PM
|
|
#19
22-10-2009, 11:27 PM
|
||||
|
||||
|
رد: حزب كارهى الماتريكس
سام رام باشا
استاذ و رئيس قسم و الله و كلامك ميخرش المية. احنا عندنا شركة و بنوزع بضاعة علي محلات في وسط البلد و لما نزل قانون منع دخول النقل وسط البلد ملقيناش غير الماتريكس تسعفنا. بنعمل زي ما انت قلت كدة نشيل الرف و نقفل الكراسي و حمل و ادخل وسط البلد و ولا يهمك اتخن لواء
__________________
Sharief Mansy
 Farewell my Cayenne, you were the best car i ever had and driven
|
|
#20
23-10-2009, 12:35 AM
|
||||
|
||||
رد: حزب كارهى الماتريكس
انا من اشد كارهى الماتريكس بس مش معنى كده انى اقطع علاقتى واكره ملاكيها لان منهم اصدقاء وزملاء
__________________
م / محمد قاسم معا لمقاطعة المنتجات الروسية والصينية نصرة لاخواننا في سوريا
|
 |
|
|
