تجربه لانسر 98 (من وجهه نظري)

[hazem_khidr]

المشاركة الأصلية كتبت بواسطة romio4lovee ألف شكر ياحازم باشا علي زوقك دا والله , وانا شوفتها يوميها وطلع عيني مع الراجل لانه مش عايز لا يرفعها ولا تدخل ورشة ميكانيكي والحمد لله جيبت مياكنيكي ثقة شافها وشكر فيها وفي العفشة بس لاقي ان البوجيهات ومساعد عايزين يتغيروا وصاحبها رفض ينزل من سعرها 46000 ولو حتي الف جنية تمن الشغل اللي هيتعمل فيها رغم ان الميكانيكي قالي اخرها 43 الف إلا اني قولتله 45 الف ورفض برضة. فرفضت انا كماان اشتريها وقولتله هبقي اكلمك. اية رأيك؟

43 دا ازاي؟؟طبعا مافيش عربيه كريستاله نضيفه بالتمن دا....
انا جايب عربيتي و 98 من سنه ب 50 الف و النهارده لما حد بيجي يشتريها و يتمنها بيحط فيها ال 50 الف برضه و انا مش ببيع يبقي لو عربيتك دي راشه بره تعمل ال 46 فعلا كويس
و بعدين حكايه البوجيهات و مساعد بايظ و الكلام دا مش بيفرق بس نزل تمنهم فعلا
(انا عن نفسي لو حد جه يبص علي العربيه و يقولي البوجيهات وحشه حقفل العربيه و مش حبعها له)
لو عاوز تاخد العربيه خد ال 45 الف و روح له اقعد معاه و قوله انا مش معايا غير دول و حاخد العربيه و كلمتين حلوين حيديك العربيه.
و لما يوافق خلي في 2000 جنيه باقي لحد ما يجيب شهاده المخالفات و يسجل لك في الشهر العقاري

المشاركة الأصلية كتبت بواسطة محمد المحامى انا اشتريت سياره لانسر 2010 خليجى ووجت التكيف عطل بعد يومين لان الكمبروسل بيسرب من عند المروحه عيب تصنيع فما الحل

شوف اي مركز خدمه يشوفهالك طالما مفيش معاك ضمان

[badmood]

موضوع جميل وحببني في العربيه يا اخ حازم - علي فكره انا برضه من المحله لكني مسافر خارج مصر حاليا - لكن نويت اول ما ارجع خلال شهور اجيب كريستاله اوتوماتيك ان شاء الله بعد ما حضرتك وناس كتير من الناس المحترمه هنا شكروا فيها - كنت عايز اعرف لان دي اول مره في حياتي اشتري عربيه هل موضوع الشراء ده بيخلص في يوم؟ يعني هاخد الفلوس اروح للراجل وبعدين اروح بالعربيه ولا ايه النظام؟ و لو حضرتك تعرف مكان كويس في المحله بيبيع مستعمل ياريت تدلني عليه لاني سمعت ان فيه سوق عربيات كبير جدا بس مش عارف فين في المحله - و لو ربنا وفقني في الشراء ممكن تقولي مين الميكانيكي و الكهربائي الكويس في المحله الي يكون محترف لانسر ممكن اتعامل معاه و فين مكانه؟ الف شكر ليك مقدما يا باشا

[hazem_khidr]

اهلا و سهلا بيك
شراء العربيه مش في يوم و ليله و علي حسب نوع العربيه و ممكن تقعد اكتر من شهر علي ما تلاقي عربيه كويسه و خصوصا اللانسر من العربيات اللي بتتباع في خمس دقايق و بتشتريها في 5 شهور علي ما تلاقي عربيه نضيفه!!!
و مافيش سوق في المحله ولا حاجه

[حسين122]

الأستاذ / حازم
ربنا يبارك لك فيها
و يرزقك حيرها و يكفيك شرها
بس كان لي سؤال
طبيعي لما تكشف ع العربيه في التوكيل او عند البنزينه الموجوده جنب سوق السيارات ب مدينة نصر
مش هيقولك العربيه فبريكه
ايه الحجات المهمه في تقريره و متقلش عن ايه ؟
يعني مثلآ حالة الموتور لازم ما تقلش عن كام ؟
و لو في حجات تانيه في التقرير يبقى لازم ما تقلش عن كام عشان الواحد يشتري و هوه مطمن
و هل ممكن استغلك و اتصل بيك عندما يظهر هذا التقرير اخد رايك فيه ع الهوا ؟؟؟
و شكرآ

[hazem_khidr]

حضرتك تتصل في اي وقت يا استاذ حسين
بس للاسف انا عمري ما رفعت عربيه في بنزينه و دايما بشتري العربيه بالفحص الخارجي
و الثقه في البائع لاني مش بشتري من اي تاجر او بشتري من اي حد
بالنسبه لكبس الموتور و الحاجات دي برضه انا من خبرتي بكشف علي العربيه من صوتها و طريقه تشغيلها و حجم البخار الخارج من الفايظ و لون الشكمان و بس