ايه اهم الفروقات بين مازدا 323 و 929

[peterpo]

جماعة انا قررت اشتري عربية ومحتار بين العربيتين دول وعايز اعرف ايه الفرق ما بينهم وايه الافضل في استهلاك البنزين والماتور بتاع 323 الاحسن ولا 929 ؟ وموضوع تجديد الرخصة بسمع ان العربية 929لاهدفعها 1000 عشان ماتورها 2000 سي سي هل الكلام دة صح ؟

[مهند سالم]

الفرق شاسع جدا:
ال323 عربية سيدان 1300 سي سي يعني تعتبر من السيارات العائلية الصغيرة.
أولا هي على كبالن (دفع أمامي).
ثانيا استهلاكها للبنزين كويس جدا لأنها 1300 سي سي وياباني، وطبعا عربية ناعمة وسحبها حلو.
ثالثا: الضريبة بتاعتها قليلة برده عشان الموتور صغير ، يعني بتدفع في السنة 275 جنيه تقريبا.
وهي عربية موجودة في الشارع وبالتالي قطع غيارها موجودة ومش غالية. ومش رخيصة برده، وطبعا أنا بأتكلم عن القطعة الياباني، لكن عندك بدائل رخيصة زي التايواني والتركي والصيني.
أما ال929 فتعتبر من العربيات العائلية الكبيرة.
ماتور دفع خلفي كارونة
سي سي عالي تقريبا 2000 سي سي.
ضريبة عالية عشان الماتور الكبير.
استهلاك للبنزين أعلى.
قطع غيار أغلى وأقل قليلا في الانتشار من ال323
لكن طبعا ال929 أقوى وأوسع وإمكانياتها أعلى من ال323، عربية قوية فعلا وهي دي الميزة في العربيات الكبيرة.
فطبعا المقارنة بينهم صعبة لأنك بتقارن عربيتين من فئتين مختلفتين.
يعني ال323 المفروض تقارن بالهوندا سيفيك (ثمانينات)، أو بالكرولا (ثمانينات برده).
أما ال929 فتقارن بالأكورد والتويوتا كرسيدا وهكذا. دي فئة ودي فئة.

[semo2002_eg]

انا عندى مازدا 323 موديل 82 للبيع لو عاوز اتصل بيا 0126955889

[peterpo]

المشاركة الأصلية كتبت بواسطة مهند سالم الفرق شاسع جدا: ال323 عربية سيدان 1300 سي سي يعني تعتبر من السيارات العائلية الصغيرة. أولا هي على كبالن (دفع أمامي). ثانيا استهلاكها للبنزين كويس جدا لأنها 1300 سي سي وياباني، وطبعا عربية ناعمة وسحبها حلو. ثالثا: الضريبة بتاعتها قليلة برده عشان الموتور صغير ، يعني بتدفع في السنة 275 جنيه تقريبا. وهي عربية موجودة في الشارع وبالتالي قطع غيارها موجودة ومش غالية. ومش رخيصة برده، وطبعا أنا بأتكلم عن القطعة الياباني، لكن عندك بدائل رخيصة زي التايواني والتركي والصيني. أما ال929 فتعتبر من العربيات العائلية الكبيرة. ماتور دفع خلفي كارونة سي سي عالي تقريبا 2000 سي سي. ضريبة عالية عشان الماتور الكبير. استهلاك للبنزين أعلى. قطع غيار أغلى وأقل قليلا في الانتشار من ال323 لكن طبعا ال929 أقوى وأوسع وإمكانياتها أعلى من ال323، عربية قوية فعلا وهي دي الميزة في العربيات الكبيرة. فطبعا المقارنة بينهم صعبة لأنك بتقارن عربيتين من فئتين مختلفتين. يعني ال323 المفروض تقارن بالهوندا سيفيك (ثمانينات)، أو بالكرولا (ثمانينات برده). أما ال929 فتقارن بالأكورد والتويوتا كرسيدا وهكذا. دي فئة ودي فئة.

الف شكر لردك الوافي انت تنصحني باية انا كل اللي يهمني العربية تكون مريحة في السواقة واحس اني فعلا راكب عربية وميكنش اعطالها كتير وتتحمل مشاوير يومية واقدر اسافر بيها ومتكنش اعطالها كتير , وعايز حاجة تكون سهلة في سواقتها لاني لسة متعلم السواقة جديد
وبخصوص البنزين على ما اعرف ان 323 بتاخد بنزين 80 عادي فهل 929 بتاخد 80 برضه وهل ممكن اركب ماتور الـ 323 في 929 ؟
وشكرا

[مهند سالم]

المشاركة الأصلية كتبت بواسطة peterpo الف شكر لردك الوافي انت تنصحني باية انا كل اللي يهمني العربية تكون مريحة في السواقة واحس اني فعلا راكب عربية وميكنش اعطالها كتير وتتحمل مشاوير يومية واقدر اسافر بيها ومتكنش اعطالها كتير , وعايز حاجة تكون سهلة في سواقتها لاني لسة متعلم السواقة جديد وبخصوص البنزين على ما اعرف ان 323 بتاخد بنزين 80 عادي فهل 929 بتاخد 80 برضه وهل ممكن اركب ماتور الـ 323 في 929 ؟ وشكرا

بص هي المسألة مسألة احتياجات.
لو عيلتك كبيرة وبتسافر كثير ، وناوي تحمل في العربية كثير ومش فارقة معاك التكلفة ا لزيادة يبقى ال929 طبعا.
لكن لو عايز عربية اقتصادية وبرده مريحة في السواقة والسفر يبقى ال323 طبعا.
وعلى فكرة الاثنين ياباني وممتازين، ونفس الشركة، لكن الفرق إن دي عربية صغيرة ودي كبيرة، فرق استخدام يعني. لكن ال323 صالونها كويس جدا وبيشيل خمسة مستريح برده وكل حاجة، لكنها أضيق أضعف طبعا من ال929.
أما بالنسبة للبنزين 80 فأي عربية كاربيراتير مش انجكشن ممكن تحط ليها 80 عادي، يعني الاثنين مش هتفرق معاهم.
أما مسألة إنك تحط موتور واحدة فيهم على الثانية فده مستحيل عمليا، بأقول لحضرتك ده موتور دفع أمامي صغير، والثاني دفع خلفي كبير ، يعني مستحيل يتقابلوا