ريجاتا 100 اس مو89 ولا مازدا 232 مو82 افيدونى

[مهند سالم]

أنا ممكن أكون متأخر في الرد، بس أنا معايا مازدا 323، وبصراحة هي عربية جميلة، وتحس إنها 1600 سي سي مش 1300، ناعمة وسحبها جميل، وتشيل خمسة مستريح وشكلها حلو، بصراحة بأحس وأنا راكبها إني راكب عربية حديثة، ومن ناحية قطع الغيار فهي متوسطة السعر بس معمرة ومتوفرة، سواء الجديد الياباني والتايواني وممكن الصيني، وسواء الاستيراد، يعني عندك مثلا سألت مرة على طقم بيبان فبريقة في عزبة شلبي جنب المطرية كدة قالولي ب650 جنيه، الاكصدام الأمامي أو الخلفي الواحد ب200 جنيه، الشبكة كاملة ممكن تكلفك حوالي 800 جنيه، سير الكاتينة الياباني ب60 جنيه، طقم الصباب الياباني بحوالي 160 جنيه، الشانبر ب110 جنيه، يعني أسعار كويسة وحاجة معمرة، وإن كان الحاجة الوحيدة إلا مضايقاني إنها ما بتحبش الزحمة والحر، يعني جميلة في السفر والطرق المفتوحة، لكن في الزحمة لما تسخن تحس إن الموتور مش مظبوط قوي، بتبرجل شوية، أقصد لما تمشي كثير على الأولاني وتقف وكدة، ده بالنسبة للمازدا، أما الريجاتا فمعنديش فكرة عنها إلا إن في واحد زميلي أخي، قالي إنه ندم بصراحة لما باع المازاد 323 وجاب ريجاتا حسب كلامه هو معاه ريجاتا دلوقت وبيقول إنه ندم؛ لأن- وحسب كلامه برده- المازدا أقوى وأنعم وتستحمل السفر، أما الريجاتا ما يضمنش يروح بيها 6 أكتوبر، ناهيك عن إنه قال لي بالحرف إن التابلوه بتاعها ضعيف جدا، وربنا يوفقك وشكرا

[midoc1000]

انا معايه ماذدا323 انصحك انك تشتريه لانه سريعه وصغيره تقدر تخش في اي مكان في القاهره ونعمه جداااااا ومريحه علي الطرق السفر وتستحمل المطبات وبتسحبش بنزين كتير من بورسعيد للقاهره 50 جنيه بنزينوامشي برحتك في القاهره

[waledahmed]

المشاركة الأصلية كتبت بواسطة amidoo9999 افيدونى انا محتار بين الريجاتا ال 100 اس مو 89 كامله فابريكه برده وجوه ومابين المازدا 323 مو 82 ياريت حد يرد على

+الريجاتا افضل توكل علي الله عن تجربه

[hazem_khidr]

العربيتين حلوين
لكن دلوقتي الفيصل الحاله
لو حاله الريجاتا شاذه زي ما بتقول
و 100 اس يعني تقفيل ايطالي مش مصري
اضمن انك حتركب عربيه ممتازه

[خالداعزالناس]

ريجاتا .... أفضل ..... شرط الحاله