تقييم الشاهين 1.6 بعد 55 الف كيلو بالتمام و الكمال

[فادى]

شكرا يا جماعة على المرور و على الاطراء الذى اثلج صدرى,
كنت حابب اضيف حاجة اكتشفتها بالصدفة النهاردة و اسعدتنى كثيرا و اقنعتنى اننى احسنت الاختيار,
النهاردة حصل مشكلة فى التابلوه الوسطى الذى تحدثت عن قلة اعتماديته و بالتحديد فى مزلاج التحكم بمروحة المكيف, المهم فتحت جزء من التابلوه بنفسى (هو عبارة عن مسمارين بيتفكوا ببساطة لا أكثر), و اذ بى اجد قضيب ضخم لحماية المقصورة يقبع خلف التابلوه, و بصراحة لم اتوقع وجوده فى الشاهين فمثل هذه وسائل الحماية تتواجد فى السيارات حديثة التصميم عموما(ليس كلها, بعض السيارات الأسيوية تفتقد لذلك), ففرحت بقدر غضبى على مزلاج المروحة!!

[lancer.style]

انا بحب العربية ديت جدا كان نفسى يبقى معايا واحدة بدل الى معايا

لانها هيا السيارة الى تتحمل الشعب المصرى و شوارعة العريقة

و رخص قطع الغيار

و سهولة التعامل معها فى الاعطال و الميكانيكية بقى عندها خبرات كتير فيها

و شكلها المخيف الذى يوحى بالقوة

و اضافة الى تقييم الجميل و شكرا ليك على هذا التقييم الجميل

و لنجععلها تحلق عاليا

معلش انا شفت اموضوع متاخر بس كان لازم يتشاف

[بيرو]

موضوع رائع جدا

لكن عندى تساؤل بسيط

هو الدفع الخلفى ميزة ولا عيب ؟؟؟؟؟؟؟؟؟؟

انا لاحظت من كلام حضاراتكو انكو بتعتبروة ميزة

لو هو ميزة كدة لية كل العربيات الحديثة دفع امامى ؟

انا اعتقد ان الدفع الامامى بيدى ثبات اكبر خصوصا فى المنحنيات

لان عزم العربية بيكون من الامام اثناء المنحنيات . غير لما بيكون من ورا والعجل مثلا مائل فى احد الاتجاهين فبيكون زى اتنين شايلين حاجة تقيلة واحد من قدام والتانى من ورا واللى من قدام تعثر شوية واللى من ورا مش واخد بالة وقاعد يدفع فية

يا ريت وجهه نظرى تكون وصلت

[فادى]

المشاركة الأصلية كتبت بواسطة بيرو موضوع رائع جدا لكن عندى تساؤل بسيط هو الدفع الخلفى ميزة ولا عيب ؟؟؟؟؟؟؟؟؟؟ انا لاحظت من كلام حضاراتكو انكو بتعتبروة ميزة لو هو ميزة كدة لية كل العربيات الحديثة دفع امامى ؟ انا اعتقد ان الدفع الامامى بيدى ثبات اكبر خصوصا فى المنحنيات لان عزم العربية بيكون من الامام اثناء المنحنيات . غير لما بيكون من ورا والعجل مثلا مائل فى احد الاتجاهين فبيكون زى اتنين شايلين حاجة تقيلة واحد من قدام والتانى من ورا واللى من قدام تعثر شوية واللى من ورا مش واخد بالة وقاعد يدفع فية يا ريت وجهه نظرى تكون وصلت

الدفع الخلفى بيدى ثبات اكتر و تحمل اكبر, و ده بيرجع لعدة عوامل :
- الدفع الخلفى توزيع الوزن فيه أفضل, بينما يتركز الوزن عادة فى سيارات الدفع الامامى على المحور الامامى, و هو ما ليس فى صالح الثبات(الفاروميو قدمت حلا غريبا لهذه المشكلة, بوضع علبة التروس فى الخلف مع دفع امامى).
- لا يعانى الدفع الخلفى من مشكلة ال" اندير ستيرنج" أو الانزلاق الأمامى الجانبى, كما أنه لا يعانى من مشكلة المحاور غير المتوازية الموجودة فى الدفع الامامى, و هى الظاهرة التى تتسبب فى تفاوت سرعة دوران العجلات عند الانطلاق السريع نتيجة لعدم تساوى محاور العجلات(فى المحركات الموضوعة بالعرض).
- عند الانطلاق أو الضغط على دواسة الوقود بقوة, ترتفع السيارة من الأمام و تنخفض من الخلف, أى ان الوزن ينتقل الى الخلف, و تفقد العجلات الأمامية توازنها, و يزيد توازن العجلات الخلفية, و بالتالى اذا كانت السيارة دفع امامى, فان العجلات الدافعة تدور حول نفسه و تتسبب بانزلاق السيارة.

طب ليه العربيات معظمها بقت دفع امامى؟!
الموضوع ابتدى ينتشر بعد أزمتى البترول فى 1973 و 1979, و لأن الدفع الامامى بيوفر فى البنزين عن الدفع الخلفى, نظرا لقرب المحرك من الاطارات الدافعة, بدأت الشركات فى التحول الى الدفع الامامى.
و الحقيقة انو الدفع الأمامى مش كلو عيوب, فيه بعض المزايا مثل :
- على الطرق السريعة, الدفع الامامى أفضل, خاصة فى السيارات الصغيرة, لأنه الوزن متركز فى الامام فى مواجهة الهواء.
- موفر فى البنزين, و تركيبته أخف وزنا, كما أنه أكثر كفاءة فى نقل عزم المحرك, الفاقد فى العزم يكون أقل فى الدفع الامامى.
- فى السيارات الصغيرة, و التى يكون عادة محركها صغير, لا تظهر عيوب ال"اندير ستيرنج" بشكل ملحوظ, و تكون فى أضيق الحدود, لأن المحرك عزمه صغير.

لذا فان الدفع الامامى افضل للسيارات الصغيرة, و الدفع الخلفى افضل للسيارات الكبيرة, و لا تنسى أن السيارات الرياضية و الفارهة معظمها دفع خلفى, مثل مرسيدس و بى ام و فيرارى, و حتى الامريكيين أظهروا حنينا جليا للعودة الى الدفع الخلفى مع الكاديلاك سى تى اس.

[بيرو]

يا سلام عليك يا فادى باشا

ردك مقنع جدا

شكرا ياباشا على المعلومات القيمة دى