عاوز استشارة سريعة جدا اركب السماعات والجى ام والكاسيت ازاى

[2001_mody]

انا معايا فيرنا فيفا 2008 والكاسيت فيها رودستار شرايط
وجبت سماعتين انفينتى 300 وات وجى ام 250وات سيمفونى
وسمعت انى لما اركب السماعات والجى ام على الكاسيت هيتحرق لانه ضعيف جدا جدا
وفى ناس بتركب سيستم صوت قالولى لا عادى
هل ممكن حد يفيدنى سريعا لانى هركب بكره؟؟؟؟
ودا ايميلى للتواصل السريع : mody46@hotmail.com

[2001_mody]

انا مستغرب ان فى مشاهدات لكن مفيش ردود
هو الموضوع صعب عليكم ولا ايه
مفيش حد عنده معلومة يفيدنى بيها؟؟
ولا الموضوع مش مهم ؟؟؟؟
ياريت حد يفيدنى لانى معطل نفسى مش عاوز اركب الا لما اتاكد

[Injection]

هو بعيدا عن أنى مش فاهم أيه اللى هيتحرق, بس أنا شايف أن الجى أم ملائم للسماعات نسبيا, لو واحد أكبر كان هيبقى احسن بكتير طبعا, بس الجى أم ده شغال.

السماعات أنا حاسس أنها تنفع تركب على الكاسيت من غير جى أم خالص وتشتغل كويس, ياريت حضرتك تجربها على الكاسيت قبل تركيب الجى أم وتشوف الصوت.

الجى ام يتضر فى عدة حالات, أكثرها أنتشارا, أنك تركب سماعات أكبر من قوة الجى ام, وتعلى الصوت أكثر من قدرة الجى أم وتسيبه شغال overload على الجى أم يعنى ودى لازم تراعيها فى حالة حضرتك, والحالة التانية أنك تبقى جايب سماعات مقاومتها مختلفة عن الجى أم وتركبها وتشغل من غير مراعاة للموضوع ده, وممكن ساعتها تبوظ السماعات أو الجى أم.

بس فيه حاجة لازم تعرفها, الجى أم مش سهل انه يضرب أو يتحرق, لأنه بيفصل لو أتحط عليه حمل كبير أو سخن زيادة عن اللزوم.

والكاسيت لو كان قصدك عليه مستحيل الجى أم يبوظه لو متركب صح.

الموضوع كله عايز فنى سماعات فاهم (يفضل انك تركب عند مركز مش محل, علشان العامل هناك بيبقى فاهم أكثر وممكن يتجازى على غلطاته) وهو هيحللك الموضوع كله, ولو فيه حاجة ضعيفة هيقولك أيه الاحسن, ولازم تعرف أن أى حد ممكن يركب جى أم وسماعات, المهم يبقى عارف هو بيعمل ايه, وهيحط فيوز قد أيه على سلوك الباور بتاعة الجى أم, وهيركب السماعات بنفس القطبية ولا كله عند البط صابون .

للأسف الصوتيات مش جى ام وسماعات أو صب وركب, الصوتيات علم وفيها شهادات, بصراحة أعيب عليك عدم البحث فى الموضوع كويس قبل الشراء.

وأنا أسف على التأخير فى الرد, انا لسه شايف الموضوع, وبخصوص أن الناس مرديتش فيه ناس مبتبقاش عارفة ومش عايزة تفتى, وناس بتبخل بالمعلومة, ودول ربنا يسامحهم.

وربنا يوفقك.

[2001_mody]

المشاركة الأصلية كتبت بواسطة Injection هو بعيدا عن أنى مش فاهم أيه اللى هيتحرق, بس أنا شايف أن الجى أم ملائم للسماعات نسبيا, لو واحد أكبر كان هيبقى احسن بكتير طبعا, بس الجى أم ده شغال. السماعات أنا حاسس أنها تنفع تركب على الكاسيت من غير جى أم خالص وتشتغل كويس, ياريت حضرتك تجربها على الكاسيت قبل تركيب الجى أم وتشوف الصوت. الجى ام يتضر فى عدة حالات, أكثرها أنتشارا, أنك تركب سماعات أكبر من قوة الجى ام, وتعلى الصوت أكثر من قدرة الجى أم وتسيبه شغال overload على الجى أم يعنى ودى لازم تراعيها فى حالة حضرتك, والحالة التانية أنك تبقى جايب سماعات مقاومتها مختلفة عن الجى أم وتركبها وتشغل من غير مراعاة للموضوع ده, وممكن ساعتها تبوظ السماعات أو الجى أم. بس فيه حاجة لازم تعرفها, الجى أم مش سهل انه يضرب أو يتحرق, لأنه بيفصل لو أتحط عليه حمل كبير أو سخن زيادة عن اللزوم. والكاسيت لو كان قصدك عليه مستحيل الجى أم يبوظه لو متركب صح. الموضوع كله عايز فنى سماعات فاهم (يفضل انك تركب عند مركز مش محل, علشان العامل هناك بيبقى فاهم أكثر وممكن يتجازى على غلطاته) وهو هيحللك الموضوع كله, ولو فيه حاجة ضعيفة هيقولك أيه الاحسن, ولازم تعرف أن أى حد ممكن يركب جى أم وسماعات, المهم يبقى عارف هو بيعمل ايه, وهيحط فيوز قد أيه على سلوك الباور بتاعة الجى أم, وهيركب السماعات بنفس القطبية ولا كله عند البط صابون . للأسف الصوتيات مش جى ام وسماعات أو صب وركب, الصوتيات علم وفيها شهادات, بصراحة أعيب عليك عدم البحث فى الموضوع كويس قبل الشراء. وأنا أسف على التأخير فى الرد, انا لسه شايف الموضوع, وبخصوص أن الناس مرديتش فيه ناس مبتبقاش عارفة ومش عايزة تفتى, وناس بتبخل بالمعلومة, ودول ربنا يسامحهم. وربنا يوفقك.

*************
شوف ياباشا اولا شكرا لردك المفيد واهتمامك بالتوضيح
اللى انا اقصده ان الكاسيت يتحرق دا كان قصدى فى اول الكلام...
وموضوع عدم البحث قبل الشرا انا خدتهم من واحد صاحبى كان مركبهم وشغالين
زى الفل عنده بس هو عنده كاسيت 6050 سنتريت جرافيك
انا ركبت السماعات على الكاسيت وشغالة لكن طبعا الصوت مش واضح لان السماعات قدرتها عالية والكاسيت رودستار شرايط مش هيقوم السماعات مهما كان
السماعات ياباشا 100 RMS وال جى ام سيمفونى 250 بيطلع 85 RMS >>

عندى سؤال بقا لو انا هركب كاسيت بيونير بيطلع 22 RMS و جى ام بيطلع 85 RMS
احسب ازاى ال RMS اللى طالع للسماعات هل بجمع الRMS بتاع الكاسيت وال جى ام ولا ليها حسبة تانية؟؟
عاوز اظبط الدنيا عشان يبقى كله تمام انا احتمال اجيب بايونير 5150 او 5250
وشكرا لمتابعتك يا مستر انجيكشن

[Injection]

بص ياباشا أنا فهمت قصدك, بس حضرتك معلش فاهم غلط.

الجى أم بياخد الأشارة من الكاسيت قبل مالكاسيت يعمل فيها أى حاجة, يعنى بياخد الصوت بعد مالكاسيت يترجمه (سواء من الراديو أو سى دى أو شريط) مش أكثر, فبياخد أشارة ضعيفة جدا ويبدأ الجى أم يضخمها, ده حتى أسمه بالأنجليزى amplifier يعنى مضخم.

الجى أم مبيتوصلش على سلك السماعة العادى, الكاسيت بيبقى فيه مخرج من ورا أوديو شمال ويمين زى ده (للتوضيح فقط)



ودى بقى صورة الكاسيت (اللى فوق جهاز تانى خالص كنت بوضح بيه الفكرة بس, و الكاسيت اللى تحت ده فيه فتحتين زيادة علشان تركب جى أم قدام وورا والكلام ده, توزيع الصوت يعنى)


وبيتاخد وصلة audio left and right من الفتحتين دول لحد الجى أم.

الأشارة بتخرج من الكاسيت من المخرجين دول ضعيفة جدا, بحيث الجى أم هو اللى يقوم بعملية التضخيم, وبتطلع الأشارة حسب قدرة الجى أم بالظبط, وعلى فكرة أنت ممكن بالوصلة المناسبة تركب أى حاجة على الجى أم سواء mp3, mp4, mobile وأى حاجة بتطلع صوت .

لو خدنا بقى الوصلة من سلك السماعات اللى خارج من الكاسيت, الأشارة هتبقى مضخمة, وبالتالى هتبقى قوية جدا على الجى أم, والصوت هيطلع وحش ومخروش ومش هتقدر تعلى الصوت عن الربع, وده أصلا غلط على مكونات الجى أم الداخلية وعلى الكاسيت.

فالكاسيت كل عمله بالنسبة للجى أم أنه بيدى الأشارة فقط لا أكثر ومش هتفرق كاسيت بيطلع 100 rms عن كاسيت بيطلع 10 لأنك طالما مركب جى أم ملكش دعوه بخرج الكاسيت للسماعات, اللى هيفرق معاك جودة الصوت الخارج من الكاسيت لا غير, ومش ممكن تحرق الكاسيت أبدا طالما مركب صح.

وفعلا باين من ال rms أن السماعات متركبش على الكاسيت مباشرة, وحتى الجى أم مش هيشغلها بكل قدرتها, هيبقى فاضل 15 rms فرق بين الجى أم والسماعات أنت مش مستفيد منهم علشان الجى أم ضعيف (زى ماركبت السماعات على الكاسيت والصوت طلع ضعيف, بس طبعا الصوت هيبقى أقوى وأحسن بالجى أم) بس الجى أم هيشغلهم كويس فى الاخر.

وأسأل براحتك يامستر مودى, وأرجو أنى اكون أفدتك.