لو سمحتو عايز حد بيفهم .. عايز اركب سماعتين فى عربية لانوس . Plz Help

[elnaser_m]

المشاركة الأصلية كتبت بواسطة snoop الف مبروك عليك السماعات بس ممكن سوال جبتهم بكام ومنين والف شكر ليك علشان عايز اشترى اتنين جداد زيك بالظبط لو صوتهم كويس يا ريت تقولى الاخبار معاك وشكرا مرة تانية

بصراحة الصوت رائع ونقاء الصوت فعلاً جميل ... بس الكاسيت عندي ضعيف لما بعلى على الاخر بيكون فى تشويش بسيط
بس السماعتين كويسين جدا
السماعتين 400 وات تايلاندي .بيجي معاهم فى العلبة مستلزمات التركيب للسماعتين زي اسلاك النوصيل والمسامير و2 قفيز بلاستك بصراحة مش عارف اية فايدتهم .. قالي 325ج .. انا اصلا بكرة الفصال ... قولتلو انا والله مبحبش الفصال قولي اخر سعر من الاخر حدفعو وامشي ..قعد شوية كدا .. وقالى والله 300ج اخرهم زي ما بيطلعو لأي حد معرفة
دفعت الـ300 وخد منو معطر كبير رخامة :D:D

المشاركة الأصلية كتبت بواسطة bedos السماعات دلوقتي والكاست بعدين براحتك بس هات حاجة كويسه الصيني بيبوظ بعدها بشويا البيونير الـ 400 بـ 260 جنيه مش تشتريها اغلى من كدا

تسلم على ردك يا باشا بس انا اشترتها بـ300 مش 260 .. يمكن اشتغلوني فى المحل :]:]

[snoop]

مقلتش منين اشتريتهم !!!!اسم المحل ايه لو فى القاهرة والف شكر ليك مرة تانية

[elnaser_m]

المشاركة الأصلية كتبت بواسطة snoop مقلتش منين اشتريتهم !!!!اسم المحل ايه لو فى القاهرة والف شكر ليك مرة تانية

لا مشترتهمش من القاهرة .. انا من الزقازيق

[adidas_vip2]

مبرووك عليك السماعات يا معلم وعقبال الكاسيت ان شاء الله

[elnaser_m]

باركولي يا جدعان انا والحمد لله اشتريت الكاسيت
جبت كاسيت بايونير زي ما كنت عايز والحمد للة
Pioneer DEH-3250UB

http://www.pioneer.com.sg/storefront...&CatId=2,24,33

الكاسيت صناعة تايلاندي ..( اللى موجود فى مصر تايواني) .. صح ولا اية!
واحد صاحبى ربنا يخلية كان جاي من قطر .. وفضل يسألني مش عايز اى حاجة من هنا
طلبت منو الكاسيت .. اشترالي الكاسيت من كارفور فى قطر بما يعادل مصري (600 جنية) يا بلاش

طبعا مش قادر اوصفلكو الصوت .. فعلا حاسس اني بسمع صوت نقي وواضح وتحس بالقوه وانت بتسمع ( حاجة محترمة )

كدا طقم الصوت عندي كلو بايونير تايلاندي ... lol

عقبالكو يا جدعان بأحسن طقم صوت فيكي يا مصر