توضيح مهم بالنسبة للتحويل من انجكشن الي عاده

[حواش]

المشاركة الأصلية كتبت بواسطة الهاك الصغير أولا أسباب التحويل التحويل بيتم بعد عدم صلاحية اكثر من قطعه من نظام الانجكشن للعمل او بعد عملها بكفائه منخفضه ويجب تغيرها يعني لو واحد معاه عربية انجكشن 2007 يحولها ليه الي كاربراتير ليه اكيد الانجكشن احسن مليون مره من الكاربراتير والميكانيكي اللي بيغير هيقولك الكلام ده يعني لو مثلا باظ رشاش وعامل 450 جنيه أي نعم مبلغ عالي شوية مش مشكله لكن هتستمر عربيتك بنفس الكفائه بالسنين لو غيرته بحاجه اصليه انما المفروض تحول في حالة واحدة بس لو حصلك زي ماحصالي وكل المجموعه حساس +رشاش+لوحة كمبيوتر = 3000 جنيه كانوا في حاجه ملحة للتغيير او التحويل ب 1200 كاربراتير وكل حاجه معروف مميزاتها وعيوبها وعاوز اقول نصيحة لأي حد معاه شاهين زي العضو اللي راح لميكانيكي علشان يقلبلو العربية بدون مايسال عليه وبيقول اسبوع كمان كلام غريب فعلا أقوله أنا سألت عند أكتر من ميكانيكي علشان اعرف هل عنده خبره وهل عمل الكلام ده قبل كده ولا لاء لحد ماوصلت للأفضل مع انه اغلي حاجه بسيطه بس عرفت انه فاهم وعملها قبل كده كتير دي بقي كانت غلطت حضرتك انك ماسألتش وبقول لاي حد معاه شاهين ومش فاهم ميكانيكا اعمل زيي وقف سواء تاكس شاهين من اللي علامته انجكشن واحكيله القصه هتلاقيه يقولك تروح عند كذا وتعمل كذا وفي اماكن مشهوره بالشاهين زي دمياط والمنصورة التاكسي الشاهين منتشر هناك

اخي الغالي الاسعار مبالغ فيها شويتين لوجبت رشاش جديد بالحساس 250 وسعر اللوحه الاكترونيه 2000 جنيه من التوكيل لكن لو استراد سعر الرشاش بالحساس 150 جنيه واللوحه 600 جنيه فقط للعلم

[الهاك الصغير]

المشاركة الأصلية كتبت بواسطة حواش اخي الغالي الاسعار مبالغ فيها شويتين لوجبت رشاش جديد بالحساس 250 وسعر اللوحه الاكترونيه 2000 جنيه من التوكيل لكن لو استراد سعر الرشاش بالحساس 150 جنيه واللوحه 600 جنيه فقط للعلم

أخي الكريم أحب أقول لسيادتك انت اولا بتتكلم عن الصيني ولا الاوريجنال

أولا الرشاش صيني عامل 150 جنيه حساس الايدل أصلي عامل 450 جنيه صيني 200 جنيه حساس البوابة نوعية معقوله بس مش الاصلي عامل 350 جنيه مستورد 200 جنيه اللوحة 2000 جنيه

والكلام ده كلام مؤكد وانا كنت عند الكيلاني وقالي لو مالقيتش عندي الاصلي اعرف انك مش هتلاقي عند حد غيري في مصر

انما الاسعار اللي حضرتك بتتكلم عليها ياريت تعرفنا جبتها منين واصليه ولا لاء جديده ولا استيراد واخر مره سالت فيها عن الاسعار دي