أيهما أحسن ميتسوبيشى لانسر أم نيسان صنى

[zabota123]

أيهما أحسن ميتسوبيشى لانسر فول أبشن أوتوماتيك 1300 سى سى
أم نيسان صنى فول أبشن اتومامتيك 1600 سى سى

علما بأن سعر المتسوبيشى 99 ألف والنيسان 103 ألف

من حيث السمعة وجودة العربية وتوافر قطع الغيار وثمنها ومعاملة الوكيل

وجزاكم الله خيرا

[MoSHaX]

الانسر افضل من ناحية السمعة وجودة العربية وتوافر قطع الغيار وثمنها
لاكن الصنى افضل من ناحية السعر وعوامل الامان وثبات السيارة وكمان 1600 مش 1300 لاكنها تجميع محلى
بالنسبة للوكيل فانا مش عارف الصراحة متعاملتش معاهم بس من كلام الناس الانسر افضل من حكاية الوكيل دى

[zabota123]

تسلم يا جميل

[tigernet]

بص يا باشا لو انت بتحب الجرى يبقا صنى ولانسر 1300 بتجرى برضو
بس اكيد 1600 افضل
خلى بالك ياباشا الصنى كورى مش يابانى وبتتجمع فى مصر وفيها حاجات فيها صناعة مصرية مثلا الازاز و فيها عيب صغير انها ديقة شوية من قدام

[خالدخليفة]

ان عندى نيسان صنى والحقيقة نيسان صنى اوسع واطول وامتن وارخص لان السعر اللى قلته ده سعر الاتوماتيك فى الصنى وموتورها هو الوحيد 1600 اللى بيطلع 118 حصان ولايسبقه الا موتور السيراتو بيطلع كما سمعت 123 حصان وطبعا ده تهريج لان العربية اقصر من الصنى وده معناه ان فى السرعات العالية ممكن تنقلب لاقدر الله الصنى متينة وارخص وقوية انا شخصيا ممكن احط فيها بضاعة تصلى 800 كيلو و قطع غيارها موجودة فى كل حتة بس اللانسر اكتر لانها اكثر انتشارا فى السوق وميزة العربية دى ان موتورها يابانى وقوى وثباتها ممتاااااااااااااااز لحد 185 كيلو ولا كأنك بتجرى ولولا عداد السرعة لايمكن تقول انك بتجرى لكن العيوب فراملها عادة مش اى بى اس والموتور صوته اعلى من غيره شوية لكن متحسوش الا لما تركب عربية تانية دواسات البنزين والفرامل والدبرياج تقيلة شوية زى العربيات القديمة يعنى انا لما ركبت دايو بدوس جامد زى مبدوس على دواسات النيسان لقيت العربية نطت منى وطبعا مش جامد اوى لكن متحسش برضه بالفرق غير لما تركب غيرها واكبر عيب بقى الوكيل سايب الصيانة لموزعين معتمدين وانا مجربتش ابو غالى لكن جربت يونايتد جروب فى الدراسة وهما ناس معاملتهم محترمة لكن بيطلعو فى العربية القطط الفاطسة ويدفعوك واعتقد دى اخلاقيات كل الوكلاء فى مصر لكنها كعربية ممتااااااااااااااازة