اخيرا اشتريت ................ Gen 2

[hhhesham]

المشاركة الأصلية كتبت بواسطة DR.AMER HASSAN مبروك عليك يا باشا.... ربنا يكفيك شرها و شر الطريق... حضرتك ترخص على المرور الي تبع البطاقة الا اذا كنت عضو في سموحة او سبورتنج... ممكن ترخص في النادي

فكره حلوه ديه

[hhhesham]

المشاركة الأصلية كتبت بواسطة screamseko دي جديده ومش فاهمها ربنا يباركلك يا اتش اشوفك فرحان بيها ان شاء الله وعايزك تعمل تقرير يكسر الدنيا لما تجيبها

انا برضو مش فاهمها الحته ديه بس لو موجوده فعلا زى ما انا فهمها دى تبقى ميزه جامده اوى.
وبالنسبه للتقرير حيبقى احسن تقرير عن الجين 2 فى المنتدى انشاء الله علشان محدش يخاف من العربيه و الناس تشترى

[hhhesham]

المشاركة الأصلية كتبت بواسطة tamer Osman الف مبروك ، نصيحة بلاش اسود ( انا عربيتى سوداء و الخرابيش بتبان فيها كانها سبورة و فرن فى الصيف ) الابيض عملى اكتر و الاحمر حلو و شبابى و الفضى بيعكس الحرارة عايزين نعمل توبيك نسميه رابطة بروتون اسكندرية و نحط فيه كل المعلومات عن اماكن بيع قطع الغيار و الورش فى اسكنرية بالنسبة للاستلام : اتاكد ان الحاجات دى مع العربية 1- طبات الجنوط ( غطاء راكب فى نص الجنط) 2- الاريال 3- كتاب الضمان 4- كتلوج العربية 5- كتالوج الكاسيت 6- الكوريك 7- مفتاخ العجل 8- متتخضش لما تشوف الاستبن ( زى عجلة المتوسيكل) 9- خطاف الجر 10 - كيسة عدة 11- اهم حاجة نسخة المفتاح الاحتياطى ( برضه ريموت ) فى التوكيل ب 800 جنيه اشترى شنطة اسعافات و مثلث و طفاية ( غالية فى المرور) اتاكد ان الاجزاء الاتية شغالة تام : 1- الاربعة ازاز كهرباء 2- المرايات الكهرباء 3- جرب البور ستيرنج 4- الكلاكس و كافة الانوار و الفوجات 5- خد معاك سى دى ام بى 3 و جرب الكاسيت 6- جرب المالتى فنكشن 7- اتاكد من قفلة الابواب و الاربعة سنتر بص عليهم كويس واحد واحد 8- فتح و قفل الكبوت يدوى و ريموت ( تكتين على الزرار الصغير) 9- لف حولين العربية و بص كويس على العتب من تحت خلى بالك و انتى سايق الفرامل بتاعة الجين 2 مختلفة ، سيب مسافة لغاية متتعود عليها و يكون التيل طبع اهم نقطة : تدبح او تطلع صدقة علشان ربنا يبارك و كلمنى فى اى استفسار

بالنسبه للتوبك انا عامل واحد عن قطع الغيار وممكن تشارك فيه ولو عندك مكانيكى تقول عليه علشان نثبته انشاء الله وينفع الكل

[tamer Osman]

المشاركة الأصلية كتبت بواسطة hhhesham انا برضو مش فاهمها الحته ديه بس لو موجوده فعلا زى ما انا فهمها دى تبقى ميزه جامده اوى. وبالنسبه للتقرير حيبقى احسن تقرير عن الجين 2 فى المنتدى انشاء الله علشان محدش يخاف من العربيه و الناس تشترى

انا قصدى فتح الشنطة ( كتبت الكبوت بالغلط)

الجين 2 من اول الفيس ليفت الى نزل فى 2009 و لغاية 2012 الشنطة بتفتح بالريوت ، تضغط على زرار فتح السنتر لوك ( الزار الصغير ) و العربية مفتوحة هتلاقى الشنطة اتفتحت

[screamseko]

ايوه كده صح :D:D
انا قولت كبوت بريموت اوبشن جامد واول مره ينزل