ملاحظات لبروتون ساجا الخطيره

[allo]

المشاركة الأصلية كتبت بواسطة hithm abd elfatah انا كمان لبست واحده ساجا الف مبروك علينا علبه الدركسيون المعيوبه و التيل ابو 550 جنيه

الف مبروك يا معلم ده اذا كنت اشتريتها فعلاً

عموما لو علبة الدريكسيون فيها مشاكل بتغيرها من التوكيل مجاناً

اما التيل قبل متقول غالي أو رخيص شوف صناعة ايه ويقعد معاك كام كيلو

حتى الان انا عامل 20000 الف كيلو والتيل تمام ولما اغيره هبلغك

[SALAHHAKIM]

عربيه تحفه قوة وثبات وتجميع وسحب الله اكبر معلومه مهمة جدا موتور السجا نفس قواعد البرسونا والجين تو وده معنا ان ممكن تسقط موتور جين 2 فيها وده حاجه لو عملتها تحس انك راكب صاروخ اما التيل اعرف انه 1100 والماليزى بروتون 250 وفى حاجه 150 وممكن يطلع نفس التيل بتاع الجين 2 ولكن الامامى فقط لان فى الخلف فى السجا طنابير مش ديسكات

[hanyzahran]

تسلم على التقرير الرائع
وانا معاك فى رايك عن الساجا
انا امتلك ساجا مانويل والحمد لله مريحانى
شكراً

[YahiaAshraf]

مبروك يا باشا و الساجا عربيه محترمه جدااااا و كماان بدل ما اضيع فلوسى فى الاسبيرانزا لانها نفس التمن يبقى الساجا احسن
مبروك يا باشا

[Mr.NoLoVe]

المشاركة الأصلية كتبت بواسطة أيمن عنابى السلام عليكم: احب اولا ان اعرفكم بنفسى انا أيمن عنابى من السويس ، بصراحه انا اكتشفت وبعد بحث طويل بالمنتديات والمواقع ان العربية البروتون ساجا عربية محترمه جدا. انا كان معايا عربية كيا برايد كورى اصلى تقفيل خليجى العربية جابت اخرها فبعتها بس كانت ممتازة جدا والله المهم بعد طووول بحث ودراسة متعمقه عشان اشترى عربية جديدة في حدود من 60 الف الى 75 الف قررت اشترى الساجا والحمد لله اشترتها ولونها ابيض ( اشد لون فيها مع انى مش بحب الابيض) بس اللون ده جامد في الساجا المهم عشان تنوى تشترى عربية لازم توضع نقاط مهمه جدا وهى: اولا: السعر معاك كام ثانياً: الجوده ثالثا: قطع الغيار والصيانه طبيعى السعر اللى معاك يحكمك فى شريحه معينه من السيارات فبالتالي نختار من الشريحه دى اللى يناسبك انت وظروفك يعنى الكيا البيكانتو متنفعش غير لبنت او مدام بس مع احترامى للشباب مالكى البيكانتو لانها عربية حريمى بناتى اكتر. اما لو حضرتك شاب ومقبل على الزواج وتكوين اسره فمش هتنفعك البيكانتو خاااالص ( طبعا ضيقه وغير عائلية ) ** الساجا شبابيه عائليه جداا **. نيجى بقي للفيرنا ( الفره) مع احترامى لماليكهاعربية كورى وحلوه الشكل لكن موتورها قوى اكتر من الازم عليها وهى مش ثابته خالص مع السرعات وصاج ضعيف ( اغلب الحوادث وده كلام حقيقي لازم يكون فيها فيرنا ) وصالونها ضيق جدا ** اجلس بصالون الساجا وانت تلاحظ الفرق والراحه **. اما الاخت اللوجان فهى عربية كويسه وصاج متين جدا وعاليه عن الارض بس سحبها وقوة ماتورها ضعيف جدا بالنسبة للساجا الخطيره الاقوى سحب ومتانه موتور ده بخلاف انا اللوجان فرنسي لكن تقفيل مغربي . دى بعض المقارنات والملاحيظ بين تلك الشريحه من السيارات بس احب اقولكم ان الساجا مميزاتها وعن تجربه وكلام اكيد من مواقع مختلفه وهى : قوة سحب عاليه جدااا ، قوة موتور الخاص بشركة لوتس الانجليزية طبعا عرفين عربيات الفورميلا ، شكل جذاب جدااا ، شاسيه الساجا وده كلام اكيد شاسيه من الحديد الصلب ، ماكينة الفيتيس الاوتوماتيك ماركة متسوبيشى لانسر اليابانيه الاطول عمراً ، الجنوط الاسبور ، والعفشه الرياضيه ، طبعا بخلاف باقى الكماليات الجميله انتو عارفنها . دى وجه نظرى وتحليلى من البحث الطويل جدا قبل شرائي لها . من عيوبها اللى شفتها طبعا الدريكسيون مش خفيف زى باقى العربيات بس ده مش عيب لأنه هينفعك اوى لما تكون سايق على سرعات عاليه ( تحكم عالى جدا ). مجال الريموت للمفتاح صغير 4 متر بس . شفتوا طبعا مميزاتها وعيوبها اللى ناوى يشتريها يتوكل على الله وبجد مش هيندم ابداااااااا .

كلام حضرتك جميل جدا جدا ومبروك عليك الساجا والعربيه بجد جميله بس حضرتك غلط فى كام حاجه

ماتور الساجا اقوى فى الهورس باور بس يعنى اللوجان 90 والساجا 94 يعنى مش 220 هورس باور

ثانيا سحب اللوجان اعلى لانها بتجيب من 0 الى 100 فى 11.5 ثانيه
اما الساجا بتجيب من 0 الى 100 فى 13.5 ثانيه

ثالثا عزم اللوجان اعلى بيولد عزم 128 عند 3000 rpm
عزم الساجا بيولد 120 عند 4000 rpm

بس ده ميمنعش ان الساجا جميله جدا جدا ومن شركه عريقه زى بروتون المعروفه

انا حبيت اوضح لحضرتك وجهه النظر الخاطئه ( وجلى من لا يخطئ فكلنا بشر )