محتاج مساعدتكم بجد .. لانى اتخنقت

[Dr. Bolbolan]

برده البروتون أو الجين 2 سعر اعادة بيعها أنيل من اللوجان !

أنا ح أتجنن من حكاية سعر اعادة البيع ! الواحد بيشترى سياره و نفسه تعيش معاه 10 سنين على الآقل !

يبقى سعر اعادة ايه بأه ؟ يعنى مش فى مصر ان الواحد يغير سيارته كل سنه أو ثلاثه حتى !

و بعدين المتحكم الآكبر فى سعر اعادة البيع هو حالة السياره وقت البيع ! و لابد حتمآ ح يكون أقل من ثمن

الشراء ! يعنى هيه الناس فاكره انها تشترى سياره و تركبها و تعمل بيها البدع و بعدين تبيعها و تسترد فلوسها

أو تكسب فيها كمان ؟؟؟؟ كلام غير منطقى ! و أعتقد لو فضلتم على المبدأ ده ! ح تنتظروا كتييييييييييير !

Dr. Bolbolan

[حازم شاهين]

المشاركة الأصلية كتبت بواسطة Dr. Bolbolan برده البروتون أو الجين 2 سعر اعادة بيعها أنيل من اللوجان ! أنا ح أتجنن من حكاية سعر اعادة البيع ! الواحد بيشترى سياره و نفسه تعيش معاه 10 سنين على الآقل ! يبقى سعر اعادة ايه بأه ؟ يعنى مش فى مصر ان الواحد يغير سيارته كل سنه أو ثلاثه حتى ! و بعدين المتحكم الآكبر فى سعر اعادة البيع هو حالة السياره وقت البيع ! و لابد حتمآ ح يكون أقل من ثمن الشراء ! يعنى هيه الناس فاكره انها تشترى سياره و تركبها و تعمل بيها البدع و بعدين تبيعها و تسترد فلوسها أو تكسب فيها كمان ؟؟؟؟ كلام غير منطقى ! و أعتقد لو فضلتم على المبدأ ده ! ح تنتظروا كتييييييييييير ! Dr. Bolbolan

الموضوع يا دكتور ببساطة إن الناس عايزة العربية تبقى مخزن للثرة بمعنى زيها زى الدهب
و لو فى أى وقت الواحد إتزنق فى فلوس يقدر يبيع العربية و يفك زنقته و لذلك الناس بتدور على سعر إعادة البيع

لكن فى الأساس كلنا بنشترى العربية علشان (نقنيها زى ما بيقولوا بالبلدى) يعنى فكرة البيع دى بتبقى مش فى الحسبان

و لو إن الموديلات الجديدة إللى بتنزل كل سنة ممكن تخلى دماغ الواحد يتلحس و يبقى عايز يغير لمجرد التغيير و عشان يبقى Up To date

[بدر بسيونى]

[quote=MamaDo2000[CENTER]البروتون جين 2 [/CENTER]

من حيث :

قطع الغيار وتوافرها ؟؟ توافر قطع يار الجين 2 اكيد مش افضل كتير من اللوجان
مكان التوكيل ومراكز الخدمة ؟؟ وكيلها عز العرب
سعر اعادة البيع ؟؟؟مش عالى للدرجة ومش افضل من اللوجان
استهلاك البنزين ؟؟؟ معقول ومش عالى
سعر العربية كاش هل هو 84000 لمانوال ولا زاد ؟؟ مظبوط
اداء وثبات العربية ؟؟ اكيد عالى طبعا لان الفكر فكر لوتس

وممكن اعرف حضرتك رفضت اللوجان ليه برغم انها باعت كتير اوى اوى وثانيا حتنتشر اكتر من الجين 2 واكيد لما حتنتشر قطع غيارها حتتوفر وسعرها مش حيبقى غالى للدرجة ولما حتنتشر سعر اعادة بيعها حيكون مقبول فى حين ان الجين 2 موجودة من فترة وقطع غيارها لسه مش منتشرة اوى وكمان سعر اعادة البيع مش عالى فاللوجان صفقة رابحة اكتر من الجين 2

والجين 2 كاداء وثبات وموتور اكيد افضل من اللوجان وده طبيعى فرق السعر

وبالنسبة للتفيل والخامات المستخدمة مااعتقدش ان الفروقات بينهم كبيرة مع مراعات فرق السعر

[EgyZizo]

ظروف الجين 2 هى نفس ظروف اللوجان من حيث قطع الغيار وسعر إعادة البيع ..

لو هتمشى بمنطق الوالد يبقى تختار بين اللانوس والفرنا ..

[ابو هيما]

على فكرة العربيتين اعادة بيعهم سيئة جدا ..وأنا مع رأى egypt farmer فى أن مركز خدمة الجين سىء وليس على المستوى والراىء ده انا كنت قرأت عنه قبل كده فى منتديات أخرى وزى مابيقول المثل مفيش دخان من غير نار ..
'طب أيه رأيك فى اللى يخلصك من الحيرة دى !!!!!!!!!!
جرب كده وشوف العربيتين دول 1- السيات أبيزا ( شكلأ وأداء أفضل من الأتنين وعربية معمرة جدا وأعادة بيعها سهلة) وعلى فكرة الأخ بدر بسيونى له منى كل التحية والتقدير قد تعرض بالشرح الوافى سابقا فى أحد موضوعاته المتميزة كالعادة للسيات أبيزا وللكوردوبا ) له منى مرة أخرى كل التحية والأحترام
طب أقولك على حاجة تانية ..
2-أيه رأيك فى الأسكودا فابيا الرائعة ( منظر وشياكة وثبات رائع وحاجة كدة أوربى ..
شوف كدة صورهم وقولى رأيك ..
ويارب أكون افدتك وربنا يصلح لك الحال ويهديك للأحسن ان شاء الله