ادراج التخزين في Gen 2

[Abeer]

انا اتفرجت على الجين 2 العربية حلوة ما شاء الله و صالونها جيد بس التابلوه بتاعها مش على نفس مستوى شكلها من بره وكمان بصراحة مش لاقية فيها اماكن تخزين:-)

ممكن حد يقول لي ليه مش عاملين درج في التابلوه حتى زي باقي العربيات ، معلش انا اول مرة اشوف الحكاية ده ...

[MohabSaeed]

موضوع درج التخزين ده كان خطأ تصميمى ..... و عدلوه فى الجين 2 فيس ليفت .... الى لسه مانزلتش عندنا , و البيرسونا ...و من الاخطاء التصميميه برده .. مكان ازرار التحكم فى الزجاج الكهرباء و المرايات ......... وده كالو اتعدل فى الموديل الجديد .

[abo3bdolrahman]

أختلف معاك يا عزيزى مهاب فى موضوع الأدراج دى و أعتقد إنها و عن تجربة ماشية أوى مع الطابع الرياضى للسيارة و التعديلات الجديدة دى عن رغبة العملاء نظرا لإنتشار السيارة مع العائلات أكثر من فئة الشباب اللى كانت السيارة موجهة ليهم و فى النهاية هيا اذواق و راحة نفسية

[MohabSaeed]

فعلا بالظبط زى ما حضرتك قولت ... ازواق و راحه نفسيه ...

[momenhamdy]

المشاركة الأصلية كتبت بواسطة Abeer انا اتفرجت على الجين 2 العربية حلوة ما شاء الله و صالونها جيد بس التابلوه بتاعها مش على نفس مستوى شكلها من بره وكمان بصراحة مش لاقية فيها اماكن تخزين:-) ممكن حد يقول لي ليه مش عاملين درج في التابلوه حتى زي باقي العربيات ، معلش انا اول مرة اشوف الحكاية ده ...

الاجابة سهلة جداً يا استاذي الفاضل
اولاً بالنسبة لموضوع الدرج التابلوه العربية تصميمها سبور (رياضي) فا علي هذا الاساس لا يوجد درج تابلوه و لا ولاعه سجائر و لا طفايه سجائر ( سياسة مصنع في انتاج سيارة )
ثانيا بالنسبة لموضوع الخامات الخامات عادية و دا راجع علي ان العربية تتبع قيمة السعر مقابل المنتج ........ و انا بصراحة لي رأي في الموضوع دا يمكن يكون غريب شوية انا دائماً بقول الكمال لله وحده ...
و كل عام و حضرتك بخير