وضوع إسمه الأيدل ليرن جاب معايه نتيجة عكسية

[احمد على 1999]

ده تقريبا مالوش لازمة الا فى حالات نادرة
لان لو البطارية اتفصلت لمدة تزيد عن عشرة ثوانى فبيتمسح من كميوتر العربية خطوات التعامل مع صمام ضبط هواء السلانسيه IDLE AIR CONTROL VALVE
لان كميوتر العربية هو الى بيحدد حركات الصمام (تقريبا حاجة و خمسين وضع للصمام) بناءا على الاتى
1- درجة حرارة المياه (يعنى زى الشفاط ايام زمان ) و انت بتسخن بيقبى قافل الهواء علشان يعلى نسبة البنزين الى الهواء و بعد ما العربية تسخن بالتدريج الصمام بيفتح حتة حتة من خلال الكمبيوتر الى بيعرف من خلال الثرموستات الكهرباء الى راكب على يمين البلوك تحت الكويل
2- لو شغلت التكييف المفروض لو مافيش تحكم فى الصمام ده العربية حتبطل على السلانسيه لكن الكميوتر لما يحس ان التكييف اشتغل (من خلال حساس ضغط الفريون) علاطول يحرك الصمام علشان يحافظ على RPM السلانسيه و العربية متبطلش
3- اثناء التغيير ما بين النقلات ( يعنى لما تدوس دبرياج ) الصمام ده بيحافظ على الRPM انها متقلش علشان العربية متبطلش
4- التوقف السريع تلاقى برضه الصمام ده معلى ال RPM شوية يديك فرصة لو حتمشى تانى تبقى سهل تطلع و لو طولت شوية فى الوقوف بيرجع ال RPM طبيعى تانى
5- و يمكن ليه حاجات تانية انا مش عارفها دلوقتى

المهم الطبيعى ان الكمبيوتر عارف
فلما بتفصل البطارية و تيجى توصلها تانى بعد مدة (10 ثوانى فاكثر) الكميوتر بينسى كل حاجة عن التحكم فى الصمام ده
فتعمل الخطوات دى علشان يتعلم IDLE LEARN
بس ممكن تمشى بالعربية من غير ما تعملها و تلاقى العربية مبرجسة كام يوم (او اقل من يوم لو مشييت و بطلت كتير) و تظبط لوحدها بعد كدة (يعنى بالبلدى اتعلمت لوحدها من تجارب الحياة من غير ما حد يعلمها)
و الى عايزها ما تبرجس معاه الكام مرة دول يعلمها هوا بالطريقة دى
و فى النهاية مفيش ضرر من عدم عملها

[sasa_eng]

المشاركة الأصلية كتبت بواسطة احمد على 1999 ده تقريبا مالوش لازمة الا فى حالات نادرة لان لو البطارية اتفصلت لمدة تزيد عن عشرة ثوانى فبيتمسح من كميوتر العربية خطوات التعامل مع صمام ضبط هواء السلانسيه IDLE AIR CONTROL VALVE لان كميوتر العربية هو الى بيحدد حركات الصمام (تقريبا حاجة و خمسين وضع للصمام) بناءا على الاتى 1- درجة حرارة المياه (يعنى زى الشفاط ايام زمان ) و انت بتسخن بيقبى قافل الهواء علشان يعلى نسبة البنزين الى الهواء و بعد ما العربية تسخن بالتدريج الصمام بيفتح حتة حتة من خلال الكمبيوتر الى بيعرف من خلال الثرموستات الكهرباء الى راكب على يمين البلوك تحت الكويل 2- لو شغلت التكييف المفروض لو مافيش تحكم فى الصمام ده العربية حتبطل على السلانسيه لكن الكميوتر لما يحس ان التكييف اشتغل (من خلال حساس ضغط الفريون) علاطول يحرك الصمام علشان يحافظ على RPM السلانسيه و العربية متبطلش 3- اثناء التغيير ما بين النقلات ( يعنى لما تدوس دبرياج ) الصمام ده بيحافظ على الRPM انها متقلش علشان العربية متبطلش 4- التوقف السريع تلاقى برضه الصمام ده معلى ال RPM شوية يديك فرصة لو حتمشى تانى تبقى سهل تطلع و لو طولت شوية فى الوقوف بيرجع ال RPM طبيعى تانى 5- و يمكن ليه حاجات تانية انا مش عارفها دلوقتى المهم الطبيعى ان الكمبيوتر عارف فلما بتفصل البطارية و تيجى توصلها تانى بعد مدة (10 ثوانى فاكثر) الكميوتر بينسى كل حاجة عن التحكم فى الصمام ده فتعمل الخطوات دى علشان يتعلم IDLE LEARN بس ممكن تمشى بالعربية من غير ما تعملها و تلاقى العربية مبرجسة كام يوم (او اقل من يوم لو مشييت و بطلت كتير) و تظبط لوحدها بعد كدة (يعنى بالبلدى اتعلمت لوحدها من تجارب الحياة من غير ما حد يعلمها) و الى عايزها ما تبرجس معاه الكام مرة دول يعلمها هوا بالطريقة دى و فى النهاية مفيش ضرر من عدم عملها

ما شاء الله معلومات قيمة جداً
بالمناسبة هل حضرتك مهندس

[احمد على 1999]

شكرا جدا
نعم انا مهندس طيران
لكن الصراحة كنت بالصدفة نزلت كتب اللانوس من على النت و بجيب المعلومات دى منها
و ساعات من google بتعلم حاجات عامة عن العربيات

[مورو]

الله يفتح عليك يا عم الباشمهندس احمد - انا استفدت كتير من علمك - الله يكرمك - بس هو اللفظ idle ولا ideal

[احمد على 1999]

المشاركة الأصلية كتبت بواسطة مورو الله يفتح عليك يا عم الباشمهندس احمد - انا استفدت كتير من علمك - الله يكرمك - بس هو اللفظ idle ولا ideal

شكرا لذوق حضرتك يا استاذ مورو
اما لفظ idle فمعناه خامل و المقصود به السرعة الخاملة idle speed السلانسيه
و ideal بمعنى مثالى