هى الدايو لانوس غِليت فى مصر كلها ولا عندى فى الغردقة بس؟

[maggoda1611]

انا مش عارف هل اسعار اللانوس المستعمل اللى فى الغردقة هى بس اللى غالية ولا ايه؟ هقولكم على الحالات اللى شفتها:-
1) دايو لانوس 2007 نصف كماليات فبريكة بره وجوه ماسك على 49000 ومش عايز ينقص مليم.
2) دايو لانوس 2006 كاملة فبريكة وماسك على 48000 وبرضه مش عايز ينزل السعر.
3) دايو لانوس 2003 كاملة راشة بره فبريكة دواخل وماسك على 44000.
وخد من كده برضه بالنسبة للفيرنا يا ترى هو ده متوسط الاسعار الفعلى ولا فعلا الاسعار مبالغ فيها-زى ما اى حد حواليا بسأله ويرد- ولا ايه بس ولا انا اللى مش هعرف اجيب عربية خالص: w6w200504112220146b:w6w20 0504112220146b

[goudai]

هى فعلا الدايو لانوس ماسكة سعر يمكن حتى اكتر من شيفرولية لانوس وده راى شخصى لكن عن نفسى عربيتى اشتريتها من سنة ونص ب 50 الف موديل 2006 شركة برة وجوة نصف كماليات

[mezat2020]

الاسعار دى غالبا فى كل المحافظات لان عليها طلب ووماسكه السوق وقطع الغيار متوفره وسعرها معقول سواء جديد او استيراد واغلب الميكانيكيه فهموها وربنا يوفقك بشراء العربيه اللى فى بالك

[محمد صالح - المحامى]

برضو بتفرق حالة العربية ودى سبب بيخلى صاحبها يتمسك بسعر عالى