نصيحة للى ناوى يشترى شيفورليه لانوس

[iaman]

المشاركة الأصلية كتبت بواسطة dramadomido شيء غريب جداً....ناس بتشكّر جداً في العربية و ناس بتذمّ فيها جداً....انا كنت ناوي أجيبها ... بس كده انت بتخوّفني جداً ... طيّب هيّ الشكوى دي متكررة و لا هوّة حظّك هوة اللي وحش... ؟؟...المشكلة اني ركبت الفيرنا و ضيقة بطريقة متعبة !! معرفش الناس بتركبها ازاي!!! طيب الواحد فعلاً بقى يقاطع الشيفروليه كلها و لاا ايه؟؟

صدقنى نصيحة بلاش ولو حابب تركب لانوس اركب دايو قديم

[بلاشانت]

واحد صاحبى معاه شيفروليه لانوس بقالها سنتان ونص وانا ركبتها كتير والعربيه ذى الفل وانا ركبت دايو لانوس 2005 من وقت مكانت زيرو وسافرت بيها شرم كذه مره والله مفيش اى اختلاف بين الاتنين خالص وابن اخويا معاه شيفروليه 2011 وسالتوا عليها قالى عربيه ممتازه وحماله اسيه

معلش بقى انت الى حظك كده وانت اصلا الى غلطان العربيه فيها كل العيوب دى انا اسف يعنى انت كنت نايم وانت بتستلمها.......

[iaman]

المشاركة الأصلية كتبت بواسطة بلاشانت واحد صاحبى معاه شيفروليه لانوس بقالها سنتان ونص وانا ركبتها كتير والعربيه ذى الفل وانا ركبت دايو لانوس 2005 من وقت مكانت زيرو وسافرت بيها شرم كذه مره والله مفيش اى اختلاف بين الاتنين خالص وابن اخويا معاه شيفروليه 2011 وسالتوا عليها قالى عربيه ممتازه وحماله اسيه معلش بقى انت الى حظك كده وانت اصلا الى غلطان العربيه فيها كل العيوب دى انا اسف يعنى انت كنت نايم وانت بتستلمها.......

يا سيدى انا معاك ان حظى كده و العيوب دى مظهرتشى الا بعد 300 كيلو هقولهم استنو شويه اجرب العربيه و بعدين ابقى استلم
بزماتك اى حد بيشيك على عربيه بيشوف ايه مش الأنوار و الحاله العامه و الأشارات و التكييف و الفرش
هتفتح طنابير تشيك عليها ولا هتوطى فى الأرض تشوف الدواسه متفصله صح ولا غلط

عموما انا قدمت شكوى رسمية فى جهاز حمايه المستهلك و مستنى اشوف هترسى على ايه

[iaman]

المشاركة الأصلية كتبت بواسطة Eng/salwa لا اله الا الله و لا حول و لا قوة الا بالله ربنا يعينك انا كان معايا دايو لانوس 2008 وبعدها عرفت ان لانوس ضمتها شيفورليه عاشت معايا 3 سنوات زى الفل و لم اغير حتى الكاوتش الاستبن يعنى لم يخرج من شنطة السيارة بعتها فعلا نظيفة زى الفل وكانت عاملة فقط 10000 لا تترك حقك مع التوكيل واكتب فعلا على السيارة ان توكيلهم سئ للعبرة صدقت فعلا ان لانوس عن لانوس تفرق كتيييييييير

تم تقديم شكوى رسميه فى جهاز حمايه المستهلك اليوم مرفق بها فواتير الشراء و امر شغل التوكيل و الله المستعان

[silverlite]

ربنا معاك و يعوضك خير ........, متابع