|
#1
11-10-2012, 05:26 PM
|
|||
|
|||
طلب ملح جداً ...و استشارة مستعجله
السلام عليكم و رحمت الله و براكاته ...
المشكله عندى اني دي الوقت عندى فى العربية ظهر صوت ونه غريبة و غربله فلما رحت للميكانيكى كشف على العربية وقالى الاتى: ان المكنه فيها صوت ونه عايز يلمه فقلى نغير بلى شداد الكاتين و سير الكاتينه و نغير بيلى شداد التكييف (مع انى لسه مغير فى اول دخله الصيف ده) و كمان كشف على العجل من غير مايحله وقلى لازم نغير بيلى العجل يمين امامى و شمال خلفى وكمان عايز يغير جلدة الكوبلن الشمال المهم ..... ماطولش عليكو هو السؤال دى الوقت 1- هل صوت الونه و الغربله دى يحتاج تغير كل الحاجات دى ولا الميكانيكى بيستسهل فيغير كل حاجة ولا اروح لميكانيكى تاني استشيره ولا الموضوع محتاج حد متخصص عفشة مثلا او اي حاجة تانية افيدونى افادكم الله ....انا ياجماعة ميح فى الموضوع ده 2- لو كلام الميكانيكى ده صح فى حد يعرف اسعار الحاجات دى بكام و المصنعية تكون كام ( الميكانيكى طالب مصنع 80ج فى تغير بلى العجل و تغير جلدة الكوبلن و 150ج فى الشغل اللى فى المكنه) 3- هل فى مشكله ممكن تحصل بعدين لو عملت الموضوع ده على فترات ولا لازم يتم بسرعة (انا بصراحة مأشفر على الاخر)  و شكرا لكل الناس اللى موجوده فى المنتدى الجميل ده 
|
|
#2
11-10-2012, 05:33 PM
|
||||
|
||||
رد: طلب ملح جداً ...و استشارة مستعجله
طب ملاحظتش الونة دى ليها علاقة بالدبرياج
يعنى مثلا بتيجى لما تدوس على الدبرياج او ترفع رجلك من عليه يمكن العيب من بلى الدبرياج ( بيعمل ونة لما بيتاكل )
__________________
|
|
#3
11-10-2012, 09:49 PM
|
||||
|
||||
|
رد: طلب ملح جداً ...و استشارة مستعجله
السلام عليكم
الونه لها اسباب كثيره خلي الميكانيكي يحل كل السيور الي في العربيه ( التكيف والدينامو) لو الونه موجوده والسياره طبعا واقفه يبقي في حاجه في بلية الكاتينه ومعلش السياره اخر مره غيرة الكاتينه والبليه من كام كيلو لو مافيش ونه ركب سير التكيف ودور لو فيه ونه يبقي بلية التكيف لو ما فيش يبقي ركب سير الدينامو لو ظهر يبقي بلية دينامو ومع الأخذ في الأعتبار لكلام الأستاذ محمد صالح ممكن تكون بلية الدبرياج او الدرك ولو الونه مابتظهرش غير وانت ماشي يبقي احتمال بلية الدبرياج او بلية العجله ولمعرفة بلية العجل ارفع العجله بالكوريك وهز الفرده للداخل والخارج لو في بوش بتكون البليه وحشه لو الفرده لايوجد فيها بوش يبقي البليه سليمه والغربله ياريت تخلي عفشجي يبص عليها احسن ومن الممكن تكون الونه والغربله بسبب فردة كاوتش وحشه ولو برده الكوبلن وحش من الممكن تعمل غربله وونه (بس احتمال ضعيف) اما بخصوص جلدة (كاوتش ) الكوبلن بص عليها بنفسك لو مقطوعه غيرها احسن للحفاظ علي الكوبلن اما بخصوص المصنعيه ديه بترجع لنظافة الصنايعي والله المستعان
__________________
   صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين  سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
 |
|
|
و أصبحت 
