ارجو المساعده فيات زاستافا ولا نيفا

[F B I]

ارجو المساعده من حضراتكم فى اختيار فيات زاستافا ولا نيفا علما بأن محتاج عربيه تستحمل لانى فى مكان ارضيتها مش متسفلته وعايز عربيه تستحمل المطبات الكتير مش عارف انهى افضل اللى اتقالى ان نيفا اقوى وامتن وتستحمل وبتمشي جامد فى السفر وفى الصحراء كمان بس عيبها انها مش اسريه اوى لانها بابين بس والزجاج الخلفى مقفول على طول مش بيتفتح وكمان سمعت انه المحرك 1500 ده بلاعة بنزين وهاتعد تكلفنى كتير وميكانيكي قالى لو جبته سولار مش هاتستهلك كتير ومش عارف صح ولا لا والكاوتش بتاعه كبير مش كاوتش عادى وغالى وسمعت ان قطع غياره مش متوفره مش عارف الكلام ده صح ولا لا بس كاشكل خارجى جميل واتقال انه صاج جامد ونوع متين ويستحمل اما زاستافا مميزاته انه اربع ابواب وصغير ومش بيستهلك بنزين كتير بس لما سألت هنا اتقالى عيوب كتير منها الباروما و واللى بيسخن ولما سالت اللى جربه هنا فى القسم اتقالى عيوب كتير غير شكله مش مقبول اوى ومعرفش تستحمل الاماكن اللى فيها مطبات كتير ولا لا انهى افضل ارجو الاجابه من الخبراء والناس اللى مجرباهم

[F B I]

محدش عارف ولا ايه يا جدعان عايز اعرف علشان هاشوفها بكرا والراجل مستنى ردى علشان واحد تانى عايزه محدش عارف حاجه عن النوعين دول ؟

[hazem_khidr]

النيفا اقوي و افضل من السازتافا
لكن بشرط الحله الجيده

[mohamedkamel8677]

نيفا طبعا افضل

[احمد بدر1978]

اكيد النيفا احسن