سوال

[xman103666]

اعضاء المنتدى الكرام الرجاء الافادة اشترى سيارة ريجاتا ولا سيارة 131 انا اول مره اسوق واول مره اشترى سيارة عايز اعرف مميزات وعيوب كل وحده منهم ولو فى نوع افضل اشتريه يريت اعرفه انا معاى 20\25 وايه اهم حاجه اخد بالى منها ونا بشترى العربيه

[فادى]

الريجاتا أفضل قليلا و أكثر نعومة و راحة و تسارعها أفضل و هى تطوير لل131 كما ان موديلاتها احدث.
ال131 أفضل لناحية واحدة فقط و هى الدفع الخلفى.
نصيحتى الرجاتا, و لو وجدت ريجاتا بحالة جيدة اشتريها فورا.

[zenger]

انا اقدر افيدك فى مميرزات و عيوب الريجاتا و كمان ازاى تصلحها لكن ال131 معنديش فكرة و الله
بص يا باشا الريجاتا فى منها نوعين الريجاتا العادى و دى من 83 الى86 دى الريجاتا العادى من غير تكييف و من غير زجاج كهرباء امامى موتور 1500cc
بس مش فاكر القدرة الحصانية كام بس هى اقل من 80
اما النوع التانى و هوة الريجاتا النوفا و دى من 86 الى 89 و دى بقى يا باشا برضو 1500cc
الهورس باور 82 حصان و دى تكييف و زجاج كهرباء امامى
عربية حلوة تسارع ممتاز ثبات كويس جدا على السرعات العليا عربية ناعمة و عالية عن المطبات موتور عفى زى ما بيقولوا
مفتكرش ان فى عيوب متتكررة او ثابتة فيها هتقابلك غير السخونية و دى عادية
و ليها حليين بس على حسب الموديل اللى هتشترية انا متابع معاك و على فكرة حليين نهائيين
لكن للامانة هى عربية تمام انا معايا النوفا ال 88
بالنسبة لاخر نوع منها هوة الموديل 90
بس ده 100 حصان
مش بفضلوا لاسباب كتير ندرة قطع الغيار اسعارها كمان غالية كام حاجة مقرفة يعنى بس برضو الموديل ده ممتاز بس لو ضامن قطع الغيار
ده كل اللى اعرفة عن الريجاتا و لو انت عاوز تسال ازيد على حاجة انا مش نسيت اقولها متابع معاك