عاوز اشتري كروز و مرعوب

[katroo]

الحقيقه يا جماعه انا بعد اللي قرأته دلوقتي في القسم دا عن الكروز جالي رعب منها و مش هشتريها
انا كنت عاوز اشتري الكروز بس عندي بقي شوية استفسارات و زي ما خوفتوني منها ياريت تدلوني
ايه حكاية الصيانات دي ... صيانة ال45 الف و ال 60 الف ( ياريت شرح كامل للصيانات )
و حكاية زيت الفتيس اللي غير فكرتي كليا عن الكروز
يعني بكل بساطة كده بقي عاوز دليل استعمال الكروز ... الصيانة و الزيوت و غيرها و غيرها

اعزروني يا جماعة مانا معايا 128

[owner]

بص لو عايز تشترى عربية الكروز كويسة و عن تجربة بس مشكلتها انها واطيه جدا ع الارض و لو عايز تشترى نفس الامكانيات بنفس السعر ارشحلك الالنترا او السراتو

[katroo]

طب مانا عاوز افهم ايه حكايات الصيانات دي و هل ها في العربيات كلها ولا انواع و انواع و امتي الصيانات دي

[shnobly]

السلام عليكم
يا باشا متقلقش من موضوع الصيانات دا
دا موجود في كل العربيات الجديده المضمونه من الوكيل
وبيكون نظامها كل 5000 كيلو او كل 3 شهور أيهما اقرب (بيختلف الكلام دا من وكيل لوكيل)
تاخد عربيتك وتتطلع على مركز صيانة الوكيل
وهناك يعملولك الصيانه الدوريه للعربيه
اغلب الصيانات بتبقى :تغيير زيوت وفلاتر وتشييك على كل سوائل العربيه وتربيط للعفشه
ودي مبتبقاش غاليه قوي

في الصيانات الرئيسيه اللي هتلاقي فيها تغيير سير كاتينه وخلافه دي بتبقه اغلى ودي تقريبا كل 60000

وبيبقى مكتوب في الكتالوج المفروض تعمل ايه ف العربيه كل كام كيلو
وممكن تتصل تسأل وتعرف الاسعار قبل ما تروح

مميزات الموضوع دا :
بيحافظ جدا ع العربيه
الشغل بيبقى بالادوات المناسبه مش زي الميكانيكي
بيحافظلك على ضمان العربيه (لو ما التزمتش بالصيانات الدوريه ممكن يضيع عليك الضمان:bb127bc6eab060e3e2 3 )

عيوبه :
المصنعيه اغلى من الشغل بره

بعد انتهاء فترة الضمان حاول تعمل صيانات كل 10000 بس بره مراكز التوكيل عشان توفر فلوس


بالنسبه للكروز فارتفاعها عن الارض مقارب للألنترا والسيراتو الفرق بيكون في طول قاعده العجلات هيا للي ممكن تخليك تحك في المطبات
هذا والله أعلم.........

[sherifabden]

انصحك بالتفكير في السيراتو افضل من الكروز وابسط مثال انتشار السيراتو بدرجة كبيرة اتوكل على الله وهات السيراتو ومش هتندم