أسعار قطع غيار الجولف 2 1300 سي سي

[tareksakr]

كثير من محبي الجولف 2 والراغبين في اقتنائها يتخوفون من اسعار قطع الغيار لها مع انها متوفرة بالكامل واسعارها متوسطة واليكم قائمة بأسعار قطع الغيار المهمة بها ومتوفرة عند اكتر من حد بالنسبة لقطع الغيار الجديدة ففي شارع ابراهيم من شارع دمشق مصر الجديدة في 3 محلات جنب بعض سامح ابيزا والثلاثية وبيت الجولف وفي في شارع السودان المهندسين فتح الباب وده ممتاز جدا
وفي ميدان ابن الحكم الحلمية الصفوة وبالنسبة للاستيراد ففي شارع المرسيدس في الحرفيين اكتر من واحد الفوال والشحات واللبودي وعبده طيرة

مساعدين أمامي 580 جنيه كوفاب برازيلي
إسطوانة ودسك وبلية ساكس اسباني 640 جنيه فليو 580 جنيه
اسبيراتير استيراد 225 جنيه
موبينة استيراد 70 جنيه
سير كاتينة اصلي 60 جنيه
سير دينامو كوري 8 جنيه
طقم بوجيهات 3 شمعة 70 جنيه واحد شمعة 50 جنيه
فانوس أمامي 80 جنيه
شبكة امامي 120 جنيه
شكمان كامل جديد 600
جوز سوست خلفي 200
جوز سوست خلفي إستيراد 100 جنيه
شاكوش أسبيراتير 30
جلب مقصات أمامي توبران 80 جنيه
بيض مقصات أمامي 180
طنابير أمامي 130
تيل أمامي توبران الماني 100 جنيه
فلتر زيت 30
فلتر هواء 40
ماستر فرامل عمومي 200 جنيه ايطالي
سرفو فرامل استيراد 100
أكرة باب 50 جنيه
مشط إلكتروني للأسبيراتير 170جنيه
كبلن 140 ايطالي 180 الماني
كربيراتير استيراد 250
طرمبة بنزين 120
تربس بندكس مارش 100
سلك دبرياش 75
سلك اكسراتير 75 جنيه
سلك عداد السرعة 100
مكنة مارشدير 50 جنيه
علبة دركسيون صيني بس جيدة 280 جنيه
بارات طرف 120 جنيه
كوبلن داخلي صيني 200 جنيه
كوبلن كامل داخلي وخارجي استيراد 200 جنيه
اويل سيل عصاية فتيس 30 جنيه الماني اصلي 15 جنيه صيني
جوان غطا تاكيهات 30 جنيه
جوان وش سلندر 75 جنيه
طقم بلوف للصبابات 250 جنيه
فانوس خلفي استيراد 50 جنيه
شبكة امامي كاملة + 2 فانوس بالصدر الصاج 300 جنيه استيراد
كبوت 200 جنيه استيراد
باب فاضي 300 جنيه
طقم ابواب650 جنيه من بورسعيد استيراد كامل
تابلوه كامل بالعدادات 300 جنيه
فتيس استيراد 5 غيار 450 جنيه
قنطرة ببار الاتزان 100 جنيه استيراد
دنجل خلفي كامل بالطنابير 250 جنيه استيراد
طرمبة مياه ايطالي 150 جنيه
شجرة مياه 80 جنيه
رادياتير 300 جنيه

واي سؤال او استفسار انا موجود

[ابوعلي1980]

الف شكريا باشا علي الاسعار

[semsem80]

الله ينور علي حضرتك
بس ليه استفسار انا عندي جولف 88 1300 العداد مكتوب فيه انه 220
انا مشيت بيها 140 كان ال rpm عند 5 فهل ممكن ده ميكونش فتيسها عشان اللي فاضل ميجبش بقيت السرعة اللي فاضلة
انا عارف انا خرجت برة موضوع الاسعار
بس الوضوع مجنيني

[tareksakr]

السرعة القصوي لل جولف ا 1300 160 كم ساعة وده بالعافية انا معايا جولف 1300 واقصي سرعة جبتها كانت 150 كم ساعة وده يعتبر كويس جدا لموتور 1300 55 حصان

[mohamedgolf92]

الف شكر على الأستفاده العظيمه دى انا عندى سؤال صغير انا عايز اجيب موتور 1.8pb بحاجته كلها وبفكر اجيب نص عشان مدوخش على مسمار عندك فكره يعمل كام ومنين؟