العودة   مصر موتورز مجتمع السيارات > منتدى الصيانة و اﻹصلاحات > ميكانيكا السيارة

ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية


إضافة رد
 
أدوات الموضوع
  #1  
قديم 21-11-2013, 03:19 AM
gohaaa707 gohaaa707 غير متواجد حالياً
 
تاريخ التسجيل: Mar 2013
المشاركات: 10
gohaaa707 is on a distinguished road
عاجل افيدونى محتاج نصيحة سريعة عربية هيونداى اكسيل

السلام عليكم ورحمة الله وبركاتة
اخوانى اعضاء احلى واجمد منتدى فى الدنيا محتاج نصيحة سريعة فى موضوع مهم جدااااااااااا جدااااااااا...
انا اشتريت عربية اكسيل 1300 موديل 1994 مانيوال 4 زجاج كهرباء تكييف بس عطلان ومفيش باور...
وكانت معقولة فى المشى بتاعها وفجأة ظهرت عيوب كتيرة مرة واحدة فى الكهرباء والميكانيكا والموتور وبعد كدة طبلت على دماغى بواحد راكب نص نقل الله يكرمة خبطلى الجنب اليمين كلة فبقت العربية مشوهة وانا دلوقتى مش عارف اعمل اية لو بعتها اكيد هتبقى بخسارة ولو شديتها مش عارف التكاليف كام ..فلو تكرمتم اخوانى ذوى الخبرة قولولى اعمل اية واية الاسعار والاماكن اللى اجيب منها الحاجات دى
ابتدى بالميكانيكة
هو من اول ما اشتريتها وانا عارف ان الماتور خفيف واكتر من واحد ميكانيكى قالى كدة بس النصيب وعدم الخبرة المهم بقالى فترة بسمع صوت الماتور عالى جداااااااااا وصوت زى ترزيع كدة ونقر تحت الدواسة بتاعت البنزبت وساعات كتير لما ازود سرعة الخبط دا بيزيد واحس ان الماتور هيقع او هيقطع العلب من تحت وطبعا السحب وحش جداااااا خصوصا لو طالع كوبرى او حد راكب معايا كتير علما باننى لسة مغير طقم دبرياج كامل والميكانيكى بيقولى ان الماتور بينتهى ومش عارف اجيب ماتور جديد ولا اعمل عمرة والاتنين تكلفتهم كام واية الاسعار واية الاحسن ولو اشتريت منين؟؟؟ وقابلت واحد عند الكهربائى بيقولى انة مركب ماتور انجيكشن هيونداى النترا 2004 على الاكسيل ماتور 1500 بحوالى 2500 جنية كامل الماتور بالتكييف بتانك البنزين
وماشية معاة كأنها زيرو اية مدى صحة الكلام دا ؟؟؟؟؟
ثانيا الكهرباء
الكهربائى بيقولى العربية محتاجة ضفيرة كاملة وانا مش عارف اعمل اية دا صح ولا اشتغالة وروحت لواحد تانى قالى ممكن تترم مفيش حاجة اسمها ضفيرة جديدةوكل واحد برأى حاجة تحير اية الاسعار والمصنعية ولو انا غيرت الماتور لازم اغير ضفيرة الكهرباء ؟؟؟
ثالثا العفشة
اية اسعار المساعدين الاماميين واية افضل الانواع لان العرببية مكفية شوية من قدام ولو هعمل عفشة كاملة جديدة تتكلف حوالى كام ؟؟؟؟
رابعا السمكرة والدوكو
لو حبيت ارش العربية بعد الحدثة اللى عملتها تتكلف تقريبا كام واية اسعار الرفارف الامامية والكبوت والاكصدام الخلفى
معلش انا اسف طولت كتير بس مش عارف اعمل اية والدنيا زى ما انتوا شايفين مفتوحة معايا قوى


التعديل الأخير تم بواسطة AbOnOrA ; 22-11-2013 الساعة 09:27 AM
رد مع اقتباس
  #2  
قديم 21-11-2013, 09:17 AM
الصورة الرمزية mr_astra
mr_astra mr_astra غير متواجد حالياً

 
تاريخ التسجيل: Oct 2010
المشاركات: 6,818
mr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond repute
افتراضي رد: افيدونى افادكم الله

بص طالما حضرتك لسة شارى العربية .......يعنى جديدة عليك ملهاش معزة خاصة عندك ،، انا لو مكانك هابعها على كدة اوفر كتير من الفلوس اللى هاتتصرف ووجع القلب
__________________

يااااااااااااا رب

إرحمنا بقدرتك علينا

رد مع اقتباس
  #3  
قديم 22-11-2013, 09:47 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: افيدونى محتاج نصيحة سريعة عربية هيونداى اكسيل

بص يا عم جحا

العربيه ديه محتاجة على الاقل 3 - 4 الاف جنية علشان تتلم بشكل تجارى فتعرف تبيعها
وبشكل تجارى يعنى تعمل الضروريات بس والحاجات اللى تخلى شكلها مقبول
لكن لو عايز تركبها لمدة طويلة (تأنيها يعنى) هتخش فى ضعف الى ضعفين المبلغ ده
وبالتالى انا لو مكانك هعمل حاجة من اتنين
يا اما معايا مبلغ على بعضه مثلاً 10 الاف جنية هلمها وابيعها اكمل على تمنها واجيب حاجة حالتها افضل ومصاريفها اقل

لو مش معايا المبلغ على بعضه هقسم الشغل اللى فيها على مراحل واشدها واحدة واحدة لحد ما تتظبط

بس بعد ما تتظبط حرام تبيعها احسن تركبها سنة ولا اكتر بالمصاريف اللى حطتيها فيها

نيجى بقى لاسئلتك

1- الموتور ممكن يتعملة عمرة بس على حسب حالته وتكلفة مستلزمات العمرة
يعنى لو الميكانيكى قالك العمرة تتلم فى حدود باكو ولا حاجة يبقى تمام
اكتر من كدة يبقى تجيب مكنة كاملة احسن وتثبتها فى المرور
وممكن طبعاً تركبلها مكن النترا او الكورى القديم والانسر القديم كمان
بس اهم حاجة فى موضوع الميكانيكا ده كله الميكانيكى نفسه علشان هو اللى هيجرب لك الموتور ويركبه لازم يكون معاك ميكانيكى ثقة وشاطر

ممكن تستخدم مرمات الموتور هتحسن ادائه شوية لكن مش هتعالج حاجة مجرد مسكنات يعنى

2- بالنسبة للكهرباء

موضوع ضفيره جديدة ولا تصلح القديمة راجع لطريقة شغل الكهربائى
الضفيره ديه حاجة معقدة جداً وشغلها مقرف خاصة لو اتصلحت قبل كدة كذا مرة واتحط فيها كذا ايد
فطبيعى تلاقى صنايعيى يقولك غيرها كلها على بعضها علشان ملوش خلق يقعد يصلح ويغير وطبعاً هتاخد منه اضعاف الوقت اللى هياخده فى توصيل واحدة سليمة جديدة
طبعاً انا مش عارف ايه السبب بالظبط اللى خلاه يقولك كدة بس انا بتخيل
عموماً لو عرفت تجيب موتور بضفيرته وكل حاجتة يبقى افضل واريح واوفر يمكن كمان
ان مكانش ظبطها ومشى حالك دلوقتى زى ما شرحتلك فى الاول

العفشه كلها تتلم فى حدود 3 - 4 الاف جنية

السمكرة على حسب المعاينة طبعاً صعب اتخيلها بالوصف لو تحطلنا صورة يكون افضل بس عموماً لو هتعمل العربيه كلها سمكره ودوكو مش هتزيد عن 3 - 4 الاف جنية وهترجع زيرو

مرة تانية الاسعار ديه تقديريه وغير دقيقة بالمرة بدون معاينة


__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #4  
قديم 22-11-2013, 07:55 PM
gohaaa707 gohaaa707 غير متواجد حالياً
 
تاريخ التسجيل: Mar 2013
المشاركات: 10
gohaaa707 is on a distinguished road
عاجل رد: افيدونى محتاج نصيحة سريعة عربية هيونداى اكسيل

شكرا جدااااااااااااااا جدااااااااااااا يا ابو نورا على كلامك الجميل دا
واحب اوضح لحضرتك هو فى 3 ميكانيكية قالولى ان الماتور خفيف ومحتاج عمرة والميكانيكى اللى بتعامل معاه انا واثق فية جداااااااا جدااااااااا وشاطر جدااااااااا وهو قالى ان العربية عايزة عمرة والاحسن تجيب مكنة والقرار ليك فى الاخر عايز افك واشوف فيها اية اشتغل فيها واللى هيظهر هيتعمل او ننزل نشوف مكنة جديدة تكوت 1500 علشان تشغل التكييف وتستحمل السفر ......
بس فى مشكلة ظهرت معايا مش عارف صح ولا غلط لقيت اعلان لمحللات البلبوشى قطع غيار واتصلت وسألتهم عن سعر مكنة جديدة قالولى مبقاش فى مكن للاكسيل واللى ممكن تلاقية انك تجيب شورت بلوك انجيكشن فاضى وتكمل علية قطع التغذية من عندك وانا مش فاهم اية الكلام دا اساسا وهل الكلام دا صحيح ولا لا
وبالنسبة للكهرباء المشكلة انى كان فى العربية كبارى كتير جداااا وبيقولى ان فى حاجات فى الضفيرة متحمصة والاحسن تتغير
وبالنسبة لجسم العربية ففى عندى خبطات فى الرفارف وطقطقة فى الدهانات على الكبوت والرفرف وحتة بسيطة فى السقف....انا اسف على الاطالة بس اعذرنى انا مش فاهم خصوصا موضوع الماتور دا ...
ولو فى اي توضيح تانى اكون عاجز عن الشكر
رد مع اقتباس
  #5  
قديم 22-11-2013, 10:15 PM
الصورة الرمزية m.e.y
m.e.y m.e.y غير متواجد حالياً
من انا؟: 01144533044
التخصص العملى: محامى
هواياتي: العربيات و اكتساب الخبرات و الكورة و النت
 
تاريخ التسجيل: Jul 2011
الموقع: مدينة نصر - القاهرة
المشاركات: 92
m.e.y will become famous soon enoughm.e.y will become famous soon enough
افتراضي رد: افيدونى محتاج نصيحة سريعة عربية هيونداى اكسيل

نصيحة منى يا باشا بيعها احسن لأنك لو عملت اللى فيها هاتتكلف ومش هاتحس بمصاريفها

وهاتبقى شايل منها وحاسس انه اتخدعت واتدبست فيها فا بيعها احسن

اما لو ناوى تصرف يبقى بالنسبة للماتور فا الترزيعة دى معناه ان الماتور خف فا كا ميكانيكا لو ماتورك سليم اعمله عمرة

او طقم شمبر ويفضل العمرة احسن اما لو الماتور مكسور او بايظ خالص يبقى هات استيراد احسن

وربنا يوفقك فى العربية ان شاء الله
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:20 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017