من فضلكم ساعدونى فى تويوتا عيون

[didoetman]

دى اول مشاركه ليا فى المنتدى
انا لسه شارى سياره تويوتا عيون كامله اوتوماتيك
ووديتها للميكانيكى يغيرلى فلتر زيت وهوا وغيرت الزيت
المهم العربيه كانت تمام اوى وكنت لما اجى اشغل المكيف صوت المكنه يعلى وعدد لفات الموتور يزيد انا عارف ان ده تمام
الميكانيكى الله يكرمه لعب فى الخراطيم بتاع الكاربيراتير ولخفنها فى بعضها ولما المكيف بيشتغل المكنه بتكن خالص ومش عارف يرجعها زى ما كانت فلو حد عنده عيون او الموديل اللى قبلها انا اسمع انهم زى بعض فى كل حاجه يكسب فيا ثواب ويصورلى كاربيراتير العربيه والخراطيم واصله ازاى علشان اظبطها الله يكرمكوا

[linatrix]

معلش يعنى ايه لخفن خراطيم الكربرتير ؟؟؟ لوعمل كده العربيه مش حتدور اساسا ممكن بس يكون فى كابل فصل او لعب فى الهواء او البنزين شوف بس اى ميكانيكى بيفهم و ان شاء الله يظبطها لك و مبروك على العربيه للعلم العربيه دى محترمه جدا انا كان عندى واحده بس الرموش الى هى الموديل الى بعدها على طول

[magdy_c_c]

ياباشا و لا يهمك
و ما تقلقش خالص الموديل ده مش معقد أوى يعنى و لا حاجة
بس حضرتك وديها لميكانيكى بيفهم
و هو هيظبطلك كل حاجة فيها
و ألف مبروك على العربية
ربنا يطعمك خيرها و يكفيك شرها

[Sameh Ragih]

إن شاء الله خير.. و متابع لغاية ماتروح للميكانيكي و تكتبلنا حلهالك إزاي

[didoetman]

الف شكر يا جماعه ربنا يكرمكم واول ما اروح للميكانيكى هعرفكم طبعا بس كان ليا استفسار صغير انا عربيتى اوتوماتيك وكنت بغير السيه كرنك علشان كان جايب زيت والميكانيكى حط كيلو زيت للفتيس فانا كنت عاوز اسال عن نوع زيت كويس للفتيس الاوتامتيك ده وازاى اغيره