مشكله باللوجان والعربيه بره الضمان

[Emgrand]

المشاركة الأصلية كتبت بواسطة م.محمد ما تقولش الكل اشتكى منها لان الموديلات الجديدة من 2012 تفادت هذه العيب وبيقولوا عدلوا فى البوابه ... ولكن الموديلات القديمة من 2009 و 2010 و 2011 هى اللى بس البوابه بلاستيك

وممكن تقول 2012 ملحقتش تجيب 50000 كيلومتر
لا تدعهم يقولوا وتنقل عنهم

دلوقتى عايزين حل للشراء من خارج التوكيل

[EgyZizo]

للأسف فيه حد دور عليها كتير ، ومالقهاش بره التوكيل ..
على أى حال حاول مرة تانية.

وإلا ستضطر لشراءها من التوكيل وتمنها مش رخيص للأسف (1400 جنيه)

بس يا ريت ماتكسلش فى اصلاحها بأى وسيلة لأن عدم الاصلاح ممكن يؤدى إلى مشاكل أخرى ، أصلى عشت أسبوعين فى الموال ده ، وأهم مشكلة هى ان ممكن المارش يبوظ فى الموضوع ده من كتر التبطيل والدوارة خصوصاً والعربية ماشية.

وللعلم هناك عربيات موديل 2012 ظهر فيها نفس العيب.

[Emgrand]

المشاركة الأصلية كتبت بواسطة EgyZizo للأسف فيه حد دور عليها كتير ، ومالقهاش بره التوكيل .. على أى حال حاول مرة تانية. وإلا ستضطر لشراءها من التوكيل وتمنها مش رخيص للأسف (1400 جنيه) بس يا ريت ماتكسلش فى اصلاحها بأى وسيلة لأن عدم الاصلاح ممكن يؤدى إلى مشاكل أخرى ، أصلى عشت أسبوعين فى الموال ده ، وأهم مشكلة هى ان ممكن المارش يبوظ فى الموضوع ده من كتر التبطيل والدوارة خصوصاً والعربية ماشية. وللعلم هناك عربيات موديل 2012 ظهر فيها نفس العيب.

المشكله ان فى ميكانيكى متخصص رينو قال لصاحبى انها موجوده فى صقر قريس ب 500 جنيه استيراد
وانا شاكك اصلا فى وجودها وحتى لو موجوده هتبقى حالتها ايه؟؟!!

[zenadanet]

المشاركة الأصلية كتبت بواسطة mazen mazen وممكن تقول 2012 ملحقتش تجيب 50000 كيلومتر لا تدعهم يقولوا وتنقل عنهم دلوقتى عايزين حل للشراء من خارج التوكيل

انا شايف لو العربية جابت ال 50000 الف كيلو وعاوزة تغير البوابة يبقى عربية محترمة لان بعد ال 40000 الواحد بغير ال 4 فرد كاوتش وبعد ال 60000 الف بغير ال سير الكاتينة وكمان بغير جميع السيور والفلاتر ... وكمان تغير البوابة بعد ال50000 وبهذا الثمن يبقى رخيصة حتقول كيف ... ياسيدى اعتبرها غيرت فردتين كاوتش ... انما المشكله لو ان تعطلت بعد ال 5000 او حتى ال 20000 او حتى 30000 وهذا بعتبرها مش مشكلة لان الضمان حيغيرها مجانا ( انا متعجب على الناس ومستغرب عربية جابت ال 50000 ومش عاوزين يعملوا اى صيانة فيها )

[moh2011]

انتم مكبرين الموضوع خالص هو انت حتغيرها كل 50000 الف لا طبعا انت حتغيرها مرة واحدة وخلاص طيب حقولكم انا حصلى اية لما اشتريت العربية بعد شهور ركنتها تحت شغلى وانا نازل اروح لقيت الفانوسين الامامى مكسرين واتضح لى ان عاربية نقل خابطة فيها طيب انا موظف على كد حالى اعمل اية ركنت العربية لمدة شهر لغاية لما اشتريت ليها فانوسين من التوكيل وربنا يعوض عليا والحمد الله جت على كدة