|
|||||||
| رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
 |
|
|
أدوات الموضوع |
|
#1
27-09-2012, 09:56 PM
|
||||
|
||||
تقريري الاسبوعي 2 عن لوجي 2013 بعد 930 كيلو..
السلام عليكم يا لوجاناويه يارب تكونوا بخير يارب
نبدأ بسم الله النهارده يعتبر اخر يوم في تاني اسبوع من استلامي ل "لوجي" 2013 ولغاية امبارح انا عامل 930 كيلو تقريبا الحمد لله العربيه كل يوم بيزيد عشقي ليها عن اليوم اللي قبله بحمد ربنا والله علي نعمته الواسعه مبدئيا احب اخص بالشكر للاسطوره cars admire علي هديته الغير مباشره انه نصحني باني اضيف لزيت الموتور علبة زيت ابرو ومن ساعتها والاداء اختلف تمامااا صوت الموتور بقي انعم بكتيير الصوت اللي كنت بسمعه علي 3 ار بي ام دلوقتي بسمعه علي 4 ونص و5 السحب زاد عن الاول استهلاك البنزين بيقل تدريجيا التجربه الحقيقية للعربيه كانت سفريه للقاهره وخدت فرصتي اني اجرب العربيه في كل الاوضاع اتحركت الساعه 5 ونص الفجر من العجمي اسكندريه ودخلت عالبنزينه فول 92 يباشا انا كنت ملاحظ ان المسدس عمال يفصل كتير من اول مبدا يفول المؤشر كان ناقصله شرطتين بس وفولت بحوالي 42 جنيه ومسكت الطريق وكان معايا اهلي في العربيه وبدات واحده واحده الطريق وقولت متيلا بقي نجرب العربيه كانت عامله 430 كيلو وبدات ازود واحده واحده كده التسارع مرضي الحمد لله خصوصا ان العربيه لسه متفتحتش واخدها براحه وماشاء الله وصلت ل 170 علي 4 وبه ار بي ام ومرضتش ازود عشان مقرصش عالمتور ومعايا 3 في العربيه جربت فتحت التكييف ووصلت لنفس الار بي ام بس جابت 160 بس علي 4 وشويه برضه بصراحه التكييف ماثر عالسحب بزياده وخصوصا اول وتاني يعني الطلعه اللي انت متعود عليها من غير تكيف مينفعش تطلع بيها وانت مشغل التكييف لازم تزود بنزين بالنسبه للثبات العربيه راسيه علي الارض بس لو عديت جمب نقل او اي عربيه عالطريق بحس ان الهوا بيشيل العربيه من جمبي الجديد بقي بالنسبالي اني بالسرعه دي والمسافه من بيتي لغاية موصلت القاهره اقسم بالله انه منقصش ولا شرطة بنزين !! والاستهلاك وصل ل 7.3 لكل 100 كيلو بس بمجرد مركبتها بعد كده وطلعت مشوار نقصت شرطه وانا راجع بقي السحب كان مختلف معايا جداا وزاد بشكل ملحوظ بعد مالمكنه اتفتحت شويه حتي والدي حس بكده لما ساقها قال العربيه اتعفرتت كده ليه :D بس استهلاك البنزين كان زايد حبه 8.9 عشان كنت مشغل التكييف طول الطريق وكان معايا نفر زياده في العربيه والعفشه سلسه جدااااااااااا خدت كمية مطبات امبارح يجدعان والله كانت مريحه جداا في المطبات واجاركم الله من مطبات عين شمس الحمد لله اداء مرضي لغاية دلوقتي تكييف ممتاز بنسقع منه علي 1 ومؤشر الحراره في بداية اللون الازرق مشكلة بس السحب اللي بيتاثر جامد ده مزاولاني شويه الخساير بس كانت ان الفوج لايت الشمال فصل وان شاء الله حبقي اقولهم عليه في الصيانه الحمد لله اوي انها جت علي اد كده  صورتها بعد يوم سفر شاق   وربنا يباركلي فيكي يا لوجي يا رب
__________________
أيـــها المُشــــتكي ومــابــك داءُ .... كــُـــن جميـــلاً ترى الوجـــودَ جميـــلا  محمد الرويعي  التعديل الأخير تم بواسطة screamseko ; 27-09-2012 الساعة 10:09 PM 
|
|
#2
27-09-2012, 10:01 PM
|
||||
|
||||
|
رد: تقريري الاسبوعي 2 عن لوجي 2013 بعد 930 كيلو..
الف مليون شكر على نقل التجربة ياباشا وربنا يباركلك في العربية
وياريت تعمل تقرير مصور عن العربية
__________________
 الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn
|
|
#3
27-09-2012, 10:07 PM
|
||||
|
||||
رد: تقريري الاسبوعي 2 عن لوجي 2013 بعد 930 كيلو..
والله عايز اعمل تقرير حلو بس مستني يقع في ايدي كاميرا نضيفه لان كاميرة البلاك بيري زفت زي منت شايف ان شاء الله قريب
__________________
أيـــها المُشــــتكي ومــابــك داءُ .... كــُـــن جميـــلاً ترى الوجـــودَ جميـــلا محمد الرويعي
|
|
#5
27-09-2012, 11:32 PM
|
||||
|
||||
|
رد: تقريري الاسبوعي 2 عن لوجي 2013 بعد 930 كيلو..
ربنا يديك خيرها ويكفيك شرها
__________________
 نادى السيارات الصينيه على الفيس بوك نرحب بانضمامكم http://www.facebook.com/NadyAlsyaratAlsynyh جروب نادى سيارات البيجو على الفيس بوك https://www.facebook.com/groups/172929839542780/
|
|
| أدوات الموضوع | |
|
|
