أيهما تفضل ولماذا (سؤال اجباري لازم تخش ترد وبـ 30 درجة كمان) اللوجان مانيوال ولا اوتو

[amor777]

شكرا يا جماعة لكل الاعضاء الي ردوا عليه وافادوني الي دخلوا قروا وخرجوا من غير تعليق لا انا بهزر طبعا انا نويت والحمد لله اني خلاص هحجز المانيواااااااااااااال لعدة اسباب وهي كالتالي :
1- انا فعلا ال7000 هيفرقوا معايا كتير وهحس اني زنقت نفسي قوي في الفلوس
2- انا عارف ان الاوتو استهلاكها للبنزين اعلي وانا عايز حاجه اقتصادية لاعلي درجه
3- فعلا صيانة الاوتو اغلي من المانيوال وانا في عرض اي حاجه ارخص بعد ما جيبها لاني هيكون عليه دين كبيير
4- قولت لنفسي مش من اول عربية كده اشطح واجيبها اوتو خلينا ناخدها واحده واحده
5- لاقيت ناس كتير بتحب سواقة المانيوال وعربيات كتير موجود في الشوارع مانيوال يعني لو كل دول بيتعذبوا في الزحمة مش عيب اسيبهم !!! لازم اشاركهم واتعذب معاهم شويه
وياريت بعد كل ده اكون وفقت في اخيتاري وانا بحترم جدا كل اراء الاعضاء الي نصحوني بالاوتو بس انا بعد تفكير توصلت للي قولتهولكوا ده
لو في اي عضو عنده راي او تعليق علي راي ياريت يفيدنا بيه ما اذا كان تأييد او معارضة (حلوه ما اذا كان دي) وربنا يتمها علي خيييير

[EgyZizo]

فيه ميزة تانية فى المانيوال على فكرة مش ممكن تاخدها من الأوتو.
انك لو الأمور زنقت معاك ممكن تفول بنزين 80 ومش هتقول لأ، ولو حبيت ممكن ممكن تمشيها كده على طول.
ده مش ممكن تعمله فى الأوتو لأن الموتور 16 صباب ومش هيقبل الـ 80

أنا ماشى بـ 80 ليا سنتين ، وميت فل وأربعتاشر.

[amor777]

بس يا راجل متهيألي البنزين ال 80 هيخلي الماتور يودع بدري بدري ولا ايه وممكن يعمل مشاكل تانيه !!

[EgyZizo]

هو ونصيبه بقى ..
بس ليا سنتين ماشى بـ 80 ومش حاسس بأى مشكلة

[eng/walaaeldeen]

المشاركة الأصلية كتبت بواسطة EgyZizo فيه ميزة تانية فى المانيوال على فكرة مش ممكن تاخدها من الأوتو. انك لو الأمور زنقت معاك ممكن تفول بنزين 80 ومش هتقول لأ، ولو حبيت ممكن ممكن تمشيها كده على طول. ده مش ممكن تعمله فى الأوتو لأن الموتور 16 صباب ومش هيقبل الـ 80 أنا ماشى بـ 80 ليا سنتين ، وميت فل وأربعتاشر.

السلام عليكم
لا يوجد علاقه بين نوعية الوقود ونوعية الفتيس
والله المستعان