نظره اولى على عيوب اللوجان الاوتوماتيك

[M.TONSY]

علشان كدة انا مبدئى لما احب اركب اوتوماتيك لازم يكون يابانى او المانى او امريكانى حتى الكورى مش مضمون
احى صاحب الموضوع على شجاعته الادبية

[mohamedsalahelden]

اخوانى واحبائى فى الله تقدمت بشكوى رسميه الى جهاز حمايه المستهلك اليوم ضد الشركه المصريه العالميه للسيارات توكيل رينو لوجود عيوب تصنيع فى السياره رينو لوجان اتوماتيك بوجود عيب صناعه فى صندوق التروس الاوتوماتيك عند تغيير النقلات من الثانى الى الثالث و العكس ومن الاول الى الثانى و العكس وسأوافيكم بلاخبار اول بأول ان شاء الله
علشان انا مش هسيب حقى لان قبل كده العربيه كانت فيه مشكله فى الاتى
-فى المرايه الجانبيه للسائق وتم تغييرها فى التوكيل
-كذلك عيب تبريد اتضح انه عيب فى مروحه الريداتير و تم تغييرها فى التوكيل
-وعيب فى زراع المساحات وتم تغييره فى التوكيل
-عيب فى سخونه اسفل الدواسات وتم حله فى التوكيل
وانا مش ناوى اسيب حقى وهحارب للنهايه وان شاء الله ربنا هينصرنى عليهم بأذن الله تعالى ادعولى

[ahmedashraf]

المشاركة الأصلية كتبت بواسطة khaabas أنا مستغرب من حاجة تانية ان مفيش واحد معاه العربية دي وعاوز يعترف ان فيه غلط كما لو كانت فيراري ولو فيها حاجة موش كويسه يقعدوا يقولوا دى طبيعى دى كل العربيات كده لا النتشة دى موش فى كل العربيات دا حتى معايا عربية صينى زبالة شيرى a11 اتوماتيك والله ما فيها النتشة ده والكلام ده قبل ما تقف ومعتدتش بتتحرك نهائي ههه الف شكر لصاحب الموضوع

وانا كمان بستغرب من إن مفيش حد بيكره العربية دي قد الفيرناويه هههههههه
ياباشا ولا إنكار ولا فيراري, والعربية مش كاملة الأوصاف زيها زي أي عربية, ليها عيوب وليها ميزات, وعيوبها معروفة للجميع ومحدش أنكرها, بل بالعكس أنا لما جيت أشتري عجبني فيها إن عيوبها واضحة, يعني مثلا لو لقيت سخونة من عند الدواسات مش هتخض وأتفاجئ.

كمان مضنش (من وجهة نظري) إن الإحساس بالنقلات وصوت الموتور .. إلخ هي حاجات نحكم بيها على عربية إن كانت كوبيسه أو وحشة, زي محضرتك بتقول النتشة دي محستهاش فالصيني, بالله عليك معنى كده إن الصيني أحسن من رينو أو هيونداي؟! أنا إتفرجت على ريفيوهات للوجان على النت على مواقع أوروبية ولا حد جاب سيرت صوت الموتور ولا إن الباور تقيل, دي ناس بتقيم وعارفة إيه إللى يحكم على عربية بالفشل أو النجاح دي ليها عوامل كثير بس أكيد لا صوت الموتور ولا تقل الباور منهم, لأنهم فعلا أشياء نسبية, يعنى ممكن تقول صوت موتور الإلانترا أهدئ من اللوجان بس مش معنى كده إن اللوجان دبابة ماشية. ممكن تقول إن باور الفيرنا أنعم من اللوجان بس مش معنى كده إن اللوجان تقيله ومكلبشة فالأرض.

الإختلاف في الراي شئ طبيعي, أنا بس كنت بحاول أتناقش مع أستاذ محمد عشان أحاول أفهم منه إيه موضوع النتشة دي لأني مش حاسه عندي وغيري كمان, ممكن يكون هو موسوس زياده وممكن يكون فعلا عنده عيب مش موجود عندي وعند ناس تانيه ودي فايدة المناقشة. لاكن أنا لاقولت العربية خاليه من العيوب ولا قلت إنها فيراري. بس لما بقيس العيوب جنب الميزات ببوس إيدي وش وظهر وأقول الحمد لله على ما رزقنا والحمد لله لحد دلوقت مبسوط من العربية وراضي عن أدائها, ولكن هل ده يمنع إنى كنت أتمنى أركب حاجة أحسن؟ أكيد كنت اتمنى بس أدفع فى حاجة تستحق وده ملاقتهوش لحد 110 ألف, لاكن فضل ونعمة من ربنا, وربنا يكرمنا ونركب إللى أحلى من اللوجان والفيرنا, قولو آمين.

فالآخر بس أحب أقول ياريت نحاول نساعد الراجل ونحاول نفهم مشكلته يمكن حد يقدر يفيده بنصيحة تحل المشكلة, بدل منسخن فيه وخلاص ونخليه يغلى أكثر ويكره العربية أكثر.

المشاركة الأصلية كتبت بواسطة mazen mazen انا لو مكان اصحاب العربيه مش هعترف لانى لو اعترفت يبقى اتخنقت من العربيه وهاشعر بغضاضه كل اما اجى اركبها اتكيف مع الوضع احسن وكأنى مش شايفه خصوصا لو فيها تحويشه عمرى

[ahmedashraf]

المشاركة الأصلية كتبت بواسطة mohamedsalahelden اخوانى واحبائى فى الله تقدمت بشكوى رسميه الى جهاز حمايه المستهلك اليوم ضد الشركه المصريه العالميه للسيارات توكيل رينو لوجود عيوب تصنيع فى السياره رينو لوجان اتوماتيك بوجود عيب صناعه فى صندوق التروس الاوتوماتيك عند تغيير النقلات من الثانى الى الثالث و العكس ومن الاول الى الثانى و العكس وسأوافيكم بلاخبار اول بأول ان شاء الله علشان انا مش هسيب حقى لان قبل كده العربيه كانت فيه مشكله فى الاتى -فى المرايه الجانبيه للسائق وتم تغييرها فى التوكيل -كذلك عيب تبريد اتضح انه عيب فى مروحه الريداتير و تم تغييرها فى التوكيل -وعيب فى زراع المساحات وتم تغييره فى التوكيل -عيب فى سخونه اسفل الدواسات وتم حله فى التوكيل وانا مش ناوى اسيب حقى وهحارب للنهايه وان شاء الله ربنا هينصرنى عليهم بأذن الله تعالى ادعولى

ربنا معاك ويوفقك إن شاء الله, ما ضاع حق ورائه مطالب. جرب تراسل شركة رينو الأم في فرنسا كمان لو أمكن, أبعتلهم إيميل مثلا.
والله ممكن يكون عندك مشكلة في الجير فعلا لو كل العيوب دي كانت فالعربية, ممكن يكون من حظك العربية دي فلتت من رقابة الجودة فى المصنع, عموما قول الحمد لله وربنا إن شاء الله هيعوضك خير.

متابع.

[ahmedashraf]

بالمناسبة أنا لاحظت فعلا إن لو التكيف مش شغال وشغلت المروحة بس, الهواء الخارج بيكون سخن شوية فعلا, هل الموضوع دي ليه حل فى التوكيل بتركيب عازل أوكده؟

موضوع سخونة الدواسات لسه محستهوش, بس همه بيعالجوه إزاي فى التوكيل؟ بيركبو عازل فين؟ وكام التكلفة؟