حادث اليوم

[elbagory2020]

بعد التحيه,,,,

صباح اليوم الخميس الساعه التاسعه ألا ربع عملت حادث بالسياره
كنت بشوف ضغط الهواء للعجل قبل ما اسفر المهم لفيت و ماشى يادوبك على التانى لقيت أدامى عربيه نصف نقل مباشرا ( ماشى فى الحاره بتاعتى ) جه فى فكرى أفاديه ازاى لو فرملت هنتقابل وش فى وش و لو خدت يمينى هدخل فى كراسى قهوه و ثلاث سيارت راكنه كان فى حل واحد انى اخد اقصى الشمال اللى هو مفروض طريقه و ده كان فيه عربيه كارو هو بيفاديه المهم عملتى كده ولا فرار برضوا خبطنى و جت فى الباب الامامى بالخلفى بجزء من الرفرف الخلفى

نزلنا و مين غلطان و مش عارف ايه ......ألخ

دلوقتى انا مأمن عى السياره اعملها فى التوكيل ولا فى مركز صيانه تابع للتوكيل ولا اعملها انا بره ولا استنى بقى لما اجى اجدد و تتعمل
أسف للأطاله لو تدلونى على الافضل و تنصحونى بيه

أليكم الصور





اللون الازرق ده لون السياره النقل

[AbOnOrA]

معلش قدر الله وماشاء فعل وقضاء اخف من قضاء اصبر واحتسب عند الله

هى عموماً خبطة بسيطة ان شاء الله حضرتك هتجيب دلوقتى شوية كومباوند من عند اى موان و(تدعك) فيهم المنطقة اللى اتخبطت هتشيل كل اثار البوية الزرقاء ديه وهتبقى شكلها اخف بكتير

بعد كدة تقرر اذا كنت هتعملها على البارد علشان تحافظ على دهان الفابريكا ولا هتعملها ع السخن وترش جنب

لو ع البارد الموضوع بسيط وممكن تعملة عند اى سمكرى كويس وانت واقف وياخد 100 جنية ولا حاجة لكن لو غير كدة يبقى هتستغنى عنها اسبوع ولا حاجة واحسن تعملها تبع التأمين لانها هتكلف وهترش الجنب كله او بمعنى ادق النص التحتانى للجنب ده

انا رائى شوية كومبوند ومشى حالك خليها تاخد العين شوية ولما تفضى اعملها صح وتبع التأمين

[Saif eldien]

جمع كلة قبل نهاية الوثيقة وجدد كل شى مرة واحدة قبل نهاية الوثيقة بشهرين
لو عملتها فى التوكيل انت هتدفع وبعدين الشيك يطلع لك وطبعا تكاليف التوكيل كبيرة والتامين مش هيغطيها 100% ودة شرط مكتوب عندك فى الوثيقة غير التحمل لو انت عامل نسبة تحمل فى الوثيقة
لو برة التوكيل ممكن تتفق انك متدفعش اى شى الى ان يصدر الشيك وبعدين تحاسب المركز
لو احتاجت اى مساعدة بلغنى
01225485222

[elbagory2020]

المشاركة الأصلية كتبت بواسطة AbOnOrA معلش قدر الله وماشاء فعل وقضاء اخف من قضاء اصبر واحتسب عند الله هى عموماً خبطة بسيطة ان شاء الله حضرتك هتجيب دلوقتى شوية كومباوند من عند اى موان و(تدعك) فيهم المنطقة اللى اتخبطت هتشيل كل اثار البوية الزرقاء ديه وهتبقى شكلها اخف بكتير بعد كدة تقرر اذا كنت هتعملها على البارد علشان تحافظ على دهان الفابريكا ولا هتعملها ع السخن وترش جنب لو ع البارد الموضوع بسيط وممكن تعملة عند اى سمكرى كويس وانت واقف وياخد 100 جنية ولا حاجة لكن لو غير كدة يبقى هتستغنى عنها اسبوع ولا حاجة واحسن تعملها تبع التأمين لانها هتكلف وهترش الجنب كله او بمعنى ادق النص التحتانى للجنب ده انا رائى شوية كومبوند ومشى حالك خليها تاخد العين شوية ولما تفضى اعملها صح وتبع التأمين

شكرا جدا يا أستاذ وائل بس فى الجزء اللى عند الرفرف من تحت و خلف الباب ده مطبق مش عارف ده يتعمل ازاى و سمعت ان فى اجهزه شفط
انا من اعتها و انا مش عايز اركب العربيه قافل منها خالص
ده عيب فيا انا مش بحب اى حاجه فيها خدوش ما بالك بقى لما تبقى كده

[elbagory2020]

المشاركة الأصلية كتبت بواسطة saif el din جمع كلة قبل نهاية الوثيقة وجدد كل شى مرة واحدة قبل نهاية الوثيقة بشهرين لو عملتها فى التوكيل انت هتدفع وبعدين الشيك يطلع لك وطبعا تكاليف التوكيل كبيرة والتامين مش هيغطيها 100% ودة شرط مكتوب عندك فى الوثيقة غير التحمل لو انت عامل نسبة تحمل فى الوثيقة لو برة التوكيل ممكن تتفق انك متدفعش اى شى الى ان يصدر الشيك وبعدين تحاسب المركز لو احتاجت اى مساعدة بلغنى 01225485222

شكرا جدا أستاذ سيف الدين
و ان شاء الله لو الامور معايا وقفت هتصل بحضرتك