زيادة أسعار اللوجان (إستشارة ضرورية للعارفين بالقانون)

[amrtany]

انا بردو فى نفس المشكلة ان حجزت والسعر زاد كتير جدا عن وقت الحجز ، لكن فى التوكيل هو بيبقى حريص فعلا انه ما يدكشى أية بيانات عن السيارة المحجوزة ، ولا نوع السيارة ولا سعرها ، كل اللى بيدهولك هو أيصال بملغ الحجز ، فيكون كل ما لك من حقوق تجاه التوكيل هو حقك فى هذا المبلغ وحده ، ذلك ان الايصال حتى ولو كان به نوع السيارة المحجوزة كان من المكن ـ فى حالة الدخول مع التوكيل فى منازعة فى السعر ـ ان تقدم ما يفيد سعر السيارة وقت الحجز وليكن إعلان جرائد عن سعرها فى هذا الوقت لتحتج به تجاه التوكيل وتتمسك بالسعر السائد وقت الحجز ، إلا انهم لا يمكنوا حتى من ذلك لانه ايصال الحجز مافهوش حتى أسم او نوع العربية المحجوزة ، وقد قصد التوكيل ذلك وان كان هم لديهم أستمارة الحجز بها نوع العربية والسعر ولكن ده طبعا ميش بيقى تحت أيد العميل فكيف سيتمسك بالسعر ويثبته .يعنى من الآخر انت بالنسبة لهم مالكشى حاجة عندهم إلا مبلغ الحجز.

[سفيرالعصر]

طيب لو انا حاجز ومكتوب في الايصال نوع السياره والسعر وتاريخ الحجز
فهل انا ممكن اتمسك بالسعر ولا المعرض ليه حق يقول مش عاوز ابيع

[no more]

المشاركة الأصلية كتبت بواسطة ziko1948 السلام عليكم ورحمة الله وبركاته أنا كنت حاجز سيارة لوجان فى شهر أكتوبر الماضى من الوكيل فى الإسكندرية والسعر وقتها كان 79500 والمفروض أستلم السيارة يوم 15 يناير 2013 وعند الإتصال بالتوكيل اليوم لإستضياح الأمر أخبرنى بأن سعر السيارة زاد بسبب إرتفاع سعر صرف الدولار والغريب أنه قال أن من حجز فى شهر 9 و 10 سيزيد السعر ألفين جنيه واللى حجز فى 11 و 12 سيزيد 4 آلاف جنيه عن السعر الأولى (79500) السؤال الآن هل من حق التوكيل أن يرفع سعر السيارة مع الأخذ فى الإعتبار أن الحجز تم بالسعر القديم

والغريب أنه قال أن من حجز فى شهر 9 و 10 سيزيد السعر ألفين جنيه واللى حجز فى 11 و 12 سيزيد 4 آلاف جنيه عن السعر الأولى (79500)
يعنى هو قال لحضرتك انك هتدفع الفين زياده بس ولا هتتحاسب على 90 الف
ياريت ترد عليا
ومرسي لذوقك

[ziko1948]

المشاركة الأصلية كتبت بواسطة no more والغريب أنه قال أن من حجز فى شهر 9 و 10 سيزيد السعر ألفين جنيه واللى حجز فى 11 و 12 سيزيد 4 آلاف جنيه عن السعر الأولى (79500) يعنى هو قال لحضرتك انك هتدفع الفين زياده بس ولا هتتحاسب على 90 الف ياريت ترد عليا ومرسي لذوقك

أنا كنت حاجز يوم 31-10 والسعر زاد ألفين جنيه على وفعلا أنا رحت دفعت الفلوس من يومين بس مستلمتش العربية مستنى ورق المرور

[no more]

المشاركة الأصلية كتبت بواسطة ziko1948 أنا كنت حاجز يوم 31-10 والسعر زاد ألفين جنيه على وفعلا أنا رحت دفعت الفلوس من يومين بس مستلمتش العربية مستنى ورق المرور

طب انا كنت حاجزه يوم 8\11 ودفعه حجز 5000 على كدا المفروض انى ادفع 4000 زياده يعنى 84.500 بس مش زى ما قالى انى هدفع 90000
بس ياريت ترد عليا ضرورى عشان لو كدا اعرف اتصرف مع التوكيل
انا كنت حاجزة فتوكيل مصر الجديدة
بس ضرورى عشان الحق اتصرف