تقرير صيانة 20000 كم مازدا 3 2010

[karem ali]

الف مبروك يا استاذ على على اتمام صيانه ال20 الف و الحمد لله انها جت بعيد عن غبور و انا كده اكيد هتصل بيك قبل صيانه ال 30 الف عندى كفايه انى اشوف عربيتى بيحصل فيها ايه

[احمد بدر1978]

مبروك الصيانة ياباشا وعقبال صيانة المليون

[hazem_khidr]

بص يا وائل باشا
البوجيهات الاصلي اللي نازله مع العربيه مش هتلاقي زيها
كمان حاجه
طالما التوكيل قالك غير البوجيهات عند 20 الف يبقي تعرف انها تعيش الضعف او اكتر كمان
و خصوصا اني لما فكيت البوجيهات عند 40 الف لقيتها لسه نضيفه و الشمعه كويسه و فكرت اركبها تاني
و خصوصا اني ما لاحظتش اي تأثير يذكر في السحب او النعومه او اي شئ...
حاجه مثلا زي سير الدينامو في التوكيل بيقول كل 40 الف و انا علشان مقروص منه غيرته علي 40 الف و السير طالع مافيهوش غلطه و شكله جديد
و واحد قريبي معاه ياريس اخت اللي معايا عامل بيها 80 الف كيلو و موديل نفس السنه و لسه السير بتاعه شكله محترم و مالوش لزوم يتغير
فبالتالي لما الواحد يلاقي فرصه ما يغيريش قطع الغيار اللي التوكيل بيقول عليها يبقي يوفرها احسن

[ahmedsaad83]

المشاركة الأصلية كتبت بواسطة alymonir السلام عليكم عدت إليكم من جديد و بعد طول غياب و تقرير عن اخر صيانة للتحفة اليابانية ( الغير غبورية ) مازدا 3 2010 طبعا مش حاعيد عليكم القديم كله و أوجع دماغكم بمقدمات طويلة و رغي كتير ( مع إني عارف انكم بتحبوا رغيي جدا ) المهم نخش في صلب الموضوع في البداية الصيانة الأخيرة كانت على 12000 و المرة دي المفروض تكون 22000 بس أنا كسلت المرة دي لحد ما وصلت 25000 المهم طبعا زي مانتو عارفين أنا قررت ألا أتعامل مع غبور في الصيانة ( إلا للضرورة القصوى ) رحت أعمل صيانة في ورشة ابن خالتي في منطقة أبيس بالاسكندرية الورشة متخصصة في صيانة التويوتا مع إمكانية صيانة السيارات الأخرى الصيانة دي تشمل الاتي : تغيير زيت و فلتر موتور و فلتر هواء و فلتر تكييف دة غير تربيط العفشة و الفحوصات إياها ( مياة الريدياتير و البطارية و جميع الزيوت و السوائل و فحص بالكمبيوتر و خلافه ) الكلام دة في التوكيل بالسلاطات و بابا غنوج تتكلف حوالي 1400 جم !!!!!!!!! اه و الله 1400 جم لا تعليق !!!! أنا قررت ألا أغير فلتر التكييف و الهواء ( نظافة فقط لحين التغيير المرة القادمة إن شاء الله ) المهم سيبتلهم اعرية لمدة ساعتين ( مع العلم إن كان عندي ميزة إن أقف و اشوف كل حاجة بتحصل قدامي ) رجعت لقيت كل حاجة اتعملت و اكتر من اللي انا عايزه و عملت مقص للعجل بخلاف تربيط العفشة أن اشتريت الفلتر من عند واحد اسمه الرز في فيكتوريا و قالي إن عنده كل حاجات السيرفس بس معندوش لحد دلوقتي الاكسسوار ( صاج و فوانيس و خلافه ) الزيت من عند الورشة هما موزع معتمد لزيت VISCO الانجليزي هو صناعة إماراتي بس بشكروا فيه أوي و على فكرة أغلى من أي زيت تخليقي 10000 تمنه 250 جم الصيانة كلها اتكلفت 360 جم مع العلم بانهم غسلوا حوض الموتور باسبراي مخصوص ( سايكلو ) خلوه زي الفل بس الأسعار دي ليا أنا بس علشان قريبي ممكن لو حد تاني ياخدوا اكتر حاجة بسيطة + فلتر زيت = 25 جم ( كوري ) الاجمالي 385 جم و الحمد لله راضي و مبسوط و حاسس إن العربية فاقت مستنى ردودكم و اراءكم و اقتراحاتكم

ألف مبروك يا باشا على الصيانة
بس لعلم سيادتك (للعلم بس مش أقصد اى حاجة ولا أنا هستفيد)
أولاً السيارة بتوضع على جهاز بالتوكيل لضبط وقياس الموتور دى اكيد انت معملتهاش عشان ده سبب انهم لسه معملوش توكيل بالاسكندرية مش موجود غير بالتوكيل بأبو رواش
ثانيا بيتم وضع السيارة online لمتابعة السيارة من قبل المصنع باليابان
فحضرتك كدة ممكن تكون وفرت 300 جنيه بس مش 300 جنيه كمان عشان كدة إجمالى اللى حضرتك دفعته 635 جنية وانا عملتها فى التوكيل بـ 850 جنيه
فلو هتاخد بالنصيحة عن تجربة مش فرق كبير بس تبقى مطمئن

الف مبروك
وعقبال صيانة ال 200000 الف ان شاء الله
ربنا يباركلك في العربية ويمتعك بيها كمان وكمان ويبعد عنك شرها وشر قرها