تقرير صيانة 20000 كم مازدا 3 2010

[alymonir]

معلش شوية تأخير في الرد على الموضوع بسبب الأحداث الجارية

المشاركة الأصلية كتبت بواسطة corsair الف مليون مبروك يا استاذ علي وربنا يديك خيرها ويكفيك شرها وشر طريقها الله يبارك فيك جزاك الله خيرا وعندي كام تعليق صغير اتفضل زيت فيسكو اللي انتا حطيته فيسكو كام 3000 ولا 5000 علشان لو 3000 ده بيمشي 10 الاف كيلو وبيعمل 120 جنيه وده اللي انا بحطه دايما لعربيتي ومرتاح ليه جدا وغيرته مرتين وشغال زي الفل ولو فيسكو 5000 ده بيمشي 20 الف كيلو وده بيعمل تقريبا حوالي 210 جنيه هو فيسكو 5000 المفروض يمشي 10000 كم فقط ممكن تقعده أكتر بس مش دة الrecommeded تمنه 250 جم للعبوة 4 كجم وتعليقي التاني انا شايف ان اللي انتا عملته في العربية كتير عليه بره التوكيل 250 جنيه ده انا بعمل كل ده في التوكيل واخري معاهم 140 جنيه بالضريبة 160 جنيه أنت فهمتني غلط السعر دة شامل كل حاجة المصنعية لوحدها 80 جم فقط ( خليها في سرك ) انا مش عايز اضايقك بس حاول تشوف الاسعار بره ماشيه ازاي لو تعرف الاستاذ هشام باهي اللي معانا في المنتدي اسئله لما بيعمل العربية بره التوكيل مبتكلفهوش 70 جنيه مصنعيه لكن جوه التوكيل معاه ربنا هو علي فكره معاه اسكودا اوكتافيا انا بس بنبهك علشان تعرف ان الاسعار عندك غاليه جدا

المشاركة الأصلية كتبت بواسطة cars admire alymonir, corsair R OSE4U البوجيهات كبيرها قوى 60.000 كم يا استاذ على !!!وسير الكاتينة غيره على 90.000 كم وملكش دعوة بالجدول!!!البوجيهات!خلى بالك لان بعد كده لو متغيروش العربية حيفضل سحبها حلو وكل حاجة تمام لاكن هتبقى غول استهلاك بنزين !!! R OSE4U

أنا مش ناوي أكتر عن 35000 كم أو 45000 بالكتير جدا
مش حاوصل إن شاء الله لل 60000
و التقسيمة عندي على كاتينة
أعتقد بتقعد حوالي 200000 كم على الأقل
و كدة كدة العربية غول بنزين أصلا زي ماقلت قبل كدة

المشاركة الأصلية كتبت بواسطة حازم شاهين مبروك الصيانة يا أستاذ على الملاحظ بقى إنتشار الورش الخاصة إللى بتعمل الصيانات الدورية لمعظم السيارات و بمستوى أفضل من مراكز الوكلاء الإتجاه ده أعتقد كويس و فى صالحنا كلنا

الله يبارك فيك
و دي كمان ورشة إبن خالتي , يعني نزبيط و الحمد لله

المشاركة الأصلية كتبت بواسطة hazem_khidr الف مبروك يا علي بيه و عقبال صيانه ال 2 مليون كيلو بالنسبه للبوجيهات ماتغيرهاش قبل 40 الف كيلو انا عملت كده في الياريس و كان ممكن تقعد اكتر من كده كمان

الله يبارك فيك يا حاج حازم
كلامك صح 100%
واحد زميلي في الشغل غير بوجيهات الأوكتافيا ال A4 على 60000 و كانت كويسة

المشاركة الأصلية كتبت بواسطة AboNoRa طيب يا جماعة ممكن تفهمونى ايه الداعى للتاخير فى تغيير البوجيهات سواء الراى القائل ب 30 او 40 خاصة ان البوجيهات اكيد كفائتها وظبطها مش هيكون هو هو بعد ااكتر من 20 الف اكيد وكل ده فى حاجة مش غالية وموجودة جوة قلب الموتور اللى هو اقيم حاجة ف العربية انا بصراحة مش معاكم فى تاخير تغيير البوجيهات حتى لو الاصلية ،،، لا البنزين ف بلدنا عدل كمان ولا قيمتها تستاهل التوفير ،، ده رائى الشخصى مع كامل تقديرى لارائكم طبعا

منور يا أستاذ وائل الموضوع
الكلام على البوجيهات من خبرات ناس كتير و خبرات شخصية أيضا
الواقع بيقول إن أي قطعة غيار اصلي في العربية بتفرق كتيييير عن بعد كدة حتى لو كانت أصلي برضه
زي ما قلت للأستاذ حازم موضوع الأوكتافيا
أنا شخصيا كنت باغير بوجيهات الايكو على 30000 كم على الأقل و كان استهلاك البنزين زي الفل و بتطلع مم الموتور جديدة

[alymonir]

المشاركة الأصلية كتبت بواسطة karem ali الف مبروك يا استاذ على على اتمام صيانه ال20 الف و الحمد لله انها جت بعيد عن غبور و انا كده اكيد هتصل بيك قبل صيانه ال 30 الف عندى كفايه انى اشوف عربيتى بيحصل فيها ايه

الله يبارك فيك
انت تأمر يا حاج كريم
بس متنساش العمولة

المشاركة الأصلية كتبت بواسطة احمد بدر1978 مبروك الصيانة ياباشا وعقبال صيانة المليون

الله يبارك فيك يا أبو حميد

المشاركة الأصلية كتبت بواسطة hazem_khidr بص يا وائل باشا البوجيهات الاصلي اللي نازله مع العربيه مش هتلاقي زيها كمان حاجه طالما التوكيل قالك غير البوجيهات عند 20 الف يبقي تعرف انها تعيش الضعف او اكتر كمان و خصوصا اني لما فكيت البوجيهات عند 40 الف لقيتها لسه نضيفه و الشمعه كويسه و فكرت اركبها تاني و خصوصا اني ما لاحظتش اي تأثير يذكر في السحب او النعومه او اي شئ... حاجه مثلا زي سير الدينامو في التوكيل بيقول كل 40 الف و انا علشان مقروص منه غيرته علي 40 الف و السير طالع مافيهوش غلطه و شكله جديد و واحد قريبي معاه ياريس اخت اللي معايا عامل بيها 80 الف كيلو و موديل نفس السنه و لسه السير بتاعه شكله محترم و مالوش لزوم يتغير فبالتالي لما الواحد يلاقي فرصه ما يغيريش قطع الغيار اللي التوكيل بيقول عليها يبقي يوفرها احسن

مفيش كلام بعد كدة

المشاركة الأصلية كتبت بواسطة ahmedsaad83 ألف مبروك يا باشا على الصيانة الله يبارك فيك بس لعلم سيادتك (للعلم بس مش أقصد اى حاجة ولا أنا هستفيد) أولاً السيارة بتوضع على جهاز بالتوكيل لضبط وقياس الموتور دى اكيد انت معملتهاش عشان ده سبب انهم لسه معملوش توكيل بالاسكندرية مش موجود غير بالتوكيل بأبو رواش عملتها بالجهاز طبعا و دة موجود في ورش كتيييير دلوقتي ثانيا بيتم وضع السيارة online لمتابعة السيارة من قبل المصنع باليابان لا أعتقد مع احترامي الكامل لرأي سيادتك فحضرتك كدة ممكن تكون وفرت 300 جنيه بس مش 300 جنيه كمان عشان كدة إجمالى اللى حضرتك دفعته 635 جنية وانا عملتها فى التوكيل بـ 850 جنيه فلو هتاخد بالنصيحة عن تجربة مش فرق كبير بس تبقى مطمئن

لأ أنا وفرت حوالي 1100 جنيه
الصيانة عملتها شاملة المصنعيات و المشتريات أقل من 400 جنيه
في التوكيل 1400 ( بس مع تغيير فلتر الهواء و التكييف )
و في إعتقادي عملتها أحسن ميت مرة من غبور
شكرا لإهتمامك

المشاركة الأصلية كتبت بواسطة walidelwahsh الف مبروك وعقبال صيانة ال 200000 الف ان شاء الله ربنا يباركلك في العربية ويمتعك بيها كمان وكمان ويبعد عنك شرها وشر قرها

الله يبارك فيك
ااامين يا رب

[Dr. Mostafa El Nazer]

ربنا يباركلك فيها يا باشا ........ و اللهم لا حسد

[alymonir]

المشاركة الأصلية كتبت بواسطة Dr. Mostafa El Nazer ربنا يباركلك فيها يا باشا ........ و اللهم لا حسد

اللهم امين
جزاك الله خيرا

[karem ali]

المشاركة الأصلية كتبت بواسطة alymonir الله يبارك فيك انت تأمر يا حاج كريم بس متنساش العمولة الله يبارك فيك يا أبو حميد

يا سلام بس كده احنا نروح الاول و بعد كده ربنا يسهل ان شاء الله و بعدين انا خلاص جالى حاله نفساويه من التوكيل ده من يوم ما كان عاوز ياخد 2000 جندى وفى الاخر اتكلفت 200 جندى بس