استطلاع: ما هو افضل نظام امان تحب ان يكون بالسياره

[محمدصلاح القاضى]

1- وسائد الهواء ( اير باج )
عشان بيحمى جسمى من اى صدمات
2-ABS نظام منع انغلاق الفرامل
عشان لو قدر الله ضربت فرامل مره واحده العربيه متسحفش وتخبط اللى الحاجه اللى قطعت عليا الطريق
3- ESP نظام الثبات الألكتروني
عشان طبعا السواقه فى الشتاء بسرعه بيظهر هنا فايدته جامد جدااا
4- EBD توزيع قوة الفرامل الكترونيا
عشان العربيه متحدفش لو فى عجله البستم بتاعها مش كويس

يبقى انا كدا بفضل كل الامكانيات دى كلها
بالاضافه لنظام حماية ضد السرقه ويكون المفتاح متشفر

[AbOnOrA]

والله انا شايف ان الحاجات ديه كلها بتكمل بعض مفيش حاجة بتنافس التانية او تتفوق عليها

لكن من حيث التفضيل الشخصى رقم واحد طبعاً الايرباجز وانا من الناس اللى مقتنعة بان العربيه لازم يكون فيها على الاقل ايرباجات امامية وجانبية ولو فيه للركبه كمان يبقى خير وبركة بس اقل حاجة امامى وجانبى مش امامى بس زى ما بنشوف فى العربيات الكورى

تانى حاجة التراكشن كنترول بس ده ادائه وتاثيره بيفرق جامد من عربيه للتانية انا جربته فى عربيات يابانى معجبنيش وجربته فى المرسيدس والبى ام ولا السحر بصراحة فديه تكنولوجيا متتاخدش بالاسم بس

الانظمة المساعدة للفرامل عموماً ABS EBD BA كلها بنت حلال وظريفة (مع اختلاف الاداء برضو من هندسة عربيه للتانية) لكن كلها وسائل للسوائق المبتداء والمتوسط لكن السواق المحترف فى رائى افضل يتعامل مع العربيه من غيرها

ال ABS مثلا ممكن تستغنى عنه بتصميم كاوتش مناسب وحساسيه السائق لبدال الفرامل وطبيعة الارض وزاوية الاتجاة ساعة الفرملة وكذالك باقى الانظمة مجرد مساعدة ممكن تكون مناسبه او غير مناسبة

[محمد فيصل]

كل ما هو مذكور اصبح من اساسيات السيارات المحترمة
س وقسوقسو ق سوق

[AbOnOrA]

المشكلة ان الاضافات ديه كلها بقت اشبه بالعلامات التجارية ومجرد اسماء الناس بتشتريها وتدفع فيها زيادة من غير ما نعرف ادائها الحقيقى ايه

يعنى الايرباجات مثلاً فى عربيات كتير كورى وصينى مبتفتحش اصلاً
واللى قريته ان ليها معايير اداء برضو وبتتقاس سرعة فتحها وحاجات زى كده علشان نقول الايرباج ديه فعلاً تقدر تقوم بمهتها ولا لاء
وانظمة ال ABS انا جربتها فى عربيات صينى وكورى قلتها احسن اداء بشع وبتعطل وتبوظ كمان يعنى لا منها ولا كفايه شرها

علشان كده عايز اقول ان الامان الحقيقى بيبداء من العربيه نفسها الاسم والسمعة وبعدين التصميم وفى الاخر تيجى وسائل الامان المساعدة اللى الشركات اللى ليها اسم وسمعة كبيرة مبتستغناش عنها طبعاً

لكن العربيات الصينى وماشابه المصنع بيشترى شوية ايرباجات من مصنع جمبه فى الصين برضو يلطعها فى العربيه وخلاص والاسم ركبلك ايرباج
وطبعاً لا قدر الله لو حصل حادثة الشاسية هيتقسم نصين والعربيه تبقى علبه سردين على اللى راكبها وعلى الايرباج نفسه
فمتشروش وسائل الامان بالاسم بس وشوفو العربيه نفسها وشركتها ايه تاريخهم فى الامان ومدى كون الامان والجودة اولويه عندهم ولا الاولويه فى السعر وبس

وربنا يكفينا جميعاً شر الحوادث يارب

[حبيب الناس]

المشاركة الأصلية كتبت بواسطة yahiaashraf و الله كل الانظمه مهمه ما عدا الايرباج انا عن نفسى مبحبهوش وان شاء الله لو معايا عربيه بايرباج انا هوقفه بحيث انه ميشتغلش مره سمعت ان واحد كان ماشى برينو كليو وفجئاه فرمل مره واحده جامد ( مخبطش يعنى ) الايرباج اتفتح و الراجل مشفش حاجه دخل فى شجره يعنى لو متفتحش كان زمانه لحق نفسه و تجنب الشجره وغيره من القصص الاخرى تحياتى

ازاي الراجل فرمل مره واحده وازاي لبس في شجره اكيد الراجل فرمل مره واحده عللشان الشجره طلعت عليه فجئه في الطرق هههههههههه
طبعا انا بهزر معاك يا اخي شريف

اكيد الاير باج اهم وسيله من وسائل الامان للسائق نفسه
أما البقيه فهي وسائل امان للسياره نفسها يعني علشان العربيه زات نفسها متتخبطش لكن الاير باج لو لا قدر الله عربيه قطعت عليك الطريق من الجنب فكل وسائل الامان اللي في الفرامل ملهاش لزمه يعي انت بتعدي تقاطع وعربيه جايه تجري من التاقطع خبطت فيك عموديا



فهنا وسوائل الامان للفرامل ملشاش لزمه لكن اللي مهم هنا هوا الاير باج لانه هوا اللي هيحمي الركاب لا قدر الله بعد حمايه المولي عز وجل
وهنا يتضح اهميه الاير باج الجنبي مثل ما شرح الاخ الكبير ابو نورا وهنا ايضا يتضح لنا اهميه نوع ومارك الاير باج مثل ما تفضل اخي الكبير ابو نورا في الشرح

لذلك فانا اري ان اهم وسيلة امان تحافظ علي ارواح الركاب في اصعب الظرف هيا الايرباج وهنا يتضح دور واهميه وسائل الامان