محتاااااااااااااااااااااا ااار!!!!!!

[abo-salama]

على فكرة الكثير يشكر فى اللوجان والاسبرانزا خاصة أم 11 اللى بيشتكى منها كتير

[أحمد فاروق سيد]

على فرض أن اللوجان أفضل
لماذا M11 منتشرة أكثر ؟

M11 عربية ممتازة شبابية رياضية كلها أبشن
اللوجان عربية جيدة جداً ولكنها عتيقة جداً جداً جداً
وتقليدية إلى أبعد الحدود وأعتقد أن أجمل شئ فيها
أنها تحمل علامة رينو الفرنسية فقط

أنا بتكلم عن تجربة أمتلاك A516 منذ عامان ونصف
ومازالت معى ..... نصيحة اسأل مجرب وأسمع نصيحة مالك
من ملاك أسبرانزا

وأنا لو مكانك .... ححتار شوية بس حشترى M11

حقولك على حاجة تعملها وأنا نفسى عملتها
كل ما تشوف عربية M11 وقفها واسأل صاحبها
بقلها معاه قد أيه ؟ وأيه رأيه فيها ؟
وكذلك اللى معاه لوجان
بس أعتقد أن الفرصة حتكون أقل فى اللوجان
لأن معظم اللى معاه لوجان سيدات

وربنا يوفقك للى فيه الخير

المشاركة الأصلية كتبت بواسطة أحمد فاروق سيد حقولك على حاجة تعملها وأنا نفسى عملتها كل ما تشوف عربية M11 وقفها واسأل صاحبها بقلها معاه قد أيه ؟ وأيه رأيه فيها ؟ وكذلك اللى معاه لوجان

فكره حلوة
وبعملها كتير جدا و عملتها امبارح كنت سايق ال 516 و شوفت عربيه m11 وقفتها كنا علي الكورنيش بالاسكندريه العربيه معاه من شهرين و بيشكر فيها جدا و قال بالاخر ممتازة وقولتلو طب اما نشوف بصراحه كنت بسخنه عشان اشوف العربيه بالغرز من بعيد لاني من ملاكها و نفسي اعرف شكلها عامل اي بالغرز من ظهرها و التفاتها من بعيد بالملفات

بصراحه
والله بدون مبالغه زاد تمسكي بيها لابعد حد عربيه دبابه
وبالاخر روحلتله و قولتله علي فكره انا من ملاكها و عربيه تستاهل فلوسها و ربنا يباركلك فيها

وربنا يبارك للجميع

[الدملاوي]

المشاركة الأصلية كتبت بواسطة aboelesaad فكره حلوة وبعملها كتير جدا و عملتها امبارح كنت سايق ال 516 و شوفت عربيه m11 وقفتها كنا علي الكورنيش بالاسكندريه العربيه معاه من شهرين و بيشكر فيها جدا و قال بالاخر ممتازة وقولتلو طب اما نشوف بصراحه كنت بسخنه عشان اشوف العربيه بالغرز من بعيد لاني من ملاكها و نفسي اعرف شكلها عامل اي بالغرز من ظهرها و التفاتها من بعيد بالملفات واصح أن ما يناسب حضرتك لا يناسب غيرك بصراحه والله بدون مبالغه زاد تمسكي بيها لابعد حد عربيه دبابه وبالاخر روحلتله و قولتله علي فكره انا من ملاكها و عربيه تستاهل فلوسها و ربنا يباركلك فيها وربنا يبارك للجميع[/CENTER]

من يريد أن يشتري شيارة جديدة ليكون جل اهتمامه بها شكلها من الخلف وهي تقوم بالغرز

صدقني هذه طريقة تفكير من لم يتعب في ثمن هذه السيارة

عزيزي كلنا لنا أهدافه من سيارته وأتحدى أن يكون عمر حضرتك فوق ال23 سنة

على العموم الطبيعي اننا عندما نشتري سيارة تكون اهافنا الأولى أن تقضي لنا مشاورنا بسهولة وسلالسة وأيضا@ --- من وجهة نظري ---- معاملات الأمان

وللعلم اللوجان أفضل سيارة في فئتها بها معدلات امان عالية حيث حصلت على 3 من 5 في أختبار الأمن والسلامة الأوروربي وما أدراك ما أختبار الأمن والسلامة الأوروبي أما الأسبرانزا للأسف فلم تتأهل أصلاً لتدخل مثل هذا الأختبار

وأترك لكم في النهاية الحكم

تحياتي

[أحمد فاروق سيد]

معلومات عامة عن رينو لوجان

1 - من ويكبيديا

منذ الدخول الفعلي في 1 نيسان من عام 2007 (حينما أخذت الجمارك كل الالتزامات لتطبيق الاتفاقية على أرض الواقع بالنسبة للبلدان الأربعة) وعام 2008، ازدادت صادرات هذه البلدان بنسب كبيرة. ازدادت صادرات مصر بنسبة 115% وتونس 19% والمغرب 6% والاردن 86%. أعلن المغرب في نوفمبر 2007 اعتزامه تصدير سيارات لوجان رينو الفرنسية إلى مصر في أكتوبر 2008، بعد زيارة وفد من وزارة التجارة والصناعة المصري مصانع السيارة المغربية خلال يوليو 2007 وتأكد من أن عمليات التصنيع لهذه السيارة تتم داخل المصانع المغربية بنسبة مكون محلي بها تفوق 40% وهو ما يتوافق مع قواعد المنشأ لاتفاقية أغادير. يبلغ سعر السيارة المغربية نحو 50 ألف جنيه. وتعمل رينو في المغرب من خلال فرعها سوماكا الذي يقع في الدار البيضاء، وصدرت سوماكا في يونيو الماضي مئات السيارات من ماركة "لوجان" إلى فرنسا وإسبانيا. وأصبحت "لوجان" السيارة الأكثر مبيعاً في المغرب منذ بدء تسويقها في المملكة في يوليو 2005 وسجلت مبيعاتها 12700 سيارة في عام 2006

2 - من أسئلة وأجوبة جوجل

مارايكم في السيارة رينو لوجان المغربية التجميع المتوفرة في السوق المصري ؟ عاوز اشتري رينو لوجان اللي انتشرت مؤخرا في السوق المصري واللي مستوردة من المغرب(تجميع مغربي) لاحظت ان سعرها رخيص جدا بالنسبة لسيارة سيدان 1600 سي سي (1.6 لتر) عاوز اعرف اية عيوبها ومميزاتها؟؟؟ هل بتستحمل ؟؟ هل بتسافر لمسافات بعيدة؟؟ هل لها قطع غيار متوفرة ورخيصة في مصر؟؟ هل ليها ميكانيكى بيفهم فيها فى مصر ..ولا لازم اروح التوكيل واصلحها باسعار توكيل رينو الغالي نار اللي بيفهم يقولي ياريت

الرد

ركبتها وهي بتسحب سحب سريع وكويسه وروحنا بها الآسكندريه ولكن عضمها مش شديد ==== لا تفعل والله نصيحه هذه السياره مليئه في المشاكل انت حر ==== لم تثبت نجاح فى السوق المصرى لانها مازالت حديثه ولكن من مظهرها لا تبشر بخير ==== اخي الكريم لا انصحك بشرائها لان : جودتها سيئة وليست لها شهرة في المغرب رغم سعرها المنخفض ==== السيارة عملية، و العلاقة بين السعر و الجودة تبدو لي معقولة. ثق بكلام الناس الذين اقتنوها أو حاول معرفة كم عدد السيارات التي بيعت لحدود الآن يمكن تعطيك نظرة... ==== شوف يا سيدي الحكاية وما فيها اولا رينو الفرنسية في 2003 قالت هنعمل سيارة ب5000 يورو لكن غبر مصنعة في فرنسا ولا تباع في فرنسا هذا الكلام من الاخبار الفرنسية اللي قرأئتها وسمعتها وتصنع في اوروبا الشرقية والمغرب ومن هنا المغرب بما انه بلد منفتح شويتين في المجازفة مع المستثمر ومفيش معوقات استطاع ان يصنعها في المغرب وبما اني سافرت المغرب في العشر سنوات الماضية كثيرا فكان صديق لي اعطاني السيارة الثانية اولا سيارة البيت للمدارس والمدام يعني وبالفعل احتفظت بها مدة زياراتي هذه والزيارة الاخيرة ايضا اولا هي اقتصادية ديزل ممتاز منها اقتصادي جدا معمولة بأقل تكلفة يعني ما فيهاش اوكرة شد الباب من الداخل منها للباب مباشرة الاوكرة ما فيهاش ماساحات خلفية لكن الموتور لا بأس به كويس مش بتاع سفر يوميا لكن ممكن تسافر طبعا ولكن مش يومي 300كيلو متر مريحة القاعدة ولكن هي مش مرسيدس في فخامتها احسن تقارن بلاش منه شنطتها كبيرة للغاية كرسيها كبيرة الخلفية والامامية وعلي ما اعتقد منها المعدل فيها كل الكماليات للامانة هي احسن بكثير من لادا وريجاتا وفيات 32 و31 وكل السيارات اللي تعتبر زبالة الغرب بصراحة هي ممتازة للامكانيات الحالية علي الاقل تسوق جديد وبعدين هتروح للمكانيكي بعد 4 سنوات علي الاقل حسب سواقتك انت اللهم اعلم بما بلغت اتمني او اكون وفيت بالاجابة التي ترغبها بالنسبة للاكسسوارات مش وقته انك تدور عليها الان لان في مستعمل فرنساوي في مصر ويا ريت تسأل من له خبرة بها احسن لك واي سؤال تريده يشرفني او اجاوبك علي اي شيء تحياتي وبالتوفيق ==== السيارة كويسه طبعا المميزات \ صندوق السيارة مساحته 520 لترا تقريبا صوتها منخفض وعازل صوتي جيد وقيادتها مريحه وتعاملها جيد على الطريق والسيارة تحس انها كسوله بعض الشئ فإندفاعها في 12،8 ثانيه من0\100 وفي القياده تحس بالثقه اثناء قيادتها وشاشه ملاحه وشاشه للحرارة وحرارة الجو والسرعه القصوى 182 والمكابح اربعه اقراص الأ انها ليس شديدة نسبيا وهي مطاطيه التأديه وبرأي ان دواسه الفرامل تحتاج قساوة واحكام بعض الشئ والصيانه لا اعرف والله لكن قطع الغيار غاليه شويا ولكن متوفرة

تعليق أحد قراء اليوم السابع

خلاص يا جماعة الموضوع إتفقس وما حدش بقى بيجيبها . قطع الغيار نار واللى جابها بيخبط دماغه فى الحيط. أول ما نزلت كان الناس عليها طوابير وحجوزات دلوقتى بيدللو عليها اللى عايز يجيب يجيب وبعدين ما يعيطش من قطع الغيار اللى باليورو ==== هههه حلوا العربية بس قطع الغيار بتمن العربية.......و لما تسأل ليه؟! يقولوا عشان قطع الغيار من فرنسا.....و عجبى

من أحد المواقع

بعض اسعار قطع الغيار فانوس امامي ----------565 فانوس خلفي-----------225 اكصدام امامي----------1150 اكصدام خلفي----------1065 فلتر زيت =35 جنيه طقم بوجيهات = 80 جنيه تيل فرامل أمامى = 225 جنيه فلتر الهواء ~~~~~~ 60 ج فلتر بنزين ~~~~~~~ 55 ج تيل فرامل خلفي ~~~~ 350 ج طلمبة مياه ~~~~~~ 475 ج طقم كاتينه ~~~~~~ 575 ج سير دينامو ~~~~~~ 75 ج بالنسبة للصيانة انا سألت في التوكيل قاوللي صيانة ال 5000 مجانية و لا يوجد بها تغير زيت صيانة ال 10000 هتكون في حدود 500 جنيه

بعد اجتياز اختبارات الامن والسلامه للمنظمة الاوربيه Euro NCAP سجلت رينو لوجان 3 نجوم والتفاصيل في اللينك. http://www.euroncap.com/tests/dacia_logan_2005/221.aspx

هذه المشاركة ليست دفاعاً عن أسبرانزا
والمقصود منها إيضاح أنه مازال هناك أختلاف
بين الناس على مدي الأعتمادية على الرنو لوجان المغربية
ولإيضاح أن كل سيارة لها عيوب كما أن مميزات

ورأي الأخير
إن لم تشترى أسبرانزا M11
فلا تشترى رينو لوجان
وتوكل على الله وقارن بين
الچين تو والنيو أكسنت

والله الموفق