ِM11 .. قد لا تكون اختيارا بديهيا لكنها تستحق الاعتبار

[luckyman]

المشاركة الأصلية كتبت بواسطة hazem_khidr معاك في كل كلمه بتقولها يا محمد باشا و فعلا ثبات الموديلات القديمه اعلي بكثير من ثبات الموديلات الحديثه من كورولا فعلا افضل سيارات انتجها اليابانيون هي سيارات التسعينات فقط.ودي اللي عملت الطفره في مصر مش اي عربيات تانيه و هي اللي اسست اساميها برضه طبعا فاكر و حاسس بالكلام من تجربتي للكريسيدا و النيسان لوريل 200L و ال 240 و المازدا 626 و الهوندا اكورد .. فعلا العربيات دي فيها مواتير قويه و ثبات جميل و تقفيل عالي جدا غير موجود حاليا علاوه علي النعومه المتناهيه

الحمد لله انك عاصرت الفترة دى وخصوصا النيسان الوريل ذات صوت الشكمان الخلفى المميز سيارة ناعمة زى الحرير وممكن تفحط فيها وتعمل دواير وانت واقف مكانك اعتقد دلوقتى لو حد حاول يعمل كدة محور العجل يفتل وربما ينكسر

[luckyman]

نسيت اوجة تحية للتويوتا كراون ونيسان سيدرك ولحازم باشا طبعا المحترم

[hazem_khidr]

المشاركة الأصلية كتبت بواسطة luckyman الحمد لله انك عاصرت الفترة دى وخصوصا النيسان الوريل ذات صوت الشكمان الخلفى المميز سيارة ناعمة زى الحرير وممكن تفحط فيها وتعمل دواير وانت واقف مكانك اعتقد دلوقتى لو حد حاول يعمل كدة محور العجل يفتل وربما ينكسر

فاكر العربيه دي كانت بتقف في الاشارات و الشباب يفحطوا بيها يلفوا الدركسيون علي الاخر و يلفوا ضهر العربيه ناحيه العربيه اللي جنبه بدون ما وشها يتحرك من قدام
و العربيه التانيه برضه نفس الشكل
كانت ايام جميله و احلي ايام فعلا
لاء و كانت عربيات قويه و متينه مالهاش حل الي ان اتجهوا الي تقنيه الجر الامامي و بقت كل العربيات اي كلام

المشاركة الأصلية كتبت بواسطة luckyman نسيت اوجة تحية للتويوتا كراون ونيسان سيدرك ولحازم باشا طبعا المحترم

الكراون و الكرونا و السيدريك و الالتيما و الجالانت القديم

[luckyman]

وعند توقف هذا الانتاج العالى الجودة ذى الاسعار الذكية ماتت الاساطير واصبحت سيارات اليوم بلا طعم او نكهة او حتى لون
زمان كنا بنعرف العربية من صوت الشكمان المميز زى اللوريل والباترول القديم
والكريسيدا من صوت الشكمان اللى زى الصفارة
والكابريس من زائير الاسد والسوبربان
حتى صوت المارش كنت بعرفة والله يمكن محدش يصدق الكلام دة الا اللى عاش الفترة الذهبية من انتاج السيارات فى تلك الحقبة اتحدى لو لقيت تابلوة سيارة مشقوق من الفترة دى او جلد باب مقطوع لدلوقتى شغال زى الفل كان يستخدم مواد ثمينة فى بناء المقصورة وكنا شايفنها عادى كان كل التابلوة محشوة سفنج ومبطن جيدا ومغلف بطقة جلد او بلاستيك محترمة عمرك ما تشم ريحة خامات السيارة من الشمس زى دلوقتى
كمان تنجيد الكراسى كان كلها كارينة وقش وسوست حاجة محترمة مش فبر زى دلوقتى تحس انك جالس على كرسى اطفال عمرى ما سمعت عن حاجة اسمها عفشة تتغير كل كل 10 سنين
عمرنا ما سمعنا عن اويل سيل وحاجات العجل بتتغير مع عربيات جديدة لغاتية العربية ما تترمى فى الزباله مفيش حاجة بتتفك فى العربية برغم الاستخدام الشاق