يا ريت رد شافي

[fineart607]

السلام عليكم ورحمة الله وبركاته

طبعا ربنا هيحاسبنى على الكلام الى بقوله
العربيه لما اشتريناها الصراحة مبهره بكل المقاييس بس كل لما مشكله تظهر بتصدم
ولما ميكونشى فى مشاكل بكون فرحان جدا ومستمتع بالعربيه العربيه كاحجم وامكانيات وطبعا سعر
باجماع كل البشر الى اتفرجوا عليها ونقوا فيها جامد الكل بيقول لو شلنا علامة الأسبرانزا او شيرى وحطيت اى علامة تانى مشهوره الناس هتصدق بس ده مش كافى
انا اتمنى ان التوكيل يكون صريح مع نفسة ويبدا يلم نفسه ويكون صريح مع الناس ويحل مشاكلهم لان العربيه مش منتشره اوى على الرغم من اعجاب الناس بيها ظاهريا انا عن نفسى المدينة الى انا فيها فيها 2 غير بتاعتى بس
لو قارنت باى موديل تانى تزامن نزوله معها زى اللوجان والسيراتوا طبعا انتشروا جامد الناس خايفه منها ولهم حق
بس والله العظيم لو تفضل حلوه كده ان شاء الله هتكون عربيه ممتازه وربنا يصلح الحال
فانا راى لو مش مستعجل عليها انتظر وشوف رد فعل التوكيل هيتحسن ولا لا

غير كده انصحك ببديل بس هو ايه الله اعلم بس استخير وربنا يكرمك

[agiad_doctor]

المشاركة الأصلية كتبت بواسطة rotana_cinemaa أنا من ملاك العربية M11 ومن واقع تجربتي لركوب 4 أنواع عربيات بشكل كبير مثل الانوس و الألنترا وبيجو 206 وفيات 128 أقدر أقولك أن مشاكل السيارة من صوت تزيق وصوت في العفشة والدينامو الي بيقولو عليه بيتغير مظهرتش لحد دلوقتي في كل العربيات وان معظم مشاكل العربيه دي هي التوكيل سيئ جداااا وملهاش قطع غيار متوفرة خاج التوكيل الحاجة التانيه كل ملاكها وأنا واحد منهم أشترينا العربيه من الأساس وأحنا فاقدين الثقة في العربيات الصيني وبدل منرتاح ونطلع لسانا ونغيظ الناس الي حظرونا من العربيات الصيني حصل العكس العربية بيها عيوب بسيطة بتظهر كلها من التقفيل السيئ المصري والتوكيل السيئ في التعامل أما فوق كل ده أنا حسيت فيها وألي الأن بمتعة قيادة غير عاديه عن اي عربيه تانيه لكن مع أحساسي بالمتعة دي عندي قلق وعدم ثقة وخوف زي ميكون مستني الدور يجي عليا في المشاكل الي بسمعها وكمان ثقتي مهزوزة موش قادر أقولك اني مثلا مرعوب لو حصلي حادث لا قدر الله حاسس اني موش هعرف ارجعها تاني عربيه بدون توكيل محترم وبدون قطع غيار متوفرة خارج التوكيل أذن خليكي في المتوفر والمضمون وذو السمعة الطيبة وتجنبي الشبهات مثل M11

فيه دكتور بطري انا عرفه كويس عمل حدثة بعربيته a516 وديها التوكيل فيى المنصورة عند عيسى رجعها زي ماكانت مش باين انها حصل فيها حاجة وده كان مبشر جدا

[luckyman]

على فكرة الاسبرانزا خصوصا الام 11 من الموديلات الصينية الناجحة جدا وممتازة ولا توجد عليها غبار والمشكله مش فى انه صينى !!! المشكله فى التجميع المصرى وسوء الجودة والمكونات المغذية الداخله فى التجميع لا ترتقى ابدا بالمستوى لكن من ناحية السيارة وهندستها اجزم بانها ليست جيدة بل متفوقة والعيب فى التجميع المصرى المصرى المصرى المصرى المصرى انا اغنيها بقى المصرى المصـــــــــــــــــــــ ــــــــــــــــرى
مش بيحترموا المستهلك المحلى وشكرا وربنا يجازى الحكومة واصحاب الشركات ولك يا مصر منى كل التحية والتقدير والاخلاص اشترى المنتج المحلى يا ابن بلدى وشجع بلدك