كيف تتعامل مع انفجار اطار اثناء السير ؟

[ديدو]

شكرا على المعلومه المفيده ديه بس انا عاوز اقول انه الكلام اللى قاله ا/بدر عاوز جزء من الثانيه و ربنا يستر

[astrologer]

الله يجزيك خيراً على المعلومات وانا حصل معايا انفجار الكاوتش الخلفى نتيجه ان الاطار كان مستهلك ودوست على دبش ابيض ساقط من سياره نقل وربنا سترها وبردو مدستش على الفرامل نهائى مع انى عارف ان الخلفى اللى انفجر وربنا كرم بانى اتبعت الحطوات الاتيه فى لحظات معدوده و خطوه واحده وبدون زعر لمجرد الامان فقط

1- شلت رجلى من على البنزين
2- انتظار
3- شربت النور العالى وسبته شغال ( الرعاش)
4- تسقيط غيارين بدل الفرامل
5- ماسك الدركسيون مسكه حراميه
6- الانحراف بحزر مع النظر فى المراه اليمنى والوسطى.
وبصراحه الناس ساعدتنى بردو فضولى الطريق وضربوا انتظار
واللهم لك الحمد مكنش فى اى خسائر تماماً غيرت الفرده بالاستبن وربنا كرمنى اخت فيها وقت بسبب ان الموضوع مكنش هين لانى كنت على الدائرى

اللهم استرنا جميعاً
تتقبلوا احترامي

[بدر بسيونى]

المشاركة الأصلية كتبت بواسطة dego_story شكرا ياستاذ بدر على النصيحة بس معلش استفسار صغير هو الكاوتش التيوبلس بينفجر ptmnlo123per1127 زى الكاوتش العادى

ايوه تحت بعض الظروف التيوبلس بينفجر لكن احتمالة ده اقل من الكاوتش العادى طبعا بكتير

[dego_story]

المشاركة الأصلية كتبت بواسطة mesho70 بداية اشكر الاستاذ / بدر وعذارا ً إن كانت متأخرة شوية اما بخصوص انفجار التيوبليس فممكن يحصل وبيطلق علية ( الكاوتش شيع ) بتشديد حرف (ى) ودة حصل معى فعلا ً وكان الكاوتش بيرجستون اندونيسى ولكن للامانة ان عامل اكتر من 80 الف كم بالرغم من انى بغيرة فالعادة من 45 الى 50 الف كم واللى حصل انى كنت ماشى على سرعة تتجاوز 120 كم/س لان جرس الانذار كان شغال وفجأة سمعت صوت دقدقة وكانت نتيجة سير الجنط على الاسفلت ومسكت الدريكسيون جامد ورفعت رجلى من البنزين وتركت العربية الى ان توقفت لانها كانت على الغيار ووجدت ان الكاوتش الخلفى مقطوع كأنة تم قطعة بسكين اكثر من 25 كم ولكن العربية كانت ثابتة ولم اشعر بتموجها لان الكاوتش كان خلفى وكانت اكسنت موديل 2001 والرابط دة خاص بموضوع لاحد الزملاء فية معلومات هامة جدا ً عن كيفية اختيار الكاوتش وسرعتة القصوى واقصى حمولة لة http://www.masrmotors.com/vb/showthread.php?t=24240 وربنا يستر علينا جميعا ً

شكرا على التوضيح الممتاز

[dego_story]

المشاركة الأصلية كتبت بواسطة بدر بسيونى ايوه تحت بعض الظروف التيوبلس بينفجر لكن احتمالة ده اقل من الكاوتش العادى طبعا بكتير

شكرا استاذ بدر على توضيح الاستفسار جزاك الله كل خير