|
#1
21-10-2012, 01:34 PM
|
|||
|
|||
حكايتي جوه الفاميه..
السلام عليكم ورحمة الله وبركاته...
احب اصبح وامسي علي كل السادة ملاك ومستأجري "الجراند ماروتي" ف مصر.. طبعا كلنا عارفين ان الفاميه مش مسموح بيه ف مصر..(مع ان فيه عربيات بتنزل متفيمة والله) المهم بقي ان اخوكم كان حاطط شريط فاميه علي ازاز الجراند من ورا...والله من ورا فقط ...يعني مش العربية كلها.. وكنت الاسبوع اللي فات راجع من الشغل وماشي ف امان الله...اذ فجأة الاقي ملاك لابس ابيض ف ابيض واقف ف كمين وبيقولي "رخصك".... طبعا زي الاسد قلتله عيني اباشا..قالي اركن علي جنب.. رحتله قالي "غرامة فاميه 40 جنيه"...طبعا بصراحة مكنش معايا..كنت ناوي اروح اسحب من المكنة..بس قضاء ربنا اسرع.. المهم يا معلمين..قالي لو معاكش فلوس هسحب الرخص...! المهم بقي قالي بصوت عالي خلي الشارع كله سمع...ده حاجب للرؤية ولا مش حاجب....رديت بتلقائيةوالله " يا فندم ده حاجب للرؤية ومسبب للحوادث كمان"..:w6w20050411224734 61 طبعا كان معايا اتنين غجر من اصحابي وقعوا من الضحك ع الكلمة  والباشا طبعا وشه قلب الوان...وقالي طب اركنوا بقي عشان انتوا معانا شوية...ولقيت خطيبتي بترن عليا ..رحت مكنسل كالعادة....هههههههههههههه ههههههولقيت الباشا قالي هات الموبايل ده ...!!!!!!!!!!!!!!!! قلتله موبايل ايه... وانت مالك بموبايلي...؟ قالي عشان انت بتصور الامين وهو بيشتغل...قلت له والله ما حصل...ولقيت الغجر اصحابي سخنوا وقالولوا ايه ياباشا ...موبايل ايه اللي هتشوفوا...قالهم لازم اشوف الموبايل..قلتله "والله ماهتشوفه لو وزير الداخلية بنفسه جه هنا"..ههههههههههههههههههه ه اي فشخرة بقي وخلاص.. طبعا ركنا علي جنب وصاحبي نزل يكلمه لقاه عمل سحب للرخصة "فاميه زجاج الخلفي فقط"... وقلتله وانا ماشي بصوت عالي "الرخصة هتجيني لحد عندي" هههههههههههههههههههههه برضو فشخرة والله...اصلا معرفش حد ف مرور فيصل. ..وبعدها بيومين... رحت المرور قالي لازم تفحص عشان نتأكد ان المخالفة اتشالت...!. اشتريت نموزج ب 5 جند وغرامة 30 جند..بس بقي الداهية الكبيرة ان لازم تقف ف طابورالفحص ...كانت الساعة حوالي 10 وكان قدامي حوالي 150 عربية...وجت الساعة 1 ..الباشا قال خلاص انتهي الفحص النهاردة ..اللي مدخلش يجي بكرة....! خلي بالكم الساعة كانت 1 ..وبعقلية الشاب الثوري هههههههههههههههههههههههه رحت مزعق ف الناس ايه يا جدعان انتوا مستنيين ايه...يلا نروح لرئيس الوحدة...لقيت الناس سخنت ورحنا ل"ايمن بيه" رئيس الوحدة وقال ازاي كدة...مينفعش طبعا ...وخلي الشغل ل2... طبعا برضو ملحقتش ف اليوم ده بعد ما استنيت ف عز الحر....! وتاني يوم صليت الفجر ونزلت ع مرور فيصل...وطبعا لقيت قدامي حواي 20 عربية ....وبعد اجراءات فحص...اخدت الاختام.. وركنت بره ودخلت جوة استلمت الرخصة...كانت الساعة حوالي 11....! احسبوا بقي حضراتكم (35 جند للنموزج والغرامة.. وحوالي 50 جند ركنة واكراميات وتصوير وخلافه)..بالاضافة الي (اجازة يومين) وتعب وخناق وقرف وتقول لده باشا ..وتقول لده بيه...وحاجة اخر قرف والله..!  حبيت انقل التجربة عشان تاخدو بالكم...عارف ان المفروض يكون معايا فلوس عشان ادفع الغرامة الفورية..بس الحمد لله ع كل حال ..وعارف الفاميه مهم جدا للازاز اللي ورا عشان الناس اللي بتحب تمشي ع النور العالي... بس خليكم عارفين ان لو الرخصة اتسحبت..هيحصلكم زي اللي حصلي ده.... والنصيحة المهمة "اوي " محدش يستعمل موبايله لو كان ف كمين...احسن الباشا هيفكر انك بتصور الامين وهو شغال ..ههههههههههههههههههههههه هههه" 
|
|
#2
21-10-2012, 01:53 PM
|
||||
|
||||
رد: حكايتي جوه الفاميه..
  :bb127b c6eab060e3e23
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
|
|
#4
21-10-2012, 03:37 PM
|
||||
|
||||
|
رد: حكايتي جوه الفاميه..
دى شغلانة ربنا يكون فى عونك
الافضل من كدة الستاير الكبس جميلة جدا وزى الفل لو داخل على كمين تفكها فى ثوانى وبتدى نفس شغل الفاميه وترحمك من قرف الـ 
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم
|
|
#5
21-10-2012, 03:43 PM
|
||||
|
||||
|
رد: حكايتي جوه الفاميه..
اتضايقت اوى من اللى حصلك ده
|
 |
|
|
