ليه الفتيس الاوتوماتيك سمعته وحشة مع النوبيرا

[tigernet]

اكيد ياباشا فيى عيوب تصنيع من الشركة

[gogo_love]

كل ما فى الموضوع ان الفتيس الاتوماتيك للنوبيرا ضعيف وعدم تغير الزيت فى المعدلات الطبيعيه يؤدى الى التهالك والكل بيقول ان الزيت بتزود مش بيتغير ودى معلومه غلط علشان كده بيبوظ بسرعه والملخص ان الكورى فاشل فى الاتوماتيك

[alaasal]

يعنى دلوقت انا لسة شارى نوبيرا اتوماتيك

اعمل اية بالضبط علشان احافظ على الفتيس؟؟؟؟؟؟

ياريت اللى يرد يقول بالتفاصيل

و بعدين انا سامع ان الردياتير لة دخل

و اللى انا شارى منة العربية بيقولى انة عمرة ماغير زيت الفتيس مع انها معاة من 2004

و العداد عامل 16000 كم يعنى تقريبا 116000 و الله اعلم

[momohsen]

انا معايا نوبيرا 2004 اتوماتيك و الفتيس ما شاء الله زى الفل بس هو فيه حاجات بسيطه مهمه عشان يعمر معاك:
*تغيير الزيت كل 20.000 كم و هو بياخد 4لتر و اللتر بـ 24 جنيه
*التأكد من مياة التبريد اللى فى القربه لان لو الريداتير باظ بتدخل المياة على الزيت و يمكن ملاحظة تقط زيت على وش مياة التبريد
*استخدم بطارية جافة عشان مياة البطاريه السايله ممكن تنزل على الفتيس و فيه فبرة اعلى الفتيس مبتكونش محكومة ممكن تسمح بدخول مياة.
و على العموم انا لما جيت اشترى عربيتى كل الناس بقت تقولى اوعى اتوماتيك النوبيرا و كل لما اسأل ليه تسمع كلام اهبل . من الاخر كلنا متعلمين و عندنا مخ نفكر بيه فمش هروح اسمه كلام مش مقنع من اى صنايعى او تاجر و لازم تكون فيه دراسة للموضوع كويس.
وعلى فكرة واحد صاحبى كان فى الحرفيين من فترة و سأل على فتيس النوبيرا اتوماتيك و لقاة بـ 1000 جنيه و ممكن تعمله عمرة تتكلف من 500 - 600 و يرجع زى الجديد.
انا طولت عليكو بس اصلى مبحبش حد يقول كلام مش مدروس و كل واحد عارف احتياجاته و عارف اللى يناسبه.

[mahmodazam]

مع احترامي للجميع بس النوبيرا المانيوال عندي بتعوض عند الاول وممكن تنطر معاك لو جايب التاني وزودت بنزين فجأة اما الوتوماتك فا نصيحة لوجديدة زي الفل لكن لو مستعمل منصحكش بيه