واخيرا تحقق الحلم مكنة ليجانزا في عربية نوبيرا

[moko_2004]

ربنا يبارك فيكم جميعا وانا في الخدمة لأي حد عاوز يعمل الموضع دة

[أحمد محمود عبد الرازق]

المشاركة الأصلية كتبت بواسطة moko_2004 السلام عليكم احب ازف ليكم بشري اني بحمد الله اتميت المشروع اللي كان واكل حتة من دماغي بقالة كام شهر اول حاجة هتكلم علي الأسعار المكنة ليجانزا 2000 سي سي سعرها 2200 جنية من بورسعيد بدون فتيس اوتو - انا عربيتي اوتو اصلا مش محتاج اغير فتيس- تكلفة تسقيط المكنة 550 جنية شاملة خرم في الكرسي اليمين اتعمل في المخرطة علشان اضبط الكرسي في مكانة ب 25 جنية تعديل في الشكمان عشان اطول زور الشكمان لأن كان قصير ب 100 جنية التعديل الأخير كان فيشتين كهربا بتوع المروحة و الحرارة و المارش احتاجنا نطولهم السلك كان عندي و الشكرتون فكدة ممكن نقول ببلاش حظي كان حلو لما روحت اثبت المكنة في المرور ثبتها 1500 بدل 2000 لأن ورق المكنة كان اتحرق في احداث 25 يناير فثبت المكنة بالسعة الترية القديمة شراء المكنة و التركيب والتظبيط اخد يومين بالضبط شغل والمهم نيجي لتجربة الأداء العربية مع انها اوتو بقيت بحس بعزم زي عزم المانيوال بالضبط الأستجابة عالية جدا و خصوصا في السرعات العالية لو قرصت في اي طلعة العربية تأمرك فورا و تفرك - مع ان صوتها حلو بس حاسس اني هقضي علي العجل قريب- التسارع من 0-100 في 9 ثواني ومن 0-120 في 12 ثانية ومن 0-160 في 20 ثانية و من 0-180 في 35 ثانية من 0 -200 في دقيقة و نصف و اكتر من كدة اعصابي مستحملتش هاحاول انزل فيديوها قريب لهذة القصة ان شاء الله بس بحضرهم دلوقتي معدش فية عربية 2011 موتور 1600 تعرف تكلمني العربية ما شاء الله بقت وحش انا كدة بقول الحمد لله و بارك الله فيما رزق منيش محتاج اعمل حاجة تاني في العربية

ألف مبروك عالوحش الجديد

[hanyogo]

الموضوع فى حد ذاته ممكن يبقى كويس لان المكنه عزمها اكبر من وزن السيارة ودة كويس نيجى بقى للاجرات لو السيارة ديه معاقيين هتقبلك عند رفع الحظر مشكله كبيرة فى الجمارك ممكن يكون ورق العربيه اتحرق فى المرور ولكن متحرقش فى الجمارك وعند رفع الحظر ستكون الصدمه الكبرى عند اكتشاف ان الموتور ليس هو الموتور وسيقوم بحل وش السليندر وسيكتشف ان المكنه 2000 سى سى وليس 1500 كما كتبت وهتقع فى مشكله كبيرة مع الجمارك ومش هيبقى قدامك الا حلين الاول هو انك مشهتقدر ترفع الحظر وبالتالى مشهتقدر تبيع العربيه والحل الثانى انك هتدفع كل المبالغ اللى انت اتعافيت منها زى الضريبه مثلا وسعتها هيدفعك ضريبه 2000 سى سى ومش كدة وبس هتدفع غرامه فك الحظر 9750 دة لو حبيت ترفع الحظر وتبيعها والكلام اللى بقوله دة بس يمشى على المعاقيين فقط اما لو مش معاقيين ممكن يعملها لانه لا يبوجد حظر اما لو معاق حب يعمل كدة عليه ان ينتظر فترة الحظر 5 سنوات ويكون مقرر انه مش هيبيعها ويبتدى يعمل القصه ديه اتمنى ان اكون قدمت النصيحه بمنتهى الامانه لكى يستفيد الاخوة المعاقيين زملائى ولكم الشكر

[moko_2004]

المشاركة الأصلية كتبت بواسطة hanyogo الموضوع فى حد ذاته ممكن يبقى كويس لان المكنه عزمها اكبر من وزن السيارة ودة كويس نيجى بقى للاجرات لو السيارة ديه معاقيين هتقبلك عند رفع الحظر مشكله كبيرة فى الجمارك ممكن يكون ورق العربيه اتحرق فى المرور ولكن متحرقش فى الجمارك وعند رفع الحظر ستكون الصدمه الكبرى عند اكتشاف ان الموتور ليس هو الموتور وسيقوم بحل وش السليندر وسيكتشف ان المكنه 2000 سى سى وليس 1500 كما كتبت وهتقع فى مشكله كبيرة مع الجمارك ومش هيبقى قدامك الا حلين الاول هو انك مشهتقدر ترفع الحظر وبالتالى مشهتقدر تبيع العربيه والحل الثانى انك هتدفع كل المبالغ اللى انت اتعافيت منها زى الضريبه مثلا وسعتها هيدفعك ضريبه 2000 سى سى ومش كدة وبس هتدفع غرامه فك الحظر 9750 دة لو حبيت ترفع الحظر وتبيعها والكلام اللى بقوله دة بس يمشى على المعاقيين فقط اما لو مش معاقيين ممكن يعملها لانه لا يبوجد حظر اما لو معاق حب يعمل كدة عليه ان ينتظر فترة الحظر 5 سنوات ويكون مقرر انه مش هيبيعها ويبتدى يعمل القصه ديه اتمنى ان اكون قدمت النصيحه بمنتهى الامانه لكى يستفيد الاخوة المعاقيين زملائى ولكم الشكر

لحسن حظي ان ورق المكنة هو اللي كان محروق اما ورق العربية فموجود و دة اللي خلاني خلصت فك الحظر بدون مشاكل من كام شهر فاتو

[moko_2004]

الخطوة القادمة و اللي بفكر فيها هو تسقيط موتور شيفرولية 6 سلندر جر امامي مكان الليجانزا مع اجراء تعدليلات في الشاسية من الداخل و شدادات وتقوية وفرامل وعفشة
بس لما افوق من موال كدة ويبقي معايا الماديات المناسبة و الميكانيكي و السمكري و العفشجي اللي يقدر علي الكلام دة