رداتير

[محمد حسن عبد الرحمن]

المشاركة الأصلية كتبت بواسطة abokoko شكرا استاذ / محمد لنقل التجربة بس اكون شاكر لو قلت لى الردياتير عندك كام ماسورة واخباره فى تبريد العربيه ايه ؟ علشان بيقولوا ان الردياتير النحاس مش هيبرد كويس زى الالومنيوم ومعلومة لحضرتك الردياتير الالومنيوم كان معايا كويس وبدون شكوى العيب الوحيد انه مش بيتلحم الا بالانبوتين وبعدها مش بيعيش علشان كده قلت اركب النحاس علشان مستقبلا لو حصلت مشكلة يتصلح

واللهى يا باشا أنا معرفش الردراتير عندى كام ماسورة الأخبار فى التبريد كفاءة عالية فى التبريد والعربية فى أشد يوم حرارة مبتعديش الشجرة اللى هى 90 درجة مئوية بس ملحوظة عن مروحة التبريد عندى شغالة دريك يعنى على السير بتاع الطرمبة يعنى أول ما تيجى تدور العربة المروحة بتاعت التبريد تشتغل مش على ثرومثتات بوقت معين نصيحة خليك فى الألمنيوم لو المروحة بتاعتك على ثرومثتات أما لو المروحة دريك هات واحد نحاس وديه خلفيتى يا باشا وأرجو أنى أكون قدرت أفيد حضرتك.

أخوك محمد

[حسام البورسعيدى]

انت يوم لما تجيب ريدياتير الومنيوم جديد وتحط مياه خضرا نوع كويس وتكون قبلها مطمئن على دوره المياه جوه الموتور ومنضفها ومشيك على المروحه والثرموستات (الساعه) بتاعتها ..

يبقى انت كده باذن الله هتنسى حوار السخونيه واعطال الريدياتير كمان .. وبعدين اللى بياكل الريدياتير هو الاملاح الناتجه عن الصدأ المترسب فيه لفترات طويله .. لكن انت لما تجيب ريدياتير جديد مفهوش صدأ وتحطله ميه خضرا .. يبقى مفيش اى سبب يخليك تلحم الريدياتير كل شويه ..

وبعدين على فكره لحام الريدياتير مش بيرجعه زى الاول لانه بيلغى مجرى الميه اللى لحمت عليه ....

يا رب اكون قدرت افيدك .....

[abokoko]

المشاركة الأصلية كتبت بواسطة حسام البورسعيدى انت يوم لما تجيب ريدياتير الومنيوم جديد وتحط مياه خضرا نوع كويس وتكون قبلها مطمئن على دوره المياه جوه الموتور ومنضفها ومشيك على المروحه والثرموستات (الساعه) بتاعتها .. يبقى انت كده باذن الله هتنسى حوار السخونيه واعطال الريدياتير كمان .. وبعدين اللى بياكل الريدياتير هو الاملاح الناتجه عن الصدأ المترسب فيه لفترات طويله .. لكن انت لما تجيب ريدياتير جديد مفهوش صدأ وتحطله ميه خضرا .. يبقى مفيش اى سبب يخليك تلحم الريدياتير كل شويه .. وبعدين على فكره لحام الريدياتير مش بيرجعه زى الاول لانه بيلغى مجرى الميه اللى لحمت عليه .... يا رب اكون قدرت افيدك .....

الردياتير عندى كان بحالته واول مره يتفك - وكنت بحط مياه خضراء
وكنت بنظفه مره او اتنين فى السنة
واللى حصل وانا مسافر ( تخمينا ) من مطبات الطريق اخد له ظلطه ولا طوبه صغيره
عدت من فتحات وش العربيه واتخرم خرم صغير جدا - ومكنش بيبان الا لما اشغل العربيه

ورغم صغر الخرم الا انه رفض لحامه بالانتيمونيوم - وقال اللحام هياكل الماسوره 6+ الخرم قريب جدا من العلبه الفبر

النحاس هيتلحم ومش هيكون فيه علبه فبر
ده اللى فكرت فيه

[abokoko]

المشاركة الأصلية كتبت بواسطة محمد حسن عبد الرحمن واللهى يا باشا أنا معرفش الردراتير عندى كام ماسورة الأخبار فى التبريد كفاءة عالية فى التبريد والعربية فى أشد يوم حرارة مبتعديش الشجرة اللى هى 90 درجة مئوية بس ملحوظة عن مروحة التبريد عندى شغالة دريك يعنى على السير بتاع الطرمبة يعنى أول ما تيجى تدور العربة المروحة بتاعت التبريد تشتغل مش على ثرومثتات بوقت معين نصيحة خليك فى الألمنيوم لو المروحة بتاعتك على ثرومثتات أما لو المروحة دريك هات واحد نحاس وديه خلفيتى يا باشا وأرجو أنى أكون قدرت أفيد حضرتك. أخوك محمد

ميعادى مع بتاع الردياتير يوم الاحد
ولو جابة هركبه وبعدها هبقي اقول على التجربة
دعواتكم - وشكرا للاهتمام

[abokoko]

اخيرا اليوم الراجل احضر الرداتير
وركبته من شويه
نحاس 3 ماسوره طراز 2 ماركة البستانى
400جنيه + ماسمير 10 وصواميل وورد وشاى للصبي + مياه خضراء
كله على بعضة 400 وشويه
سبحن الله - كانوا عايزين ياخدوا تمن الرداتير من غير المصنعيه 550 جنيه

الملاحظات
تركيب النحاس بيكون فى اختلافات فى التركيب وبيعدل على خفيف
زى مسامير علبة المروحة وعلب الجنب النحاس وورد زياده
كمان الخراطيم البلاستيك بيكون فى اختلاف فى الطول فبتبقي شويه متنيه
ومرضسش يقس منها
ارتفاع الغطا اعلى شويه بس عادى
مكان الترموستات معكوس بس برضه مش مشكلة

الحمد لله
وجارى المتابعه